Tag: Inspirational

Singing Daily Prolongs Your Life

Relieves stress. Singing appears to be a stress-reliever. …


Stimulates the immune response. …


Increases pain threshold. …


May improve snoring. …


Improves lung function. …


Develops a sense of belonging and connection. …


Enhances memory in people with dementia. …


Helps with grief…

Improves mental health and mood…

Helps improve speaking abilities

Happy Valentine’s ❤ day to my Loving JESUS ❤

Lyrics/ maya jacob

Music/ Fr mathews Payyappilly mcbs

Orchestration/ Anish Raju

Singer/Evugin Emmanuel

Guitar/ Sumesh parameshwar

Producer/ Ajin B Francis

Special Thanks to .Fr.Jebin Pathiparambil mcbs Fr. Saju pynadath mcbs Fr. Tom Kootumkal mcbs .Sony Ajin .Ligin B Francis .Salini Ligin

Studios/ Geetham kochi, Amala Digital kanjirapilly

Mixed & mastered/ Jinto john Geetham, Kochi

നീയെൻ ചങ്കല്ലേ ചങ്കിൽ തുടിക്കും പ്രാണനല്ലേ, നിൻ ജീവനേകി ചങ്കോടു ചേർത്തവനല്ലെ! ഈശോയെ എന്റെ ഈശോയെ എന്റെ മാത്രമെന്നും എൻ ഈശോയെ More than anything anything I love you jesus more than anything… മറക്കില്ലഞാൻ നാഥാ നിന്നെ മുറിവിൽ മരുന്നായ് നീ മുറിഞ്ഞതും , കൂടെ നടന്നതും കുറവിൽ നയിച്ചതും കാലിടറുമ്പോൾ കൈവെള്ളയിൽ കാത്തതും, ഈശോയെ എന്റെ ഈശോയെ എന്റെ മാത്രമെന്നും എൻ ഈശോയെ

// More than anything..//

പഴിക്കില്ലഞാൻ നാഥാ നിന്നെ തിരുകരത്തിലെൻ പേരു കുറിച്ചതല്ലേ. നെഞ്ചോടു ചേർത്തവൻ മിഴിനീർ തുടച്ചിടും മനം തകരുമ്പോൾ തോളിലേറ്റി താരാട്ടുപാടിടും. ഈശോയെ എന്റെ ഈശോയെ എന്റെ മാത്രമെന്നും എൻ ഈശോയെ.. (നീയെൻ ചങ്കല്ലേ)

/More than anything/

Episode 22 | ബോൺസായി | Bonsai | പുതപ്പ് | Boby Jose Kattikkadu | ബോബി ജോസ് കട്ടിക്കാട്

Episode 22 | ബോൺസായി | Bonsai | പുതപ്പ് | Boby Jose Kattikkadu | ബോബി ജോസ് കട്ടിക്കാട്

#Bonsai#BobyJoseKattikkadu​ ബോൺസായി | Bonsai | പുതപ്പ് Boby Jose Kattikkadu | ബോബി ജോസ് കട്ടിക്കാട് Content Owner: Malayala Manorama Weekly Website: http://www.manoramamusic.com​ YouTube: http://www.youtube.com/manoramamusic​ Facebook: http://www.facebook.com/manoramasongs​ Twitter: https://twitter.com/manorama_music​ Parent Website: http://www.manoramaonline.com

ദി ഗ്രേറ്റ്‌ ആർട്ടിസ്റ്റ്

💠ദി ഗ്രേറ്റ്‌ ആർട്ടിസ്റ്റ് 💠

💠💠💠💠💠

💠നിനച്ചിരിക്കാതെയെത്തിയയൊരു അദൃശ്യശക്തി നമ്മുടെ വിദ്യാഭ്യാസ സമ്പ്രദായത്തെ തന്നെ തകിടം മറിച്ചതുകൊണ്ട്, കുട്ടികളുടെ ആരവവും, ആർപ്പുവിളികളും മുഴങ്ങേണ്ട വിദ്യാലയമുറ്റങ്ങൾ നിശബ്ദതയിലേക്ക് കൊണ്ടുപോയിയെങ്കിലും ശാസ്ത്ര സാങ്കേതികവിദ്യയുടെ നൂതന സമ്പ്രദായങ്ങൾ ഉപയോഗിച്ച് നാം അതിനെ അതിജീവിക്കുക തന്നെ ചെയ്തു.

അങ്ങനെ,ഓൺലൈൻ ക്ലാസുകൾ നടക്കവേ മുതിർന്ന ക്ലാസ്സിലെ കുട്ടികൾക്ക് ഷിഫ്റ്റ്‌ അടിസ്ഥാനത്തിൽ ക്ലാസ്സ്‌ തുടങ്ങാൻ നിർദ്ദേശം ലഭിച്ചതനുസരിച്ചാണ് ഞാൻ സ്കൂളിൽ എത്തിയത്.

പത്താം ക്ലാസിലെ കുട്ടികൾക്ക് മോഡൽ എക്സാമിന് മുന്നോടിയായിട്ടുള്ള പരിശീലനം കൊടുത്തു കൊണ്ടിരിക്കുകയാണ്‌.

മലയാളം സെക്കൻഡ് പേപ്പറിൽ കുട്ടികളുടെ എഴുത്തിലുള്ള നൈപുണ്യം നേടിയെടുക്കുന്നതിന് വേണ്ടി കൊടുത്ത ഒരു ചോദ്യമിതായിരുന്നു.

” നിങ്ങൾക്ക് ഏറ്റവും ഇഷ്ടപെട്ട, പ്രഗത്ഭനായൊരു വ്യക്തിയെ കുറച്ചും,അയാൾ നിങ്ങളുടെ ജീവിതത്തിൽ ചെലുത്തിയ സ്വാധീനത്തെ കുറിച്ചും രണ്ടു പുറത്തിൽ കവിയാതെയൊരു ഉപന്യാസം തയ്യാറാക്കുക “

കുട്ടികൾ പരസ്പരം നോക്കി… സംശയങ്ങൾ ഉയർന്നു…..

