Tag: featured

ഓലതുമ്പത്തിരുന്ന് ഊയൽ ആടും… Violinist Malavika Kottayam

ഓലതുമ്പത്തിരുന്ന് ഊയൽ ആടും… Violinist Malavika Kottayam Keyboard backup : Sunil Prayaag

Hai friends… അടുത്ത പാട്ട് വരുന്നുണ്ട്..” “ഓലതുമ്പത്തിരുന്ന് ഊഞ്ഞാൽ ആടും” പേജ് ഇലെ എല്ലാ followers ഇനും dedicate ചെയ്യുന്നു.. ഇഷ്ഠായൽ support ചെയ്യണേ..,,, plzz like, share and subscribe my page.. thank you so much for all your prayers, love and support.. Love you all❤️ Keyboard backup : Sunil Prayaag

Kannodu Kanbathellam… Violin by Kottayam Malavika

Kannodu kanbathellam എന്ന സോങ്ങ് ക്ലാരിറി ഇൽ വായിച്ച് ഇടാൻ request paranja എല്ലാവർക്കും വേണ്ടി … നോ delay effects.. pure clarity.. ഞങ്ങൾ തന്നെ record cheyth ഞാൻ തന്നെ വീഡിയോ എഡിറ്റ് ചെയ്തത് ആണ്.. ചെറിയ കുറവുകൾ ഒക്കെ undakum.. ക്ഷമിക്കുക.. 🙏.. plzz സപ്പോർട്ട്..
like,share and comment.
Love you all❤️❤️❤️😘
Keyboardist : Sunil Prayaag

എന്തുകൊണ്ടാണ് ഹിന്ദു ആചാര പ്രകാരം ശവശരീരം കത്തിച്ച് ഭസ്മമാക്കുന്നത് .??

പലപ്പോഴും ഉയരുന്ന ഒരു സംശയമാണ് ഹിന്ദു ആചാര പ്രകാരം എന്തിനാണ് ശവശരീരം കത്തിച്ച് ഭസ്മമാക്കുന്നത്? കുഴിച്ചിട്ടാൽ പോരെ?

ഉത്തരം: പോര എന്നാണ്

കാരണമുണ്ട്.ഹിന്ദു ധർമ്മമനുസരിച്ച് പഞ്ചഭൂതങ്ങളാൽ നിർമ്മിതമാണ് ശരീരം.

മരണ ശേഷം ഈ ശരീരം പഞ്ചഭൂതങ്ങളിൽ വിലയം പ്രാപിക്കേണ്ടതുണ്ട്.

അതിനാണ് മരണശേഷം ശരീരം ഭൂമിയിൽ കിടത്തിശേഷം ജലം കൊണ്ട് ശുദ്ധമാക്കി അഗ്നിയിൽ വെച്ച് കത്തിച്ച് വായുവിൽ ലയിപ്പിച്ച് ആകാശത്തിൽ വിലയം പ്രാപിപ്പിക്കുന്നു.

മാത്രമല്ല കത്തിത്തീരാത്ത അസ്ഥികൾ വളരെ ശ്രദ്ധയോടെ എല്ലാ സുരക്ഷാ മുൻകരുതലുകളും സ്വീകരിച്ച് പൂർണ്ണമായും കൈ കൊണ്ട് ഒരൽപ്പം പോലും തൊടാതെ പെറുക്കിയെടുത്ത് അണുനാശക വസ്തുക്കൾ ഉപയോഗിച്ച് കഴുകി വൃത്തിയാക്കി ഒരു മൺകുടത്തിൽ ശേഖരിച്ച് വായ മൂടി കെട്ടി പ്ലാവിന്റ ചുവട്ടിൽ കുഴിച്ചിടുന്നു.

എന്തേ പ്ലാവ് ?. മറ്റ് മരങ്ങൾ പോരെ?
പോര.കാരണം വലിച്ചെടുക്കാൻ കഴിവ് കൂടുതൽ ഉള്ള മരമാണ് പ്ലാവ്. ഇതു മൂലം അസ്ഥി 16 ദിവസത്തോളം പ്ലാവിൻ ചുവട്ടിൽ കുഴിച്ചിട്ടാൽ പൊടി രൂപത്തിലാവും…..

വേണമെങ്കിൽ തുറന്ന് നോക്കാം……

ശവശരീരം കത്തിച്ച സ്ഥലം ഉഴുത് മറിച്ച് നവധാന്യങ്ങൾ വിതറി പഴയ രീതിയിൽ കൃഷിസ്ഥലമാക്കുന്നു.നോക്കൂ. ഒരു ഇഞ്ച് സ്ഥലം പോലും ശവം കുഴിച്ചിട്ട് നശിപ്പിക്കാതെ കഴിയുന്നു..

പകർച്ചവ്യാധികൾ ഉൾപ്പെടെയുള്ള രോഗം വന്ന് മരിച്ച ആളെ വരെ മാവ് പച്ചയ്ക്ക് കീറിമുറിച്ച് കത്തിച്ചാണ് ദഹിപ്പിക്കുന്നത്.

ഇവിടെ പ്ലാവല്ല മാവാണ് വിറക്.. കാരണം മാവ് കറയോടെ കത്തിയാൽ അത്യുഗ്രൻ അണുനാശക സ്വഭാവമാണ്. അത് തന്നെ

വളരെ ശാസ്ത്രീയമായ രീതിയാണ്. ഇതിനെ വിമർശിക്കുന്നവർ നാട്ടിൽ ഉണ്ട് . അതു കൊണ്ട് അറിയുക.

