Tag: featured

എന്നെങ്കിലും നിങ്ങളെ തേടി നിങ്ങളുടെ അച്ഛൻ വരും

Nelson MCBS

മഹായുദ്ധകാലത്ത് തടവുകാരനായി പിടിക്കപ്പെട്ട നിക്കോളാസ് എന്ന സൈനികൻ തടവുശിക്ഷ കഴിഞ്ഞ് തന്റെ ഭാര്യയേയും മകനേയും കാണാൻ എത്തിയപ്പോൾ യുദ്ധകാലത്തു തന്നെ കടുത്ത പട്ടിണിയും ക്ലേശവും മൂലം അവർ എവിടേക്കോ നാടുവിട്ടു എന്ന ദുരന്തവാർത്തയാണ് കേട്ടത്.

യാത്രാമദ്ധ്യേ ഭാര്യ മരിച്ചു പോയി എന്ന വാർത്തയും പിന്നീട് കിട്ടി…..

കടുത്ത ഈശ്വരവിശ്വാസിയും സദാ പ്രാർത്ഥനാ നിരതനുമായിരുന്ന നിക്കോളാസ് അതോടെ ശക്തനായ നിരീശ്വരവാദിയും യുക്തിവാദിയുമായി മാറി…

തന്റെ കുടുംബത്തെ രക്ഷിക്കാൻ കഴിയാത്ത ഈശ്വരനെ തനിക്ക് ആവശ്യമില്ല എന്ന് അയാൾ ഉറച്ച തീരുമാനമെടുത്തു.

ഉപജീവനത്തിനും ദുഃഖാനുഭവങ്ങൾ മറക്കാനുമായി ഒരു ചെറിയ ഫാക്ടറിയിൽ അയാൾ ജോലിക്ക് കയറി.
പിന്നീട് , അവിടെ തൊഴിലാളിയായിരുന്ന ഒരു ദരിദ്ര സ്ത്രീയായ ജസീന്തയെ വിവാഹവും ചെയ്തു…

പക്ഷേ… അവർക്ക് കുഞ്ഞുങ്ങൾ ഉണ്ടായില്ല.

ഒരു കുഞ്ഞിനെ ദത്തെടുക്കാനുള്ള മോഹം ജസീന്ത പ്രകടിപ്പിച്ചപ്പോൾ നിക്കോളാസ് രോഷാകുലനായി.

” ഈശ്വരൻ എന്ന പരമ ദുഷ്ടൻ എന്റെ ഭാര്യയേയും മകനേയും തട്ടിയെടുത്തില്ലേ…?
ദത്തെടുക്കുന്ന കുഞ്ഞിനേയും തട്ടിയെടുക്കില്ലെന്ന് ആരറിഞ്ഞു….? “

പക്ഷേ , ജസീന്തയുടെ നിർബന്ധപൂർവ്വമായ പ്രേരണകൾക്കും നിരന്തര കരച്ചിലിനും വഴങ്ങി ഒടുവിൽ നിക്കോളാസ് ദത്തെടുക്കാൻ സമ്മതം മൂളി.

ജസീന്ത ഒരു അനാഥാലയത്തിൽ എത്തി.
അവിടെ ഒരു ആൺകുട്ടിയും ഒരു പെൺകുട്ടിയും ഉണ്ടായിരുന്നു.

അധികൃതരുമായി സംസാരിച്ച് പെൺകുട്ടിയെ ദത്തെടുക്കാൻ തീരുമാനിച്ചു.

പക്ഷേ ജസീന്ത യോടൊപ്പം പോകാൻ പെൺകുട്ടി തയ്യാറായില്ല.
തന്നോടൊപ്പമുള്ള തന്റെ സഹോദരനെ കൂടി ദത്തെടുത്താൽ മാത്രമേ താൻ വരൂ എന്നവൾ വാശി പിടിച്ചു ; കരഞ്ഞു.

ഇത് മരിച്ചു പോയ…

View original post 196 more words

മഹാപ്രളയം സംഹാരതാണ്ഡവം ആടുമ്പോൾ

മഹാപ്രളയം സംഹാരതാണ്ഡവം ആടുമ്പോൾ!
ചില അമച്വർ ചിന്തകൾ !
 