“സിനിമ താരത്തെ കുറിച്ച് എഴുതാമോ ടീച്ചർ…. “

“മദർ തേരസായെ കുറിച്ച് മതിയോ…. “

“സച്ചിനെ കുറച്ചു എഴുതിയാൽ കുഴപ്പം ഉണ്ടോ…?”

സംശയങ്ങൾ നീണ്ടപ്പോൾ…

“നിങ്ങൾക്ക് ആരെ കുറിച്ചു വേണമെങ്കിലും എഴുതാം…സാമൂഹിക, രാഷ്ട്രീയ, കലാ,കായിക രംഗങ്ങളിൽ മികവ് തെളിയിച്ച ആരെ കുറിച്ചും…. അത് കവിയോ, എഴുത്തുകാരനോ, കായിക താരമോ,സിനിമ താരമോ ആവാം…. ശരി തുടങ്ങിക്കോളൂ…”

എല്ലാവരും എഴുതി തുടങ്ങി. പിരീഡ് അവസാനിച്ചപ്പോൾ പേപ്പറും വാങ്ങി ഞാൻ സ്റ്റാഫ് റൂമിൽ എത്തി.

വെറുതെ ഒന്ന് ഓടിച്ചു നോക്കി… നല്ല ഭംഗിയായി തന്നെ എല്ലാവരും വച്ച് കാച്ചിയിട്ടുണ്ട്.

രാത്രി വീട്ടിലെ പണി ഒക്കെ കഴിഞ്ഞു,ഞാൻ പേപ്പർ നോക്കാനിരുന്നു.

അച്ഛനും, അമ്മയും ഉറങ്ങാൻ കിടന്നു. ഭർത്താവ് ടി വിയിൽ ന്യൂസ് കാണുന്നു…

ഒന്നൊന്നായ് വായിച്ചു ഗ്രേഡ് ഇട്ടു തുടങ്ങി.

“ആഹാ…. വായിച്ചു ചിരിക്കാനും, ചിന്തിക്കാനും ഉണ്ട്…”

മമ്മൂട്ടി… മോഹൻലാൽ വിജയ്…
മദർ തേരസാ… മുരുകൻ കട്ടാക്കട… ധോണി… സച്ചിൻ… മഞ്ജു വാര്യർ… അബ്‌ദുൾകലാം… അങ്ങനെ നീണ്ട നിര തന്നെയുണ്ട്…

പെട്ടന്നാണ് ഭർത്താവിന്റെ സ്വരം മുഴങ്ങിയത്…

“ഡീ …ഒന്നിങ്ങു വന്നേ… നീ ഇതു കണ്ടോ….?” എഴുനേറ്റു അദ്ദേഹത്തിന്റെ അടുത്തേക്ക് നടന്നു…

ടീവി യിൽ കാണിക്കുന്ന ന്യൂസ്‌ കണ്ടു കരഞ്ഞു പോയി…

പ്രായമായ അച്ഛനെയും, അമ്മയെയും മകൻ ഒരു കുടുസ്സ് മുറിയിൽ പൂട്ടിയിട്ടിരിക്കുന്നു… ആഹാരം കിട്ടാതെ അസ്ഥിപഞ്ജരം പോലെയിരിക്കുന്ന പിതാവ് അവിടെ മരിച്ചു കിടക്കുന്നു…അതും നോക്കി അമ്മ ജീവച്ഛവം പോലെയിരിക്കുന്നു…

💠കണ്ണേ മടങ്ങുക….

“ഇങ്ങനെയുള്ള വാർത്തകൾ എന്നെ കാണിക്കരുതെന്ന് പറഞ്ഞിട്ടുള്ളത് അല്ലേയേട്ടാ….. ” വിതുമ്പി പോയി ഞാൻ…..

“നമ്മുക്ക് കുഞ്ഞുങ്ങൾ ഇല്ലാത്തതു നന്നായി…+അല്ലെങ്കിൽ പ്രായം ആകുമ്പോൾ ഇതുപോലെയൊക്കെ അനുഭവിക്കേണ്ടി വന്നേനേം…. നീ കരയാതെ… ഞാനിതു നിനക്ക് കാണിച്ചുതന്നത്, നീ കുട്ടികളെ പഠിപ്പിക്കുന്നതല്ലേ… ഇതൊക്കെ ചേർത്ത് നല്ല ഉപദേശങ്ങൾ നൽകി നേർ വഴിക്ക് നയിക്കണം അടുത്ത തലമുറയെയെങ്കിലും…

ഒന്നും മിണ്ടാതെ തിരികെ വന്നു. അടുത്ത പേപ്പർ എടുത്തു വായിക്കാൻ നോക്കിയ ഞാനൊന്ന് ഞെട്ടി…!!! നരേന്ദ്രന്റ പേപ്പർ ആണ്…പത്തു ബി യിലെ കുട്ടിയാണ്.

കറുത്ത മഷിയിൽ വടിവൊത്ത അക്ഷരങ്ങൾ…

“ദി ഗ്രേറ്റ്‌ ആർട്ടിസ്റ്റ് – കല്യാണികുട്ടി (എന്റെ അമ്മ )”

ഒട്ടൊരു കൗതുകത്തോടെയാണ് ഞാൻ വായന തുടർന്നത് …

കാരണം നരേന്ദ്രന്റെ അമ്മ കല്യാണിയെ എനിക്ക് നന്നായി അറിയാം.

💠അവന്റെ അച്ഛന്റെ മരണശേഷം കുട്ടികളെ വളർത്താൻ തൊഴിലുറപ്പ് പണിക്ക് പോയും, മറ്റുള്ള വീടുകളിൽ അടുക്കളപ്പണി ചെയ്‌തും കഴിയുന്ന കല്യാണി എങ്ങനെ ഗ്രേറ്റ് ആർട്ടിസ്റ്റ് ആവും….!!!???