ഒരിക്കലും ഭൂമി മലിനമാവുന്ന രീതിയിൽ ശവശരീരം കുഴിച്ചിടരുത്. വെള്ളം മലിനമാക്കപ്പെടും. രോഗങ്ങൾ പകർച്ചവ്യാധികൾ പെരുകും…..
ഓർക്കുക. മാത്രമല്ല കഴിയുമെങ്കിൽ മരണം നടന്ന് മാക്സിമം 5 മണിക്കൂറിനുള്ളിൽ ശവം കത്തിച്ച് ഭസ്മമാക്കുക. ശവത്തെ കെട്ടി പിടിച്ച് കിടക്കരുത്.

ശവം എടുക്കുന്നവർ ആദ്യം കുളിക്കണം….. എടുത്ത് കിടത്തി കുളിപ്പിച്ച ശേഷം പോയി കുളിക്കണം…

കുളിച്ച് വന്ന് കർമ്മം ചെയ്ത് ചിതയ്ക്ക് തീ കൊളുത്തിയ ശേഷം പോയി വീണ്ടും കുളിക്കണം. അപ്പോ ആകെ 3 കുളി. ഇപ്പോ ചിലര് ഇത് രണ്ടാക്കി ചുരുക്കീട്ടുണ്ട്. എന്തുമാവാം …..
“മരണ വീട്ടിൽ പോയാൽ
കുളിച്ചിട്ടു കയറണ മെന്ന് പറയുന്നതിന്റെ
ശാസ്ത്രീയത എന്താണ്?

മരണവീട്ടിലെ സങ്കടകരമായ ചുറ്റുപാടിലെ എനർജി മുഴുവൻ നെഗറ്റീവാണ്. ഇത് നമ്മുടെ ഓറയിൽ
( ഊർജ്ജശരീരത്തിൽ) കയറിപ്പറ്റിയാൽ പ്രശ്നമാണ്. അതുകൊണ്ടാണ് കുളിക്കണമെന്ന്
പറയുന്നത്.

നേരെ മറിച്ച്
സന്തോഷകരമായ ചുറ്റുപാടിൽ നിന്നും വന്നാൽ അന്ന് വീണ്ടും കുളിക്കരുത് ( ക്ഷേത്രത്തിൽ നിന്നും പോന്നാൽ വീണ്ടും കുളിക്കരുത്)
മരണ വീട്ടില്‍ ഭക്ഷണം പാചകം ചെയ്യാന്‍ പാടില്ല

ശേഷം ബലികാക്കകളെ ക്ഷണിതാക്കളായി കുടിയിരുത്തി പരിസരത്ത് ബലിയിടുന്നത് ശരീരാവശിഷ്ടങ്ങള്‍ക്ക് കോട്ടം സംഭവിക്കാതിരിക്കാന്‍ ഇഴജന്തുക്കളേയും,നികൃഷ്ട ജീവികളേയും അകറ്റി നിര്‍ത്താനാണ്.

സഞ്ചയനത്തിന് അസ്ഥികള്‍ ചമതയെന്ന ആയുര്‍വേദ വൃക്ഷകൊമ്പുകള്‍ കൊണ്ടുള്ള ചവണയാലേ എടുക്കാവൂ, ശേഷം പരിസരം നവധാന്യങ്ങള്‍ നട്ടുമുളപ്പിച്ചാല്‍ ശരീരം കത്തി അശുദ്ധമായ മണ്ണ് ശുദ്ധമാവും.

ശേഷം പുലവീടല്‍ ചടങ്ങിന് എണ്ണതേച്ച് കുളിച്ച് പഞ്ചഗവ്യം (പശുവിന്‍െറ പാല്‍, മൂത്രം, തൈര്, നെയ്യ്,വെണ്ണ) കഴിച്ചാല്‍ മരണവീട്ടില്‍ ജീവിച്ചിരിക്കുന്നവരുടെ ശരീരം ശുദ്ധമാവും.

ശേഷം പതിനാറിന് സര്‍വ്വരുമായി സദ്യയുണ്ണുന്നതോടു കൂടി വിശപ്പുമാറിയവന്‍െറ അനുഗ്രഹത്താല്‍ എല്ലാം മറന്ന് പുതിയ ജീവിതത്തിലേക്ക് കാലെടുത്തു വെക്കാന്‍ മനസ്സിനെ പ്രാപ്തമാക്കുന്ന psychology കൂടി ഈ ശാസ്ത്രത്തിലുണ്ട്.
നമ്മുടെആചാരങ്ങൾ
വളരെ ശ്രേഷ്ഠമാണ് – ശാസ്ത്രീയമാണ്. ഇത്
മനസ്സിലാക്കാത്ത കാലത്തോളമാണ് അന്ധവിശ്വാസവും അനാചാരവുമായി കാണുന്നത്🙏🙏🕉️