പ്രളയമേ പ്രളയം! ലോകമെങ്ങും പ്രളയം! വെള്ളം കരകവിഞ്ഞും വീടുകൾ വാരിയെടുത്തും ഒഴുകി; മലവെള്ളം കുത്തിയൊഴുകി വാഹനങ്ങൾപോലും ഒഴുക്കിക്കൊണ്ടുപോയി. നോഹിന്റെ കാലത്തെ പ്രളയയത്തിനുശേഷം വീണ്ടുമൊരു പ്രളയം ഉണ്ടാകില്ലെന്ന വാക്ക് പാഴ് വാക്കോ? പ്രളയം മൂലമായിരിക്കുമോ ഈ ഭൂമി നശിക്കുക?
 
2021 -ൽ കേരളം, ഉത്തരാഖണ്ഡ്, ജർമനി, സവിറ്റ്സർലൻഡ്, ബല്ജിയം, നെതർലന്ഡ്, ഓസ്ട്രിയ, ടെന്നിസീ, ന്യൂ യോർക്ക്, നോവ സ്‌കോട്ടിയ (കാനഡ), ഹെനാൻ, ജാകർത്ത, ഷാങ്കാവ് (ചൈന), തുടങ്ങി നിരവധി നാടുകളിൽ മഹാപ്രളയം ഉണ്ടായി! ഈ നൂറ്റാണ്ടിൽ കാട്ടുതീയും വരള്ചയും ജലക്ഷാമവും പ്രളയം പോലെ ലോകമെങ്ങും ഭീകരമായിക്കൊണ്ടിരിക്കുന്നു. ആറുമാസം പ്രളയം, ആറുമാസം കാട്ടുതീ എന്നപോലാകുമോ ഭൂമിയുടെ സ്‌തിതി?
 
കാരണമായി പറയുന്നത് കാലാവസ്ഥ വ്യതിയാനം. കാലാവസ്ഥാവ്യതിയാനം ഭൂമിയുടെ ഉത്ഭവം മുതൽ എക്കാലത്തും ഉണ്ടായിട്ടുണ്ട്. ഇനിയും അതുണ്ടാകുകയും ചെയ്യും. നോഹിന്റെ കാലത്തെ മഹാപ്രളയംപോലും കാലാവസ്ഥാവ്യതിയാനം മൂലമല്ലെന്ന് ആരറിഞ്ഞു. കാലാവസ്ഥാവ്യതിയാനം അനുസരിച്ചുള്ള മുൻകരുതലുകൾ എടുക്കുന്നതിലൂടെ മാത്രമേ പരിഹാരമുണ്ടാകുകയുള്ളു. മുൻകരുതൽ എടുക്കണമെന്ന പാഠമാണ് നോഹിന്റെ കഥ പഠിപ്പിക്കുന്നത്. അഥവാ മുൻകരുതൽ എടുത്തവർ സുരക്ഷിതരായി എന്ന പാഠം.
 
അതുകൊണ്ട് ലോകമെങ്ങും പ്രളയമായതുകൊണ്ടു കേരളത്തിലെ പ്രളയം നിസാരവൽക്കരിക്കുന്നതു ശരിയല്ല. മറ്റെവിടെയെല്ലാം പ്രളയം ഉണ്ടായാലും തീർച്ചയായും കേരളത്തിലെ പ്രളയം ഒഴിവാക്കാനാകും. അതിലായിരിക്കണം നമ്മുടെ പ്രാഗൽഭ്യം. അതിനുള്ള നടപടികൾ യുദ്ധകാലാടിസ്ഥാനത്തിൽ തുടങ്ങണം. എന്നാൽ ഇനിയും പ്രവർത്തിച്ചു തുടങ്ങിയില്ല എന്നതാണ് സത്യം.
 
പ്രകൃതിയുടെ സംരക്ഷണം:
 
ഗാർഡ്‌ഗിൽ റിപ്പോർട്ട് ഗൗരവായിട്ടെടുക്കണം. ക്വാറികൾ വരുത്തിവച്ച പ്രശ്നങ്ങൾക്ക് പരിഹരമുണ്ടാകണം. പശ്ചിമഘട്ടസംരക്ഷണം അവിടെ ജീവിക്കുന്ന മനുഷ്യരെ കുടിയൊഴിപ്പിച്ചുകൊണ്ടായിരിക്കരുത്! അവരുടെ ജീവിതം സുരക്ഷിതമാക്കിക്കൊണ്ടും പ്രകൃതി സംരക്ഷണത്തിന് ഉതകുംവിധം അവരുടെ ജീവിതശൈലി രൂപപ്പെടുത്തികൊണ്ടും ആകണം.
 