ഇവനിതു എന്താണ് എഴുതിവച്ചിരിക്കുന്നത്…
💠വീണ്ടും ആ അക്ഷരങ്ങളിലേയ്ക്ക് കണ്ണോടിച്ചു…

ഈ ലോകത്തിലെ ഏറ്റവും വലിയ ഗായിക എന്റെ അമ്മയാണ്.. ആരുടെ പാട്ട് കേട്ടാണോ ഒരാൾ കരച്ചിൽ നിർത്തുന്നത്…. സന്തോഷത്തോടെയിരിക്കുന്നത്… സമാധാനത്തോടെ ഉറങ്ങുന്നത്… അത്,സ്വന്തം അമ്മയുടെ താരാട്ട് പാട്ടാണ്.

ഈ ഭൂമിയിലേക്ക് പിറന്നുവീഴുന്ന ഓരോ കുഞ്ഞും കേൾക്കുന്നത് സംഗീതം പഠിച്ചയാളുടെയോ,, അവാർഡ് കിട്ടിയാളുടെയോ സ്വരമല്ല… രാഗവും,താളവുമില്ലെങ്കിലും …. അവന്റെ ഹൃദയത്തിൽ ആഴത്തിൽ സ്പർശിക്കുന്നത് ആ താരാട്ട് പാട്ട് തന്നെയാണ്.

എന്റെ അനുജത്തിയെ ഉറക്കുവാൻ വേണ്ടി അമ്മ പാടിയ താരാട്ടുപാട്ടിനോളം മാധുര്യമേറിയയൊരു സ്വരവും ഈ ഭൂമിയിൽ ഞാൻ വേറെ കേട്ടിട്ടില്ല. അതേ എന്റെ അമ്മയാണ് ഈ ലോകത്തിലെ ഏറ്റവും മികച്ച ഗായിക.

ഞാൻ കണ്ട ഏറ്റവും വലിയ കഥാകാരിയും എന്റെ അമ്മയാണ്…

പകലന്തിയോളം പണി കഴിഞ്ഞു, റേഷൻ പീടികയിൽ നിന്നും അരിയും വാങ്ങി വന്ന്, ഉണങ്ങാത്ത വിറക് ഊതി, ഊതി കത്തിച്ചു കഞ്ഞി, കാലം ആക്കുമ്പോൾ…

കരിയും,പുകയുമേറ്റ അടുക്കളയിൽ അമ്മക്കൊപ്പം ഞാനും ഏട്ടനും ഇരിക്കുന്നുണ്ടാവും… അടുത്ത് തഴപായിൽ അനുജത്തിയെ കിടത്തിയിട്ടും ഉണ്ടാവും….
അപ്പോഴൊക്കെയും അടുപ്പിൽ നിന്നുയിരുന്ന പുകചുരുളുകൾ നോക്കി,അമ്മ പറഞ്ഞു തന്നിട്ടുള്ള മനോഹരമായ കഥകളോളം മികച്ചവ .

ഇതുവരെ ഞാൻ എങ്ങും വായിച്ചിട്ടുമില്ല,കേട്ടിട്ടുമില്ല…!

💠എന്റെ അമ്മയാണ് ഏറ്റവും വലിയ ശില്പിയും….

ഗോതമ്പുപൊടി കുഴച്ച്, ശോഷിച്ച കൈയാൽ അവ ഉരുളകളാക്കി,സ്റ്റീൽ പാത്രം കമിഴ്ത്തിവച്ച് അതിനു മുകളിൽ ആ ഗോതമ്പു ഉരുള വച്ചു ഗ്ലാസ്‌ കൊണ്ട് ചപ്പാത്തി പരത്തുന്ന അമ്മയുടെ കഴിവ്…

അതേ ഗോതമ്പു പൊടികൊണ്ട് കൊഴുക്കട്ട ഉണ്ടാക്കി… കലത്തിനു മുകളിൽ ഒരു തുണി ചുറ്റി കെട്ടി അതിന് മുകളിൽ ആ ആ കൊഴുക്കട്ട വച്ച് പുഴുങ്ങി എടുക്കുന്നത്….അതേ എന്റെ അമ്മയാണ് ഞാൻ കണ്ട ഏറ്റവും വിദഗ്ദ്ധയായ ശില്പി.

എന്റെ അമ്മയാണ് ഏറ്റവും വലിയ അഭിനേത്രി മിഴികൾ നിറയുമ്പഴും അധരത്തിൽ പുഞ്ചിരി പ്രകാശിപ്പിക്കുന്ന അമ്മയോളം മികച്ചയൊരു നടിയെ ഞാനിതുവരെ വേറെ കണ്ടിട്ടില്ല

പട്ടിണി കിടന്നു, മുണ്ട് മുറുക്കിയുടുത്തു….
മക്കളെ ഊട്ടി കുഞ്ഞുങ്ങളുറക്കമായാൽ കലത്തിൽ കോരി വച്ച കിണർ വെള്ളം കുടിച്ച്,വിശപ്പടക്കുന്ന എന്റെ അമ്മയോളം ത്യാഗശീലയായ ഒരാളെയും ഞാൻ ഇതുവരെ കണ്ടിട്ടില്ല…

അതേ ഏറെ അഭിമാനത്തോടെ… അതിലേറെ സന്തോഷത്തോടെ പറയട്ടെ എന്റെ അമ്മ കല്യാണി കുട്ടിയാണ് ഞാൻ കണ്ട ഏറ്റവും വലിയ ആർട്ടിസ്റ്റ്… ദി റിയൽ ഹീറോയിൻ….