അറിയാത്തവർക്ക് ഒരറിവയ്ക്കോട്ടേ…

ഇത്തിരിവെട്ടം 15

# ഇത്തിരിവെട്ടം 15

എന്തിനും ഏതിനും പരാതിപ്പെടുന്നവരും, തന്റെ ചുറ്റും കാണുന്നതിനെയെല്ലാം വെറുതെ കയറി ആക്ഷേപിക്കുകയും വിമർശിക്കുകയും ചെയ്യുന്ന ഒരുപറ്റം മനുഷ്യരുണ്ട് നമ്മുടെ ചുറ്റിലും. സൗഹൃദങ്ങൾ, ബന്ധങ്ങൾ ഇവയുടെയൊക്കെ നശികരണത്തിനും ഇവ വഴിതെളിക്കാറുണ്ട്. Pride and prejudice എന്ന നോവലിലെ ജെയ്ൻ ഓസ്റ്റിന്റെ വാക്കുകൾ കടമെടുത്താൽ, “ആത്മാഭിമാനവും ദുരഭിമാനവും സമാനമെന്ന് തോന്നിക്കുന്ന രണ്ട് പദങ്ങൾ ആണെങ്കിലും അവ തമ്മിൽ വലീയ അന്തരമുണ്ട്. സ്വന്തം സ്വഭാവ മഹിമയിൽ ഒരുവനുള്ള തിരിച്ചറിവും കരുതലുമാണ് ആത്മാഭിമാനം. എന്നാൽ മറ്റുള്ളവർ തന്നെ ബഹുമാനിക്കണമെന്നും പരിഗണിക്കണമെന്നുമുള്ള ചിന്തയോടെ പെരുമാറാൻ പ്രേരിപ്പിക്കുന്ന അധമചോ തനയാണ് ദുരഭിമാനം. “ഇതേപോലെ സമാനത പുലർത്തുന്ന രണ്ട് വാക്കുകളാണല്ലോ വിമർശനവും അക്ഷേപവും. വിമർശനം, പ്രതിപക്ഷ ബഹുമാനത്തിന്റെയും സഭ്യതയുടെയും അതിർത്തി ലംഘിക്കുമ്പോൾ വ്യക്തിഹത്യയും ആക്ഷേപവുമായി മാറുന്നു. പല വിമർശനങ്ങളും പരാതികളും നമ്മുടെ സ്വന്തം കുറവുകളും പോക്രിത്തരങ്ങളും മറ്റുള്ളവരിലും നിന്നും മറച്ചുപിടിക്കാനുള്ള ഒരു തത്രപാടിന്റെ ഭാഗമാണ്. പൗലോ കൊയ്‌ലോയുടെ, The Dirty Laundry എന്ന കഥയെ ഇതിന്റെ കൂടെ ചേർത്തു വായിക്കേണ്ടതുണ്ട്.

“യുവദമ്പതികൾ ഒരു വാടകവീട്ടിൽ താമസം ആരംഭിച്ചു. പിറ്റേന്ന് രാവിലെ അയൽക്കാരി അലക്കിയ വസ്ത്രങ്ങൾ ഉണക്കാനിടുന്നത് യുവതി ജാലകത്തിലൂടെ കണ്ടു. അലക്കിയിട്ടും ആ വസ്ത്രങ്ങളൊന്നും നല്ലതുപോലെ വൃത്തിയായിട്ടില്ലെന്ന് യുവതിക്ക് തോന്നി. ”നന്നായി അലക്കേണ്ട രീതി ആ സ്ത്രീക്കറിയില്ലായിരിക്കാം. ഒരുപക്ഷേ, അവൾക്ക് നല്ല ബാർസോപ്പ് ഉണ്ടാവില്ല.” അയൽക്കാരി വസ്ത്രം അലക്കിയിടുമ്പോഴെല്ലാം ജനലിനിപ്പുറം നിന്ന് അവൾ ഭർത്താവിനോട് ഇക്കാര്യം പരിഹാസപൂർവ്വം പറയും. ഭാര്യയുടെ സംസാരത്തോട് ഭർത്താവ് പ്രതികരിച്ചില്ല. ഒരു മാസത്തിനുശേഷം അയയിൽ നല്ല വൃത്തിയുള്ള വസ്ത്രം കണ്ട് ആശ്ചര്യത്തോടെ അവൾ ഭർത്താവിനോട് പറഞ്ഞു: ”നോക്കൂ… അവൾ ഇന്ന് നല്ലതുപോലെ അലക്കാൻ പഠിച്ചിരിക്കുന്നു. എനിക്ക് അത്ഭുതം തോന്നുന്നു; ആരെങ്കിലും ഇന്നലെ അവളെ അലക്കാൻ പഠിപ്പിച്ചുവെന്ന്. ”ഭർത്താവ് പറഞ്ഞു: ”ഇന്ന് നീ ഉണരും മുമ്പ് ഞാൻ നമ്മുടെ ജനൽച്ചില്ലുകൾ വൃത്തിയാക്കി.” യുവതിയുടെ വായടഞ്ഞു പോയി. അവൾക്ക് പിന്നൊന്നും പറയാനുണ്ടായിരുന്നില്ല. തന്റെ അയൽക്കാരിയിൽ യുവതി കുറ്റം കണ്ടെത്തുന്നതിന് കാരണം അവളുടെ വീട്ടിലെ പൊടിപിടിച്ച ജാലകത്തിന്റെ പ്രശ്‌നമാണ്. നിറം മങ്ങിയ ചില്ലുജാലകത്തിലൂടെ അവൾ കാണുന്നവയെല്ലാം നിറം മങ്ങിയിരുന്നു. നാം മറ്റുള്ളവരെ കാണുന്നത് നമ്മുടെ മുന്നിലുള്ള ജനൽപ്പാളിയുടെ തെളിമ ആശ്രയിച്ചല്ലേ? അഴുക്കുപുരണ്ട ജാലകത്തിലൂടെ നോക്കിയാൽ യഥാർത്ഥ തെളിമ തിരിച്ചറിയാൻ കഴിയണമെന്നില്ല”. മഞ്ഞപിത്തം പിടിച്ച കണ്ണിലൂടെ കാണുന്നതൊക്കെ മഞ്ഞയായി മാത്രേ കാണൂ എന്നു നമ്മൾ കാലങ്ങളായി പറഞ്ഞു കൊണ്ടു നടക്കുന്നതുതന്നെ. മറ്റുള്ളവരുടെ കുറ്റങ്ങളും കുറവുകളും മാത്രം കാണുന്ന ചില വെള്ളെഴുതുകൾ മാറാൻ കാഴചകൾക്ക് തെളിമ നൽകുന്ന, മറ്റുള്ളവരുടെ നന്മകൾ മനസിലാക്കി തരുന്ന കണ്ണടകളോ ലെൻസുകളോ വാങ്ങി വയ്ക്കേണ്ടിയിരിക്കുന്നു.