വനം സംരക്ഷിച്ചുകൊണ്ടാണ് പശ്ചിമഘട്ടം സംരക്ഷിക്കേണ്ടത്. വനസംരക്ഷണമെന്നത് വനത്തിൽ ജനം കയറാതെ വനം കാടുകടയറാൻ അനുവദിച്ചും ഇഴജന്തുക്കൾക്കും വന്യ മൃഗങ്ങക്കും മാത്രമായി വനം വിട്ടുകൊടുക്കുന്നതിലൂടെയും ആകരുത്. വന്യവനങ്ങളുള്ള ആമസോൺ കാടുകളിൽ പോലും ആളുകൾ താമസിക്കുന്നു.
 
കേരളം പോലുള്ള പ്രദേശങ്ങളിൽ ജനവാസസമ്പന്നമായ വനങ്ങളാണ് ആവശ്യം. റോഡുകളും തോടുകളും നിറഞ്ഞ വനങ്ങൾ! ഉണങ്ങിയതും ദുർബലവുമായ കൊമ്പുകൾ വെട്ടിയും ബലവത്തായ ശിഖരങ്ങൾ സംരക്ഷിച്ചും നിലനിർത്തുന്ന വന്മരങ്ങൾ നിറഞ്ഞ വനങ്ങൾ. അവക്കാഡോ പോലുള്ള ഫലവൃക്ഷങ്ങളാൽ സമൃദ്ധവും കാലിക്കൂട്ടങ്ങളും ആട്ടിക്കൂട്ടങ്ങളും നിറഞ്ഞു മേയുന്ന, ഫലവൃക്ഷങ്ങളും കാട്ടുതടികളും നിറഞ്ഞുനില്ക്കുന്ന, ആർക്കും ഏതു പാതിരാക്കും വന്യമൃഗങ്ങളെ പേടിക്കാതെ നടക്കാൻ കഴിയുന്ന, പ്രകൃതിരമണീയവും മനോഹരവും ജനവാസയോഗ്യസവുമായ വനങ്ങൾ. വന്യജീവികൾ ജനസാദ്രതയില്ലാത്ത സംസ്ഥാനങ്ങളിൽ ജീവിക്കട്ടെ. കേരളത്തിൽ വളർത്തുമൃഗങ്ങൾ മാത്രം വനങ്ങളിൽ വിഹരിക്കട്ടെ!
 
മലയോരം: സ്വിറ്റസർലൻഡും തെക്കൻ ജർമനിയും തെക്കൻ ഓസ്ട്രിയയും പോലെ!
 
മനോഹരമാക്കി കേരളത്തിന്റെ മലനാട് സംരക്ഷിക്കപ്പെടണം. മലമുകളിൽ വെള്ളം കെട്ടിനിൽക്കാൻ ഇടയാകരുത്. അധികം വെള്ളം അവിടെ മണ്ണിൽ ഇറങ്ങുന്നതിനും ഇടയാകരുത്. മലമുകളിൽ അധികം മണ്ണിളക്കരുത്! എത്ര മഴ പെയ്യ്താലും ഉടനെ വെള്ളം താഴേക്ക് ഒഴുകിവരാർ പരുവത്തിന് ചാലുകളും തോടുകളും ഉണ്ടാകണം. ഒഴുക്ക് കാടുകയറാതിരിക്കൽ ചാലുകളും തോടുകളും വളരെ ശ്രദ്ധാപൂർവമായിരിക്കണം നിർമ്മിക്കേണ്ടത്. മണ്ണിടിച്ചിലുണ്ടാകാതിരിക്കാൻ പലയിടങ്ങളും കെട്ടിയെടുത്ത് പ്രകൃതിരമണീയമായ മലയോരം പ്രസ്‌കൃതിസംരക്ഷണത്തിനും മാതൃകയാക്കാം. മലനാട്ടിൽ
ഹോട്ടലുകൾക്കു പകരം ഹോം സ്റ്റേ പരീക്ഷിക്കാവുന്നതേയുള്ളു. അതിനാവശ്യമായ വിദഗ്ദ്ധസഹായവും സാമ്പത്തികവും സർക്കാരിനോ സന്നദ്ധസംഘടനകൾക്കോ നല്കാവുന്നതേയുള്ളു. നമ്മുടെ മലനാടിനേക്കാൾ നൂറുകണക്കിന് ഇരട്ടി ദുർഘടവും മഞ്ഞിടിച്ചിലും മഴവെള്ളപ്പാച്ചിലും മൂലം ഭീകരവുമായ ആൽപ്പൻ പര്വതങ്ങൾക്കിടയിൽ (ജർമനി ഓസ്ട്രിയ സിറ്റിസർലാൻഡ്) എത്ര സുരക്ഷിതവും ഉയർന്ന നിലവാരത്തിലുമാണ് അവിടുത്തുകാർ ജീവിക്കുന്നതെന്ന് കണ്ടുപഠിക്കാവുന്നതേയുള്ളു.
 