ഒരു കാര്യം കൂടി പറയാതെ വയ്യ… കണ്ടു നേരിയ ഒരു ഓർമ്മ മാത്രമേയുള്ളൂ എനിക്കെന്റെ അച്ഛനെ… പകലു മുഴുവനും പണികഴിഞ്ഞു രാത്രി അടുത്ത വീട്ടിലെ മുറ്റത്തു ഒരു മലപോലെ കൂട്ടിയിട്ടിരിക്കുന്ന തേങ്ങ പൊതിച്ചെടുക്കുന്ന എന്റെ അച്ഛനോളം വലിയൊരു കായികാഭ്യാസിയെ ഞാൻ കണ്ടിട്ടില്ല… ആ സ്നേഹവും കരുതലും കുഞ്ഞിലേ നഷ്ട്ടപ്പെട്ടുവെങ്കിലും അതറിയിക്കാതെ വളർത്തിയ എന്റെ അമ്മയെ മറന്നൊരു ജീവിതം എനിക്കില്ല.

ഇനി ഒരു ജന്മം ഉണ്ടെങ്കിൽ എന്റെ അച്ഛന്റെയും,അമ്മയുടെയും രണ്ടാമത്തെ മകനായി… ഏട്ടന്റെ അനുജനായി… അനുജത്തികുട്ടിയുടെ കുഞ്ഞേട്ടനായി… ആ കൊച്ചു വീട്ടിൽ തന്നെ എനിക്ക് പിറക്കണം…✍️

അറിയാതെ വയറ്റിൽ കൈ വച്ചു പോയി… തൊട്ട് മുൻപ് ടി വിയിൽ കണ്ട വാർത്ത കണ്ണുകളിൽ തെളിഞ്ഞു….

കല്യാണം കഴിഞ്ഞു പതിനെട്ടു വർഷങ്ങൾ കഴിഞ്ഞിട്ടും ഒരു കുഞ്ഞിന് ജന്മം കൊടുക്കാൻ കഴിയാത്ത എന്റെ വയറ്റിൽ കൈ വച്ചു കണ്ണീരോടെ ഞാൻ പ്രാർത്ഥിച്ചു …

“നരേന്ദ്രാ……. ഈ വയറ്റിൽ നീ പിറന്നില്ലല്ലോ… നിന്നെ പോലെ ഒരു മകന് ജന്മം കൊടുക്കുന്നതിനോളം പുണ്യം മറ്റെന്തുണ്ട്… അടുത്ത ജന്മത്തിലെങ്കിലും നീ എനിക്ക് മകനായി പിറക്കണം…”

എന്റെ കണ്ണീർ വീണ, അവന്റെ അക്ഷരങ്ങൾ നോക്കി…കുറച്ചു നേരം ഞാനിരുന്നു പോയി…

അവന്റെ അക്ഷരങ്ങൾക്ക് ഗ്രേഡ് ഇടാനുള്ള യോഗ്യത എനിക്കില്ല… ഞാൻ പഠിച്ച ഒരു ഡിഗ്രിയും എനിക്ക് അതിന് അനുമതി നൽകില്ല… കാരണം അവനെഴുതിയത് ജീവിതമാണ്…
സ്വന്തം രക്തം ചാലിച്ചെഴുതിയ ജീവിതം…

💞💞💞💞💞💞

💠ഇന്ന് നിങ്ങൾ മക്കളെങ്കിൽ നാളെ നിങ്ങളും രക്ഷിതാക്കളാവും അതുകൊണ്ട് നാം എന്ന ശില്പം മെനഞ്ഞ ആ ഗ്രേറ്റ് ആര്ടിസ്റ്റുമാരായ നമ്മുടെ മാതാപിതാക്കാക്കളെ മറക്കരുത് ഒരിക്കലും… നെഞ്ചോട് ചേർത്ത് വയ്ക്കണം അവരുടെ അവസാന ശ്വാസം വരെയും.🙏🙏

✍️സുനി ഷാജി… !

Pinneyum pinneyum cover song | by Elizabeth

Elizabeth എന്ന കലാകാരിയുടെ അതിമനോഹരമായ ഗാനം. ട്യൂറേറ്റ് സിൻഡ്രം (ഇടവിട്ടുള്ള ഞെട്ടൽ) എന്ന രോഗത്തിലൂടെ കടന്നുപോകുമ്പോഴും എത്ര മനോഹരമായി പാടുന്നു👍👍👍👍 https://youtu.be/UQKLlXKjeBA

Pinneyum pinneyum cover song | by Elizabeth

ബോര്‍ഡിൽ കണ്ട വിലാസം

വീട്ടിലേക്കുള്ള വഴിയിൽ, വിളക്കുകാലിൽ ഒരു ബോർഡ് തൂക്കിയിട്ടതു കണ്ടു .
അതിൽ എന്താണ് എഴുതിയിരിക്കുന്നത് എന്നറിയാനുള്ള വ്യഗ്രതയുണ്ടായി അടുത്തു പോയിനോക്കി.
അതിൽ എഴുതിയിരുന്നത്.

“എനിക്ക് കാഴ്ചശക്തി കുറവാണ്, ഈ വഴിയിലെവിടെയോ എന്റെ ഒരമ്പത് രൂപ കളഞ്ഞുപോയിട്ടുണ്ട്,
നിങ്ങൾക്ക് ആർക്കെങ്കിലും കിട്ടുകയാണെങ്കിൽ, ഈ വിലാസത്തിലുള്ള എനിക്ക് എത്തിച്ചു തരുവാൻ സന്മനസ്സുണ്ടാവട്ടെ എന്നു പ്രാർത്ഥിക്കുന്നു.”