ഒരു കാരണവും ഇല്ലാതെ എപ്പോഴും പരാതിമാത്രം പറയുന്നവർക്ക് റഷ്യൻ പാരമ്പര്യത്തിൽ ഓർഫൻ ഓഫ് കാസൻ എന്നൊരു പദം ഉപയോഗിച്ച് കണ്ടിട്ടുണ്ട്.

ഒരുമനുഷ്യനും തങ്ങളോട് എപ്പോളും പരാതിപ്പെടുന്ന, എപ്പോളും വിമർശിക്കുന്ന മനുഷ്യരെ കൊണ്ടു നടക്കാൻ ഒരിക്കലും ഇഷ്ടപ്പെടുന്നില്ല. എല്ലാവരുടെയും ആഗ്രഹം തന്നെ സ്വയം പോസിറ്റീവായി സ്വയം നിലനിർത്തുക എന്നതുതന്നെയാണ്. മൂന്നുതരത്തിലുള്ള പരാതിപെടലുകളുണ്ട്: ശരീരവുമായി ബന്ധപ്പെട്ടത് (അതായതു സുഖ സൗകര്യങ്ങളുമായി ബന്ധപ്പെടുത്തി പറയുന്നത്), അസൂയയുമായി ബന്ധപ്പെട്ടത് (മറ്റുള്ളവരെ അംഗീകരിക്കാൻ ഉള്ള ബുദ്ധിമുട്ടിൽ നിന്നുള്ളവ), അവിശ്വസ്തതയുമായി ബന്ധപ്പെട്ടവ (പ്രണയം കുടുംബം ഇവയിൽ ഒക്കെ കാണുന്നവ). മൊബൈലിൽ സംസാരം തുടങ്ങുംപോളെ പരാതിപ്പെട്ടി തുറക്കുന്നതിനു പകരം അല്ലേൽ ചുമ്മാ വിമര്ശിക്കുന്നതിനു പകരം ഒരുതരത്തിൽ അല്ലേൽ മറ്റൊരു തരത്തിൽ സാൻവിച് പരാതിപെടലുകളിലേക്കോ വിമർശനങ്ങളിലേക്കോ, മാറേണ്ടതുണ്ട്. അതായതു മറ്റുള്ളവരുടെ നന്മകൾ പറയുന്നതിനിടയിൽ അൽപ്പം പരാതിയോ വിമർശനമോ നർമരൂപേണ അവതരിപ്പിക്കാൻ സാധിക്കുക, അല്ലേൽ നമ്മൾ സ്വന്തമെന്നു കരുതുന്നവർ പോലും നമ്മളെ വിട്ടിട്ട് പോയി എന്നു വരും. കാഫ്കയുടെ ദി ബുർറൗ ലെ ഗുഹക്കുള്ളിൽനിന്നും കേൾക്കുന്ന അനോനിമസ് ശബ്ദംപോലെ, ദി മെറ്റമോർഫിസിസിലെ ബഗ് പോലെ, ദി ഫാൾ ഓഫ് ഹൗസ് ഓഫ് അക്ഷറിലെ പ്രേതഭാവനത്തിലെ ശബ്ദംപോലെ എന്റെ ഉള്ളിലെ അനോനിമസ് സ്‌ട്രെയ്ൻജർ ആകാം മറ്റുള്ളവരെ വിമർശിക്കാൻ തക്ക പൊട്ടത്തരങ്ങൾ നമ്മുടെ മനസുകളിൽ ക്രീയേറ്റ് ചെയ്യുക. എനിക്കിഷ്ടപെടുന്നില്ല അതുകൊണ്ട് വിമർശിക്കുന്നു എന്നതാണ് മനുഷ്യന്റെ കാഴ്ചപ്പാട്. നമുക്ക് ഇഷ്ടപെടാത്തവ എന്റെ മുന്നിലുള്ളവന്റെ ഇഷ്ടമാണേൽ ഞാൻ എന്തിനാണ് വിമർശിക്കാൻ പോകുന്നത്. സ്വന്തമായി ചിട്ടപ്പെടുത്തിയ ഒരു ചട്ടക്കൂടിൽ നിന്നുകൊണ്ട് ബാക്കിയുള്ള എല്ലാറ്റിനെയും കയറിയങ്ങ് വിമർശിക്കുക.

തനിക്ക് ഇഷ്ട്ടപ്പെട്ടില്ല എന്ന ഒറ്റ കാരണം കൊണ്ട് മറ്റൊരാളുടെ അഭിപ്രായത്തെ പരിഹസിക്കുക.
തന്റെ ശരികളിൽ മാത്രം നിന്നുകൊണ്ട് മറ്റൊരാളുടെ ജീവിതത്തെ judge ചെയ്യുക. എത്രത്തോളം അരോചകമാണല്ലേ ഇതൊക്കെ. എല്ലാവരിലും ശരികളുണ്ട് എന്നൊരു ബോധമാണ് വളർത്തേണ്ടത്. ചിലർ 6 എന്നുള്ളത് അവന്റെ ഭാഗത്തു നിന്നു നോക്കുമ്പോൾ 9 ആകാം. മറ്റുള്ളവന്റെ കണ്ണിൽകൂടി ചിലവ വായിക്കാൻ പഠിക്കുക അത്രതന്നെ. Personal choice എന്ന ഒന്നുണ്ട് സുഹൃത്തുക്കളെ. മറ്റൊരു വ്യക്തിക്കോ സമൂഹത്തിനോ ഉപദ്രവം ചെയ്യാത്ത എന്തും ആ വ്യക്തിസ്വാതന്ത്ര്യത്തിൽ ഉൾപ്പെടും. ഒരാളുടെ ജീവിതത്തിനു എന്റെ വാക്കുകൾക്കൊണ്ട് പെരുമാറ്റം കൊണ്ടു വിലയിടാൻ “ഈ പറയുന്ന ഞാൻ ആരാണാവോ?” Let people do what makes them feel good”. അതല്ലേ അതിന്റെ ഒരു ഭംഗി..