മലയോര കർഷകരുടെ കാർഷികരീതി മലനാടിന്റെ സംരക്ഷണത്തിന് ഉതകുന്നതാണോ എന്ന് പരിശോധിക്കണം. അല്ലെങ്കിൽ കാർഷിക രീതിക്കു മാറ്റമുണ്ടാകണം. ഏലം കൃഷിചെയ്യുന്നത്‌ പ്രശ്നമാകാൻ ഇടയില്ല. കപ്പയും വാഴയുമൊന്നും മലനാടിനു പറ്റിയ കൃഷിയാകണമെന്നില്ല. ഇടനാട്ടിൽനിന്നും മലനാട്ടിലേക്ക് കുടിയേറിയവർ ഇടനാട്ടിലെ കൃഷിയും കൃഷിരീതികളും മലനാട്ടിലും പരീക്ഷിച്ചുവെന്നു മാത്രം. മലനാട്ടിൽ ചൂട് കൂടിയപ്പോൾ സന്തോഷിച്ചവരും അവരിൽ കാണും. എന്നാൽ മലനാട്ടിൽ മഞ്ഞു വീഴാൻ മാത്രമുള്ള തണുപ്പ് ഉള്ളതാണ് പ്രകൃതിക്കു നല്ലത്‌. ടുറിസം, വളർത്തുമൃഗങ്ങൾ, വനസംരക്ഷണത്തിനുതകുന്ന കൃഷികൾ തുടങ്ങിയവയിലൂടെ വരുമാനവും ഉണ്ടാക്കാം. കുടിയൊഴിപ്പിക്കുന്നതല്ല, ജനവാസമാണ് വാനസംരക്ഷണത്തിനും പ്രകൃതിയുടെ സംരക്ഷണത്തിനും ഗുണകരമെന്ന് തെളിയിക്കാവുന്നതേയുള്ളു……
 
ഇടനാട്: വടക്കൻ ജർമനി പോലെ!
 
പണ്ടൊക്കെ കേരളത്തിൽ മിക്ക പറമ്പുകളിലും കുളങ്ങളുണ്ടായിരുന്നു. ജലം മണ്ണിൽ ഇറങ്ങുന്നതിനും ജലക്ഷാമം പരിഹരിക്കുന്നതിനും കുളങ്ങൾ സഹായിച്ചിട്ടുണ്ട്. ഇന്ന് പല കുളങ്ങളും മൂടപ്പെട്ടു. കുളങ്ങൾ നികത്തിയത് വീണ്ടും കുഴിക്കുകയും പുതിയ കുളങ്ങൾ കുഴിക്കുകയും ‌വേണം. ഇടനാട്ടിൽ ഓരോ പഞ്ചായത്തിലും നാലോ അഞ്ചോ ഏക്കർ കണക്കിന് വിസ്തൃതങ്ങളായ തടാകങ്ങൾ നിർമ്മിക്കണം. ജലസംഭരണികളായ ഇത്തരം തടാകങ്ങൾ കൃഷിയാവശ്യത്തിനുള്ള വള്ളം മാത്രമല്ല മീൻ വളർത്തലിനും ഉപകരിക്കും. അതുപോലെ കനാലുകളും ധാരാളമായി നിർമ്മിക്കണം. എന്നാൽ വെള്ളം എല്ലായിടത്തും എത്തിക്കുന്നതിലും സംഭരിക്കുന്നതിലും ശാസ്ത്രീയമായി ഉപയോഗിക്കുന്നതിലും കേരളം പരാജയപ്പെട്ടു. നികത്തിയ കണ്ടങ്ങൾ പുനരുദ്ധരിക്കുക എളുപ്പമല്ല. എന്നാൽ തത്തുല്യമായ ജലസംഭരണികൾ നിർമ്മിക്കാൻ കഴിയും. അങ്ങനെ പലതും ……..,
 
തീരദേശം: ഹോളണ്ടും വെനീസും പോലെ!
 