കൗതുകം തോന്നിയ എനിക്ക് ആ വ്യക്തിയെ ഒന്നു കാണണമെന്ന് തോന്നി.
ബോര്‍ഡിൽ കണ്ട വിലാസം ലക്ഷ്യമാക്കി നടന്നു,
നിലംപൊത്താറായ ഒരു പുൽക്കുടിലിന്റെ മുന്നിൽ അവശയായി ഒരു വൃദ്ധ ഇരിക്കുന്നതുകണ്ടു.
എന്റെ കാലൊച്ച കേട്ടിട്ടായിരിക്കാം പതുക്കെ തലയുയർത്തി,
“ആരാ” എന്നു ചോദിച്ചു…

അമ്മൂമ്മെ ഞാനാണ്, ഈവഴി നടന്നുപോയപ്പോൾ ഒരമ്പത് രൂപ കളഞ്ഞുകിട്ടി, അപ്പോഴാണ് അമ്മൂമ്മ ആ വിളക്കുകാലിൽ തൂക്കിയ ബോര്‍ഡ് കണ്ടത്. തീര്ച്ചായായും അത് അമ്മൂമ്മയുടെ കളഞ്ഞുപോയ ആ അമ്പത് രൂപയാണ്, അതിവിടെ തന്നിട്ടു പോകാമെന്ന് വെച്ചു…

ഞാനതു പറഞ്ഞപ്പോൾ അവരുടെ കണ്ണുകൾ ഈറനാകുന്നതു ഞാൻ കണ്ടു. അവർ പറഞ്ഞു,

“ഇപ്പോൾ തന്നെ ഒരു 40 – 50 പേര് വന്നു വഴിയിൽ തങ്ങൾക്ക് 50 രൂപ കളഞ്ഞു കിട്ടിയിരിക്കുന്നു എന്ന് പറഞ്ഞു അത് എന്നെ ഏല്പിച്ചു പോയിരിക്കുന്നു…!,

എന്തൊ ആ വിളക്കുകാലിൽ ഞാൻ അങ്ങനെയൊരു ബോര്‍ഡ് തുക്കിയിട്ടില്ല… എനിക്കാണെങ്കിൽ എഴുത്തും വായനയും അറിയില്ല…”

കുഴപ്പമില്ല അമ്മൂമ്മെ ഇത് വെച്ചോളൂ എന്ന് പറഞ്ഞു ഞാൻ ആ 50 രൂപ അവരുടെ കയ്യിൽ തിരുകി.

പക്ഷേ താങ്കൾ പോകുന്നവഴി ആ ബോര്‍ഡ് അവിടെനിന്ന് എടുത്തുമാറ്റിയേക്കൂ എന്ന് അവരെന്നോട് അപേക്ഷിച്ചു.
വളരെ കൗതുകകരമായ ഒരു കാര്യം കൂടി പറയട്ടെ, തന്നെ കാണാൻ വന്നവരോടെല്ലാം അവർ ആ ബോര്‍ഡ് അവിടെനിന്നും മാറ്റാൻ ആവശ്യപ്പെട്ടിരുന്നു. പക്ഷെ ആരും അത് ചെയ്തില്ല എന്നുമാത്രം.

തിരിച്ചുവരുമ്പോൾ ഞനാലോചിച്ചു,
ആ വിളക്കുകാലിൽ ആരായിരിക്കും അങ്ങനെയൊരു ബോര്‍ഡ് തൂക്കിയത്…?!

തന്നെ കാണാൻ വന്നവരോടെല്ലാം അവരത് എടുത്തുമാറ്റാൻ പറയുന്നുണ്ടെങ്കിലും ആരും അത് ചെയ്യുന്നില്ല…!

ഏതോ ഒരു മഹാമനസ്കനു അന്ധയായ ആ വൃദ്ധയെ സഹായിക്കണമെന്ന് തോന്നിയിട്ടുണ്ടാകും.
അതിനു അദ്ദേഹം കണ്ടെത്തിയ ഉപായമായിരിക്കാം ആ ബോര്‍ഡ്…!

ഒരാളെ സഹായിക്കാൻ മനസ്സണ്ടെങ്കിൽ എന്തുമാത്രം വഴികളാണ് നമ്മുടെ മുമ്പിൽ തെളിഞ്ഞുവരുന്നത്…!!!

പിന്നിൽനിന്ന് ആരോ വിളിക്കുന്നു,

“ചേട്ടാ ഈ വിലാസം…?
എനിക്ക് ഈ വ്യക്തിയെ കാണണമായിരുന്നു,
അവരുടെ നഷ്ടപ്പെട്ട 50 രൂപ എനിക്ക് വഴിയിൽ നിന്നു കിട്ടി അതവരെ ഏൽപിക്കാനാ… “

ഞാനാ കുടിലിനു നേരെ വിരൽ ചൂണ്ടി. അദ്ദേഹം ആ കുടിൽ ലക്ഷ്യമാക്കി പോകുന്നത് നോക്കിയിരിക്കെ എന്റെ കണ്ണുകൾ ഈറനായി…

മനുഷ്യത്വത്തിന്റെ ഉറവകൾ ഒരുകാലത്തും വറ്റുകയില്ല…
അത് എവിടെയെങ്കിലും നിർഗളം ഒഴുകിക്കൊണ്ടേയിരിക്കും…

Author: Unknown

അഞ്ചാം വിവാഹ വാർഷിക ദിനത്തിൽ ഭാര്യ ഭർത്താവിനായി കുറിച്ച വരികൾ

അഞ്ചാം വിവാഹ വാർഷിക ദിനത്തിൽ ഭാര്യ ഭർത്താവിനായി കുറിച്ച വരികൾ
 
അഞ്ചാം വിവാഹ വാർഷിക ദിനത്തിൽ ഭാര്യ ഭർത്താവിനയച്ച മനോഹരമായ ഒരു സന്ദേശത്തിൻ്റെ വിവർത്തനമാണിത്.
 