✍️#Sjcmonk (#Shebinjoseph) #motivation #life

അഞ്ചാം വിവാഹ വാർഷിക ദിനത്തിൽ ഭാര്യ ഭർത്താവിനായി കുറിച്ച വരികൾ

അഞ്ചാം വിവാഹ വാർഷിക ദിനത്തിൽ ഭാര്യ ഭർത്താവിനായി കുറിച്ച വരികൾ
 
അഞ്ചാം വിവാഹ വാർഷിക ദിനത്തിൽ ഭാര്യ ഭർത്താവിനയച്ച മനോഹരമായ ഒരു സന്ദേശത്തിൻ്റെ വിവർത്തനമാണിത്.
 
ദാമ്പത്യ ജീവിതത്തിൽ 5 വർഷമേ പിന്നിട്ടുള്ളുവെങ്കിലും വിവാഹം കഴിഞ്ഞിട്ട് അഞ്ചു പതിറ്റാണ്ടു കഴിഞ്ഞവർ പോലും സ്വായാത്തമാക്കേണ്ട ചില അനശ്വര നന്മകൾ ഈ കത്തിലുണ്ട്….
കുടുംബം സ്വർഗ്ഗമാകാക്കാനുള്ള കുറുക്കുവഴികൾ ഇതിലുണ്ട്…
 
ഈ കത്തിലെ നന്മകൾ നിങ്ങൾക്കും ഇഷ്ടപ്പെടും പ്രചോദനമാകും.
 
എൻ്റെ പ്രിയപ്പെട്ട ചേട്ടായി…
 
നമ്മുടെ വിവാഹത്തിൻ്റെ അഞ്ചാം വാർഷികം നമ്മൾ ഒന്നിച്ചാഘോഷിക്കുന്ന ഈ അവസരത്തിൽ, ഞാൻ ഈ കത്ത് എഴുതുന്നത് ചേട്ടായിയോട് നന്ദി പറയുന്നതിനു വേണ്ടി മാത്രമാണ്…. എന്നെ ഇത്രമാത്രം ശ്രദ്ധിക്കുന്നതിന് നന്ദി പറയാൻ വാക്കുകളില്ല എന്ന് എനിക്കറിയാം…🥰…. എന്നെ നയിക്കുന്നതിന്…. എപ്പോഴും എനിക്കു നൽകുന്ന സഹായത്തിന്… എൻ്റെ ആത്മീയ നിയന്താവായതിന് 🙏…. ഞാൻ ദു:ഖിച്ചിരിക്കുമ്പോൾ എൻ്റെ കരങ്ങൾ പിടിക്കുന്നതിന്👩‍❤️‍💋‍👨…. എല്ലാക്കാര്യത്തിലും എന്നെ സഹായിക്കുന്നതിന് 😘….. ഏറ്റവും നല്ല ഉപദേശങ്ങൾ എനിക്കു നൽകുന്നതിന് …. എൻ്റെ ബുദ്ധിശൂന്യതകളും കോപവും സഹിക്കുന്നതിന് 🙄…. പൂർണ്ണ ഹൃദയത്തോടെ എന്നെ സ്നേഹിക്കുന്നതിന് 💕… നമ്മുടെ കുഞ്ഞിനു കൊടുക്കുന്ന വാത്സല്യത്തിനും ശ്രദ്ധയ്ക്കും …. ജ്വോഷായ്ക്കു ഒരു റോൾ മോഡൽ ആകുന്നതിന് … പ്രാർത്ഥനയിൽ ഞങ്ങളെ ഒരുമിച്ചു നിർത്തുന്നതിന്🙏….. നമ്മുടെ കുടുംബത്തിനു വേണ്ടി നിൻ്റെ ജീവിതം ബലിയായി നൽകുന്നതിന് 😘….. & അതിലെല്ലാം ഉപരിയായി ഏറ്റവും നല്ല ഭർത്താവും അപ്പനുമാകുന്നതിൽ 😍😍😍…. എൻ്റെ പൂർണ്ണ ഹൃദയത്തോടും ആത്മാവോടും കൂടെ നിന്നെ തിരിച്ചു സ്നേഹിച്ചു കൊള്ളാമെന്നു ഞാൻ വാഗ്ദാനം ചെയ്യുന്നു. …. ചില സമയങ്ങളിൽ മോശം ഭാര്യയായതിനു ഞാൻ ക്ഷമ ചോദിക്കുന്നു…. 😟 എനിക്കു ഏറ്റവും നല്ല ജീവിത പങ്കാളിയെ നൽകിയതിനു അത്യുന്നതനായ ദൈവത്തിനു ഞാൻ നന്ദി പറയുന്നു.I ഞാൻ നിന്നെ അത്യധികം സ്നേഹിക്കുന്നു. 👩‍❤️‍💋‍👨….. സമയം മുന്നോട്ടു പോകുന്നതനുസരിച്ച് നമ്മുടെ സ്നേഹം സമൃദ്ധമാവുകയും അതിൽ കൂടുതൽ മനോഹരമായ പൂക്കൾ പുഷ്പിക്കുകയും ചെയ്യുമെന്നു പ്രത്യാശിക്കുന്നു.❣️❣️❣️❣️
 
NB : തൊടുപുഴക്കടുത്തു കലയന്താനി സ്വദേശികളും ഇപ്പോൾ കാനഡയിൽ താമസിക്കുന്നവരുമായ ഷിൻ്റോ – സോണിയ ദമ്പതികളുടെ വിവാഹം കഴിഞ്ഞിട്ട് 2021 ജനുവരി 24 നാണ് അഞ്ചു വർഷം പൂർത്തിയാകുന്നത്.
 