ദാമ്പത്യ ജീവിതത്തിൽ 5 വർഷമേ പിന്നിട്ടുള്ളുവെങ്കിലും വിവാഹം കഴിഞ്ഞിട്ട് അഞ്ചു പതിറ്റാണ്ടു കഴിഞ്ഞവർ പോലും സ്വായാത്തമാക്കേണ്ട ചില അനശ്വര നന്മകൾ ഈ കത്തിലുണ്ട്….
കുടുംബം സ്വർഗ്ഗമാകാക്കാനുള്ള കുറുക്കുവഴികൾ ഇതിലുണ്ട്…
 
ഈ കത്തിലെ നന്മകൾ നിങ്ങൾക്കും ഇഷ്ടപ്പെടും പ്രചോദനമാകും.
 
എൻ്റെ പ്രിയപ്പെട്ട ചേട്ടായി…
 
നമ്മുടെ വിവാഹത്തിൻ്റെ അഞ്ചാം വാർഷികം നമ്മൾ ഒന്നിച്ചാഘോഷിക്കുന്ന ഈ അവസരത്തിൽ, ഞാൻ ഈ കത്ത് എഴുതുന്നത് ചേട്ടായിയോട് നന്ദി പറയുന്നതിനു വേണ്ടി മാത്രമാണ്…. എന്നെ ഇത്രമാത്രം ശ്രദ്ധിക്കുന്നതിന് നന്ദി പറയാൻ വാക്കുകളില്ല എന്ന് എനിക്കറിയാം…🥰…. എന്നെ നയിക്കുന്നതിന്…. എപ്പോഴും എനിക്കു നൽകുന്ന സഹായത്തിന്… എൻ്റെ ആത്മീയ നിയന്താവായതിന് 🙏…. ഞാൻ ദു:ഖിച്ചിരിക്കുമ്പോൾ എൻ്റെ കരങ്ങൾ പിടിക്കുന്നതിന്👩‍❤️‍💋‍👨…. എല്ലാക്കാര്യത്തിലും എന്നെ സഹായിക്കുന്നതിന് 😘….. ഏറ്റവും നല്ല ഉപദേശങ്ങൾ എനിക്കു നൽകുന്നതിന് …. എൻ്റെ ബുദ്ധിശൂന്യതകളും കോപവും സഹിക്കുന്നതിന് 🙄…. പൂർണ്ണ ഹൃദയത്തോടെ എന്നെ സ്നേഹിക്കുന്നതിന് 💕… നമ്മുടെ കുഞ്ഞിനു കൊടുക്കുന്ന വാത്സല്യത്തിനും ശ്രദ്ധയ്ക്കും …. ജ്വോഷായ്ക്കു ഒരു റോൾ മോഡൽ ആകുന്നതിന് … പ്രാർത്ഥനയിൽ ഞങ്ങളെ ഒരുമിച്ചു നിർത്തുന്നതിന്🙏….. നമ്മുടെ കുടുംബത്തിനു വേണ്ടി നിൻ്റെ ജീവിതം ബലിയായി നൽകുന്നതിന് 😘….. & അതിലെല്ലാം ഉപരിയായി ഏറ്റവും നല്ല ഭർത്താവും അപ്പനുമാകുന്നതിൽ 😍😍😍…. എൻ്റെ പൂർണ്ണ ഹൃദയത്തോടും ആത്മാവോടും കൂടെ നിന്നെ തിരിച്ചു സ്നേഹിച്ചു കൊള്ളാമെന്നു ഞാൻ വാഗ്ദാനം ചെയ്യുന്നു. …. ചില സമയങ്ങളിൽ മോശം ഭാര്യയായതിനു ഞാൻ ക്ഷമ ചോദിക്കുന്നു…. 😟 എനിക്കു ഏറ്റവും നല്ല ജീവിത പങ്കാളിയെ നൽകിയതിനു അത്യുന്നതനായ ദൈവത്തിനു ഞാൻ നന്ദി പറയുന്നു.I ഞാൻ നിന്നെ അത്യധികം സ്നേഹിക്കുന്നു. 👩‍❤️‍💋‍👨….. സമയം മുന്നോട്ടു പോകുന്നതനുസരിച്ച് നമ്മുടെ സ്നേഹം സമൃദ്ധമാവുകയും അതിൽ കൂടുതൽ മനോഹരമായ പൂക്കൾ പുഷ്പിക്കുകയും ചെയ്യുമെന്നു പ്രത്യാശിക്കുന്നു.❣️❣️❣️❣️
 
NB : തൊടുപുഴക്കടുത്തു കലയന്താനി സ്വദേശികളും ഇപ്പോൾ കാനഡയിൽ താമസിക്കുന്നവരുമായ ഷിൻ്റോ – സോണിയ ദമ്പതികളുടെ വിവാഹം കഴിഞ്ഞിട്ട് 2021 ജനുവരി 24 നാണ് അഞ്ചു വർഷം പൂർത്തിയാകുന്നത്.
 
പ്രാർത്ഥനാശംസകൾ
 
ഫാ. ജയ്സൺ കുന്നേൽ mcbs
Advertisements

Author of the Content: Fr. Jaison Kunnel MCBS, Ludwig-Maximilians-Universität München
Source: – Official Facebook Page: https://www.facebook.com/jaison.alex.16/

കേരളത്തിൽ വന്ന് തലവര മാറ്റിയ പെൺകുട്ടി

മഹാദേവൻ തമ്പിയുടെ ഫോട്ടോഷൂട്ട്ലൂടെ സൂപ്പർ മോഡലായിമാറിയ ആസ്മാൻ എന്ന രാജസ്ഥാനി പെൺകുട്ടി അഭിനയിച്ച സിഗ്നൽ എന്ന മ്യൂസിക്കൽ ആൽബം.