പ്രാർത്ഥനാശംസകൾ
 
ഫാ. ജയ്സൺ കുന്നേൽ mcbs
Advertisements

Author of the Content: Fr. Jaison Kunnel MCBS, Ludwig-Maximilians-Universität München
Source: – Official Facebook Page: https://www.facebook.com/jaison.alex.16/

ഇത്തിരിവെട്ടം 14

#ഇത്തിരിവെട്ടം 14

പ്രമുഖ ആംഗ്ലോ-അമേരിക്കൻ കവിയും നാടക രചയിതാവും വിമർശകനുമാണ് തോമസ് സ്റ്റേൺസ് എലിയറ്റ്. എലിയറ്റ് തന്റെ തരിശ്ഭൂമി എന്ന കവിതയിൽ പറയുന്നുണ്ട് “ജീവനോടെയിരുന്നവൻ ഇപ്പോൾ മൃതനായിരിയ്ക്കുന്നു; ജീവനോടെയിരുന്ന നാം
ഇപ്പോൾ മരിച്ചു കൊണ്ടിരിക്കുന്നു.അല്പം ക്ഷമയോടെ!”ജീവിച്ചു മരിക്കുന്നവരും മരിച്ചു ജീവിക്കുന്നവരും നമ്മുടെ ചുറ്റുപാടും വളരെയധികമാണ്. വിഷമതകൾ, നിരാശകൾ, ഒറ്റപ്പെട്ടുപോകുന്നു എന്ന തോന്നൽ, സാമ്പത്തിക ബുദ്ധിമുട്ടുകൾ ഇങ്ങനെ പലതുമാകാം മരിച്ചു ജീവിക്കാൻ ഉള്ള കാരണങ്ങൾ. ഇങ്ങനെ ഉള്ള മരിച്ചു ജീവിക്കലുകളിൽ മനുഷ്യർ എന്നും തിരയാറുണ്ട് ആരെയെങ്കിലും – തന്നെ ഒന്നു ചേർത്തുനിർത്താൻ. ഈ തിരച്ചിലുകൾ തന്നെയാണ് സൗഹൃദം, പ്രണയം, സ്നേഹം എന്നതിലേക്ക് വളരുക. ആരാണോ നമ്മുടെ ഇല്ലായ്മകളിൽ വിഷമതകളിൽ നമ്മെ ചേർത്തു നിർത്തുന്നത് ആരാണോ അവരാകും നമ്മുടെ ചങ്കു ബ്രോസ്, അവരോടാകാം നമ്മുടെ യഥാർത്ഥ പ്രണയം പോലും. എല്ലാം നഷ്ടപ്പെട്ടിരിക്കുമ്പോൾ നെഞ്ചിൽ ചേർന്നു നിന്നൊന്നു പൊട്ടിക്കരയാൻ, സന്തോഷം വരുമ്പോൾ ഓടിച്ചെന്നൊന്നു ഹായ് ഫൈവ് പറയാൻ, ആരാണോ നമ്മുടെ കൂടെയുള്ളവർ അവരാണ് യഥാർത്ഥത്തിൽ നമ്മെ ചേർത്തുനിർത്തുന്നവർ. ആരും കണ്ണീര് കാണാതിരിക്കാൻ മഴയത്തു കൂടെ നടക്കുമ്പോൾ ഒരു കുടയുമായി ഓടിയെത്തി സാരമില്ലെടാ നിന്റെ കൂടെ ഞാനില്ലേ എന്നു പറയുന്ന ചില ചേർത്തുനിർത്തലുകൾ. ഒരു മാലാഖയുടെ കൈ പോലെ എന്നെ സഹായിക്കാൻ ഓടിയെത്തുന്നവർ. ഞാൻ ഓർത്തില്ലേലും എന്റെ ബർത്തഡേ ഓർത്തു എന്നെ വിഷ് ചെയ്യുന്നവർ.

രണ്ട് മൂന്നു ദിവസംമൊബൈലിൽ വിളികളോ മെസ്സേജ്കളോ കാണാഞ്ഞാൽ നിനക്ക് എന്തുപറ്റി എന്നു ചോദിക്കുന്നവർ. വാട്സ്ആപ്പ് ലെയോ ഫ്‌ബി ലെയോ ഇൻസ്റ്റയിലെയോ ഡിപി കൾ ബ്ലാങ്കോ മൂഡോഫ്കളുടെയോ സിമ്പലുകളോ ആയാൽ, ഡെയ് മരമാക്രി എന്തെടെ ഫുൾ ശോകമാണല്ലോ എന്നൊക്കെ പറഞ്ഞു നമ്മളെ നമ്മളു പോലും അറിയാതെ ചേർത്തു നിർത്തുന്ന മനുഷ്യർ. അവരാണ് പല മനുഷ്യരെയും ജീവിപ്പിക്കുന്നത്.

ക്‌ളിന്റ് ഈസ്റ്റ് വുഡ് ന്റെ ഒരു സിനിമയുടെ പേരാണ് ട്രൂ ക്രൈം (1999).ചെയ്യാത്ത തെറ്റിന് വധശിക്ഷയ്ക്ക് വിധിക്കപ്പെട്ട ഫ്രാങ്ക് എന്ന കറുത്ത വര്‍ഗ്ഗക്കാരന്റെ ജീവിതത്തിലെ അവസാനത്തെ ദിവസം.അര്‍ദ്ധരാത്രി പന്ത്രണ്ട് മണി പിന്നിട്ട് ഒരു മിനിറ്റ് കഴിയുമ്പോള്‍ അയാളുടെ ജീവിതം അവസാനിക്കും. വിഷം കുത്തിവച്ചാണ് അയാളെ കൊല്ലുക.ജയിലില്‍ അയാളെ കാണാന്‍ ഭാര്യയും കുഞ്ഞുമകളും വരികയാണ്. അവര്‍ ആഹ്‌ളാദഭരിതമായൊരു കുടുംബജീവിതം നയിച്ചിരുന്നവരാണ്. മകള്‍ അച്ഛന്‍ വീട്ടില്‍ വരാത്തതില്‍ വലിയ വിഷമത്തിലാണ്, പരിഭവത്തിലും. അച്ഛന് സമ്മാനിക്കാനായി താന്‍ ഒരു ചിത്രം വരച്ചു കൊണ്ടു വന്നിരിക്കുകയാണെന്ന് അവള്‍ പറയുന്നു. ഒരു പുല്‍മേടിന്റെ ചിത്രം. പക്ഷെ അതിന് നിറം നല്‍കിത്തീര്‍ന്നിട്ടില്ല. അച്ഛനൊപ്പം ഇരുന്ന് നിറം നല്‍കാനാണ് അവളുടെ പദ്ധതി. കുറച്ചു മണിക്കൂറുകള്‍ കൂടി കഴിയുമ്പോള്‍ അവര്‍ വേര്‍പെടും. അവരിനിയൊരിക്കലും പരസ്പരം കാണില്ല.

ഇത്തരമൊരു രംഗം, അതിന്റെ അതിനാടകീയമായ അംശങ്ങളിലേക്ക് വഴുതിപ്പോകാതെ എന്നാല്‍ അതിന്റെ വൈകാരികതീവ്രതയും ആ നഷ്ടത്തിന്റെ ആഴത്തെയും ഒരു സിനിമയില്‍ പ്രതിഫലിപ്പിക്കുകയെന്നത് വലിയ വെല്ലുവിളിയാണ്. എന്നാല്‍ പ്രതിഭാശാലികളായ സംവിധായകര്‍ ഇത്തരം വെല്ലുവിളികളെ അനായാസം മറികടക്കുന്നത് കാണുന്നത് തന്നെ സന്തോഷമുള്ള കാര്യമാണ്.ഇവിടെ ഫ്രാങ്കിനെ കെട്ടിപ്പിടിച്ച് ഭാര്യ വിങ്ങിപ്പൊട്ടുന്നുണ്ട്.. പക്ഷെ ഫ്രാങ്ക് അവള്‍ ധൈര്യമായിരിക്കുമെന്ന വാഗ്ദാനത്തെ ഓര്‍മിപ്പിക്കുന്നു. ഭാര്യ കണ്ണുനീര്‍ തുടയ്ക്കുന്നു.നമ്മുടെ മകള്‍ എന്നെപ്പറ്റി ഓര്‍ത്ത് ഇരിക്കാനിടയാവരുത് – ഫ്രാങ്ക് അവസാനത്തെ ആവശ്യം പിന്നെയും പറയുന്നു. ഭാര്യ ഉറപ്പുനല്‍കുന്നു. പക്ഷെ അവള്‍ വീണ്ടും വിങ്ങിപ്പൊട്ടിപ്പോവുന്നു.

അപ്പോള്‍ മകള്‍ ചിത്രത്തിന് നിറം നല്‍കുന്നിതിന്റെ പ്രശ്‌നങ്ങളിലാണ് : ‘ അമ്മേ, പച്ച കാണുന്നില്ല.’

‘ അത് ആ ക്രയോണിന്റെ കൂട്ടത്തിലുണ്ട്. നീ നോക്കിയെടുക്കൂ ‘.’ ഇല്ല, കാണുന്നില്ല, പച്ച മാത്രമില്ല ‘.’ ഉണ്ട്. നീ നോക്കൂ. ” ഇല്ല. ” എന്നാല്‍ നീ വേറൊരു നിറം ഉപയോഗിക്കൂ’.’ ഇല്ല ‘ അവള്‍ കരയുന്നു : ‘ പുല്‍മേടിന് പച്ച തന്നെ വേണം. പച്ചയ്ക്ക് പകരം വേറൊരു നിറം എങ്ങനെ ശരിയാവും ? ‘കഴിഞ്ഞു. അത്ര ലളിതമായി വിഷയം പറഞ്ഞു കഴിഞ്ഞു. ചില കാര്യങ്ങള്‍ക്ക് മറ്റൊന്നും പകരം വയ്ക്കാനാവില്ല.പച്ചയ്ക്ക് പച്ച തന്നെ വേണം.