ഫ്യൂസായ ബൾബുകൾ

ഫ്യൂസായ ബൾബുകൾ

അറിയപ്പെടുന്ന ആ കമ്പനിയുടെ ചീഫ് എക്സിക്യുട്ടീവായി, രാജകീയപ്രൗഡിയോടെ ജോലിചെയ്യുന്ന കാലത്ത് ഒരിക്കൽപ്പോലും കരുതിയിരുന്നില്ല കൊട്ടാരസദൃശമായ ആ കമ്പനിക്വാർട്ടേഴ്സ് വിട്ട് ഒരിക്കൽ താൻ മാറേണ്ടിവരുമെന്ന്..റിട്ടയർമെൻെ് ആയതോടെ അതും സംഭവിച്ചു,

എങ്കിലും അധികമകലെയല്ലാതെയുള്ള ഹൗസിങ്ങ് സൊസൈറ്റിയിൽ നല്ലൊരു വില്ല സ്വന്തമായി വാങ്ങി താമസമാക്കാൻ വലിയ പ്രയാസമുണ്ടായില്ല,

സ്വയം താനൊരു ഉന്നതവ്യക്തിയാണെന്ന് കരുതിയിരുന്ന അദ്ദേഹം ആ ഹൗസിങ്ങ് സൊസൈറ്റിയിലെ ആരോടുംതന്നെ സൗഹൃദം സ്ഥാപിക്കുകയോ സംസാരിക്കപോലുമോ ചെയ്യ്തിരുന്നില്ല.

ആ ഹൗസിങ്ങ് സൊസൈറ്റിയുടെ മനോഹരമായ പാർക്കിൽ സായന്ദനങ്ങളിൽ നടക്കാനിറങ്ങുന്ന അവസരങ്ങളിൽപ്പോലും മറ്റുള്ളവരുമായി സംസാരിക്കയോ പരിചയപ്പെടാൻശ്രമിക്കയോ ചെയ്യ്തിരുന്നില്ലന്ന് മാത്രമല്ല അവരേയെല്ലാം വളരെ അകൽച്ചയോടും അവഗണനാമനോഭാവത്തോടും കൂടിയാണ് നോക്കികണ്ടിരുന്നത്.

ഒരുദിവസം നടത്തം കഴിഞ്ഞുപതിവുപോലെ പാർക്കിലെ ബഞ്ചിലിരുന്ന് വിശ്രമിക്കുന്നതിനിടയിൽ സമീപത്തിരുന്ന മറ്റൊരു പ്രായംചെന്ന വ്യക്തിയുമായി അവിചാരിതമായി അല്പമൊന്ന് സംസാരിക്കാനിടയായി.

പേരിനൊരുപരിചയപ്പെടലിനുശേഷം നടന്ന സംഭാഷണങ്ങളിലെല്ലാം സ്വന്തമായുണ്ടായിരുന്ന ജോലിയുടെ മഹത്വവും അധികാരത്തിൻെറ മഹിമയും ശമ്പളത്തിൻെറ വലിപ്പവുമെല്ലാമായിരുന്നു സംസാരവിഷയം. ഒപ്പം ഈ വില്ലയിലെ താമസം അത്ര തൃപ്തികരമല്ലെന്നും കുറച്ചുകാലത്തിനകം ഇവിടം വിട്ട് മറ്റൊരു നല്ല ഇടം അന്വേഷിച്ച് കണ്ടെത്തുമെന്നും കൂടി അയാൾ സൂചിപ്പിക്കാൻ മറന്നില്ല..

ഇത്രയൊക്കെ ആയിട്ടും പരിചയപ്പെട്ട വ്യക്തിയേകുറിച്ചൊ ആ ഹൗസിങ്ങ് സൊസൈറ്റിയിലെ മറ്റ് അന്തേവാസികളെ കുറിച്ചോ ഒരക്ഷരം അയാൾ ചോദിച്ചില്ലന്ന് മാത്രമല്ല അറിയാൻ താല്പര്യം കാണിച്ചതുമില്ല.



അതൊരു തുടക്കമായിരുന്നു.വാർദ്ധക്യത്തിലേക്ക് ചുടുവച്ചുകൊണ്ടിരിക്കുന്ന ആ മനുഷ്യൻ വളരെശാന്തനായി അയാൾ പറയുന്നതെല്ലാം ക്ഷമയോടെ കേട്ടുകൊണ്ടിരിക്കുന്നത് ഒരു പതിവായിത്തീർന്നു.

അങ്ങിനെ ആഴ്ചകൾ കടന്നുപോയി ,.നമ്മുടെ റട്ടയേഡ് എക്സിക്യുട്ടിവദ്ദേഹം സാവകാശം ആ ഹൗസിങ്ങ് സൊസൈറ്റിയിലെ മറ്റ്വില്ലകളിൽ താമസിക്കുന്നവരെ കുറിച്ചറിയാൻ താല്പര്യം കാണിച്ചു.

അപ്പോഴാണ് പ്രായംചെന്ന ആ പതിവ് കേഴ്വിക്കാരൻ ആദ്യമായി വായ് തുറന്നൊന്ന് സംസാരിക്കാൻ ആരംഭിച്ചത്..

സുസ്മേരവദനായ അദ്ദേഹം ആമുഖമായി ചിലത് പറഞ്ഞുകൊണ്ടാണ് സംസാരം തുടങ്ങിയത്.,

ഞാനീ സൊസൈറ്റിയിൽ ജീവിതം ആരംഭിച്ചിട്ട് അഞ്ചു വർഷങ്ങൾ കഴിയുന്നു.എന്നാൽ ഞാനിന്നേവരെ ആരോടും പറഞ്ഞിട്ടില്ല “ഞാനൊരുകാലത്ത് ഇൻഡ്യൻ പാർലമെൻെറിൽ രണ്ടുപ്രാവശ്യം മെമ്പറായിരുന്ന വ്യക്തിയാണ് ഞാനെന്ന്..”

“റട്ടയർമെൻെറ് കഴിഞ്ഞ നമ്മളെല്ലാം ഫ്യൂസായ ബൾബുകൾ പോലെയാണ്”

, ആ ബൾബുകളുടെ വേൾട്ടേജ് എത്ര ആയിരുന്നൂ എന്നതോ, മുൻപതെത്രമാത്രം പ്രകാശം പരത്തിയിരുന്നൂഎന്നതോ ഒന്നും ഫ്യൂസായതിന്ശേഷം ഒരു വിഷയമേ ആകുന്നില്ല.

താങ്കളുടെ വലതുവശത്തെ വില്ലയിൽ താമസിക്കുന്ന വർമാജി ഇൻഡ്യൻറെയ്ൽവേയുടെ ജനറൽ മാനേജരായി റിട്ടയർ ചെയ്യ്ത വ്യക്തിയാണ്., അദ്ദേഹം തുടർന്നു.

താങ്കളുടെ തൊട്ടെതിർവശത്ത് താമസിക്കുന്ന സിങ്ങ് സാബ് ഇൻഡ്യൻ ആർമിയിൽ നിന്നും മേജർ ജനറലായി റിട്ടയർ ചെയ്യ്ത വ്യക്തിയാണ്.

നമ്മളിപ്പോഴിരുന്നുസംസാരിക്കുന്ന ഈ പാർക്കിൻെറ അങ്ങേയറ്റത്ത് പൂത്തുലഞ്ഞുനിൽക്കുന്ന ഗുൽമോഹറിൻെറ കീഴിൽ പതിവായിവന്നിരുന്ന് കാറ്റുകൊള്ളാറുള്ള വ്യക്തിയെ ഓർക്കുന്നില്ലെ,തൂ വെള്ള വസ്ത്രങ്ങൾ മാത്രം ധരിക്കാറുള്ള അദ്ദഹമാണ് മെഹർജി , ഐ . എസ്സ് . ആർ. ഓ യുടെ ചീഫായി റിട്ടയർ ചെയ്യ്ത വ്യക്തിയാണദ്ദേഹം.



ഇവരാരും ഇതൊന്നും ആരോടും അങ്ങിനെ വെളിപ്പെടുത്തിയിട്ടില്ല.എന്നോടുപോലും, പക്ഷേ ഞാനിതെല്ലാം മനസ്സിലാക്കിയിട്ടുണ്ട്.

മുൻപ് എത്ര വാൾട്ട്സ് ആയിരുന്നൂ എന്നത് ഫ്യൂസായിക്കഴിഞ്ഞ ബൾബുകളെ സംബന്ധിച്ചിടത്തോളം ഒരു വിഷയമേയല്ല..എന്തിനേറെ ഫ്യൂസാകുന്നതിനുമുൻപ് ഏതുടൈപ്പ് ബൾബായിരുന്നൂഎന്നതും വിഷയമല്ല.അതായത് എൽ ഇ ഡി ,സി എൽ എഫ് ,ഹാലോജിൻ ,ഇൻകാൻഡിസെൻെറ് ,ഫ്ളൂറസെൻെറ് അതുമല്ലെങ്കിൽ അലങ്കാര ബൾബ് എന്തുമാകട്ടെ അതൊന്നും ഫ്യൂസായിക്കഴിഞ്ഞാൽ ഒരു വിഷയമേയല്ല.

ഇത് നിങ്ങൾക്കും ബാധകമാണ്.

ഇത് മനസ്സിലാക്കിയാൽ ഈ നിമിഷം മുതൽ സമാധാനവും ഉറക്കവും എല്ലാം നിങ്ങളെ തേടി നിങ്ങളുടെ വില്ലയിലും എത്തും.

ഉദയസൂര്യനും അസ്തമയസൂര്യനും രണ്ടും മനോഹരവും ആരാധ്യവുമാണ്.എന്നാൽ സത്യത്തിൽ ഉദയസൂര്യനാണ് കൂടുതൽ ആദരവും ആരാധനയും ലഭിച്ചുകൊണ്ടിരിക്കുനനത്.അതേസമയം അസ്തമയസൂര്യന് അത്രക്ക് പ്രാധാന്യം ലഭിക്കാറില്ല.

വളരെ താമസിച്ചുപോയെങ്കിലും ഈ ഉദാഹരണം കാര്യങ്ങൾ പെട്ടന്ന് മനസ്സിലാക്കാൻ സഹായകമാണ്..

നമ്മുടെ ഇന്നത്തെ പദവിയും പ്രശസ്തിയും അധികാരവുമൊന്നും ഒരിക്കലും സ്ഥിരമല്ല., ഇത്തരം കാര്യങ്ങളുമായി വളരെയധികം വൈകാരികത വച്ചു പുലർത്തിയാൽ എന്നെങ്കിലുമൊരുദിവസം അവയെല്ലാം നഷ്ടപ്പെട്ട് പോയീ എന്നറിയുമ്പോൾ അത് നമ്മുടെ ശിഷ്ട ജീവിതത്തെ കൂടുതൽ സങ്കീർണ്ണമാക്കുകയേയുള്ളു.

ഓർമിക്കുക,

ചതുരംഗം കളിച്ചുകഴിഞ്ഞാൽ കഴിഞ്ഞാൽ ” രാജാവും ആളും “ എല്ലാം ഒരു പെട്ടിയിലേക്കു തന്നേയാണ് മടങ്ങുന്നത്. .

ഡോ.എം.എൻ.ശശിധരൻ

എന്റെ ഓർമ്മയിൽ നിറഞ്ഞു നിൽക്കുന്ന ക്രിസ്തുമസ് ദിനങ്ങൾ.. ഏവർക്കും ഹൃദയം നിറഞ്ഞ ക്രിസ്തുമസ് ആശംസകൾ

Watch “എന്റെ ഓർമ്മയിൽ നിറഞ്ഞു നിൽക്കുന്ന ക്രിസ്തുമസ് ദിനങ്ങൾ.. ഏവർക്കും ഹൃദയം നിറഞ്ഞ ക്രിസ്തുമസ് ആശംസകൾ” on YouTube