ഫ്രാങ്ക് എന്ന അച്ഛനൊരു പകരക്കാരനെ അവളുടെ ജീവിതത്തില്‍ ലഭിക്കില്ല എന്ന് സംവിധായകന്‍ കാണികളോട് പറഞ്ഞു കഴിഞ്ഞു.കൂടിക്കാഴ്ച അവസാനിച്ച് അവര്‍ പുറത്തേക്കു പോവുമ്പോള്‍ അവള്‍ ശിശുസഹജമായ എല്ലാ നിഷ്ങ്കളങ്കതയോടും കൂടി ചോദിക്കുന്നുണ്ട്, അച്ഛന്‍ എന്നാണ് ഇവരെയെല്ലാം കൊന്നിട്ട് വീട്ടിലേക്ക് വരുന്നതെന്ന്. എന്നിട്ടവള്‍ കരച്ചിലിനിടയില്‍ അയാള്‍ക്ക് ഗുഡ്‌ബൈ പറയുന്നു. നമ്മളവളെ കാണുന്നില്ല. ആ വേദനയുടെ , നഷ്ടത്തിന്റെ , നിഷ്ക്കളങ്കമായ കുഞ്ഞു ശബ്ദം മാത്രമാണ് കേള്‍ക്കുന്നത്. ഹൃദയമുള്ളവർ ഈ രംഗത്ത് കരഞ്ഞുപോവും. ഇതിലെ ആ പച്ച നിറം പോലെ നമുക്ക് പകരം വക്കാൻ പറ്റാത്ത ഒരു പറ്റം ചേർത്തുരുർത്തലുകളുണ്ട്. അതുകൊണ്ട് ഈ സ്നേഹം, പ്രണയം, സൗഹൃദം ഇവയൊക്കെ തേടി ഇറങ്ങുമ്പോൾ ഇവയൊക്കെ എന്താണെന്നു ചോദിക്കാറുണ്ട്. സ്നേഹം സൗഹൃദം പ്രണയം ഇവയൊക്കെ നമ്മൾ തേടി പോകേണ്ടതല്ല മറിച്ചു വന്നു ചേരുന്നതാണ്. ഇവക്കൊക്കെ ഒരേയൊരു നിർവചനം ഉണ്ടേൽ അത് മറ്റൊന്നുമല്ല -ചേർത്തുനിർത്തൽ, ചേർന്നിരിക്കുക എന്നു മാത്രമാണ്.
മൂന്നിൽ ഏതു തരം ബന്ധവുമായിക്കൊള്ളട്ടെ – ചേർന്ന് നിൽക്കുന്ന അല്ലെങ്കിൽ ചേർത്തു പിടിക്കുന്ന ആളെ ഒരു പ്രശ്നം വരുമ്പോൾ അതറിയിക്കാതെ തനിയെ ആ വിഷമം ഉള്ളിൽ കൊണ്ടു നടക്കുന്നത് എന്തു തരം സ്നേഹമാണ്? അതാണ് ശരിക്കും ആത്മാർത്ഥതയില്ലായ്മ.പ്രശ്നങ്ങൾ ഒതുങ്ങി കഴിഞ്ഞ് വീണ്ടും തിരികെ എത്തുമ്പോൾ മറ്റേയാൾ അനുഭവിക്കുന്ന ഒരു അന്യതാ ബോധമുണ്ടല്ലോ – പൊടുന്നനെ ഒഴിവാക്കപ്പെട്ടതിന്റെ വേദന – അത് വലിയൊരു നീറ്റലാണ്.

ഈ ചേർത്തുനിർത്തലുകൾ പരസ്പരം എപ്പോളും കാണുന്നതോ, തൊടുന്നതോ, സ്വന്തമാക്കുന്നതോ അല്ല. നീ എന്നെയും ഞാൻനിന്നെയും എത്രമാത്രം മനസിലാക്കുന്നു എന്നുള്ള തിരിച്ചറിവാണ്. നിലക്കാത്ത പ്രകടനങ്ങളല്ല നിശ്ശബ്ദമായ കരുതലാണ് ഈ ചേർത്തു നിർത്തലുകൾ നിറങ്ങളുടെ ആഘോഷമല്ല നഓര്‍മകളുടെ ഉത്സവമാണ് ഈ ചേർത്തുനിർത്തലുകൾ. പരസ്പരമുള്ള ഇഷ്ടങ്ങളുടെ ആധിപത്യമല്ല, പരസ്പരമുള്ള അംഗീകരിക്കലുകളാണിത്.

ഉൾക്കണ്ണുകൊണ്ടു മറ്റൊരു വ്യക്തിയെ പൂർണമായും കാണുന്നതാണ്. യഥാർത്ഥമായ ഈ ചേർന്നിരിക്കലുകളുകൾ മനസുകളുടെ ചേർന്നിരിക്കലുകൾ തന്നെ. ഒരുത്തരത്തിലെ സ്നേഹധിക്യം.എല്ലാ ബന്ധങ്ങളും ചേർന്നിരിക്കാനും ചേർത്തു പിടിക്കാനും ഉള്ളതാണ്. കാര്യസാദ്ധ്യങ്ങൾക്കായി ചേരാനും അകലാനും ഉള്ളതല്ല. ചേർന്നിരിക്കുക എന്നത് അത്ര എളുപ്പമല്ല. നിരന്തരമായ ഇടപെടലുകളിലൂടെ, പരസ്പരമുള്ള അറിയലുകളിലൂടെ ഉള്ളിൽ നിന്നും ഉണർന്നു വരുന്ന ഒന്നാണത്. ചേർന്നിരിക്കലിന്റെ ഉണർത്തുപാട്ടുകൾ മനുഷ്യരിൽ ഉണരട്ടെ. പകരം വെക്കാൻ പറ്റാത്ത നല്ല ചേർന്നിരിക്കലുകൾ ഒരു മുതൽ കൂട്ടാണ്. ചേർത്തു നിർത്തുക, ചേർന്നിരിക്കുക.

✍️# sjcmonk (#Shebinjoseph) #life  #motivation