കേരളത്തിന്റെ തീരദേശത്ത് ഹോളണ്ടിനെ മാതൃകയാക്കണം! ചില കാര്യങ്ങളിൽ വെനീസിനെയും! ഹോളണ്ടിന്റെയും വർനീസിന്റെയും സങ്കരസന്തതിയായി പുതിയൊരു കുട്ടനാട് ജനിക്കുകയാണെങ്കിൽ എത്ര മനോഹരമായിരിക്കും നമ്മുടെ കേരളം!
 
അണക്കെട്ടുകൾ ജലക്ഷാമം പരിഹരിച്ചുവോ?
 
കേരളത്തിൽ 81 ഡാമുകൾ ഉണ്ടായിട്ടും വീടുകളിൽ പൈപ്പുവഴി കുടിവെള്ളം എത്തുന്നില്ലായെന്നതും കൃഷിയിടങ്ങളിൽ കനാലുകൾ വഴി വെള്ളമെത്തുന്നില്ലായെന്നതും അപമാനകരം. ധാരാളം മഴയുണ്ടായിട്ടും വരകൾച്ചയുടെ നാളുകളിലെ ജലക്ഷാമം നീതീകരിക്കാനാകില്ല. നല്ല നീന്തൽകുളങ്ങൾ പഞ്ചായത്തുകളിൽ നിർമ്മിക്കാൻ മഴക്കാലത്തെ ജലം സംഭരിച്ചാൽ മാത്രം മതിയാകും. അതുപോലും ഇല്ല ! …..
 
അണക്കെട്ടുകൾ വൈദ്യുതിക്ഷാമം പരിഹരിച്ചുവോ ? !
 
പൊട്ടിയാൽ പ്രശ്‌നമാകുന്ന വലിയ അണക്കെട്ടുകൾ നമുക്കാവശ്യമില്ല. വലിയ അണക്കെട്ടുകൾ വെദ്യുതിക്ഷാമം ഒട്ടു പരിഹരിച്ചും ഇല്ല. വലിയ അണക്കെട്ടുകൾ കാലഹരണപ്പെട്ട ആശയമാണ്. ക്രമാനുഗതമായി വലിയ അണക്കെട്ടുകൾ ഒന്നൊന്നായി ഇല്ലാതാക്കണം! …..
 
പുതിയ ചെറിയ ഒട്ടനവധി പദ്ധതികൾ
 
പുതിയതും ചെറിയതുമായ ഒട്ടനവധി പദ്ധതികളാണ് ഉണ്ടാകേണ്ടത്.
 
എണ്ണമറ്റ തടാകങ്ങളും ധാരാളം കനാലുകളും തോടുകളും അത്യാവശ്യമായും ഉണ്ടാക്കിയെടുക്കണം. കനാലുകൾ പലതും പരസ്പരം ബനദ്‌ധിപ്പിക്കണം. ചെറിയ തോടുകളിൽ നിന്നും വൈദ്യുതി ഉല്പദിപ്പിക്കനുള്ള സാങ്കേതിക വിദ്യ ഇന്ന് ലഭ്യമാണ്. ഓരോ പഞ്ചായത്തിലും ഒന്നിലധികം വൈദ്യുതി ഉല്പാദനകേന്ദ്രങ്ങൾ ഉണ്ടാകാവുന്നതേയുള്ളൂ. പലതരം തരം ചെറിയ ജല വൈദ്യുതിപദ്ധതികൾ പല രാജ്യങ്ങളിലും വിജയകരമായി പ്രവർത്തിക്കുന്നുണ്ട്. ജലവൈദ്യുതി പദ്ധതികൾക്കു ഇന്ന് ഭീമാകാരങ്ങളായ അണക്കെട്ടുകൾ ആവശ്യമില്ല. ഭാരിച്ച സാമ്പത്തിക ബാദ്ധ്യതയും ഇല്ല.
 
സോളാർപദ്ധതികൾ ഓരോ പഞ്ചായത്തും കേന്ദ്രീകരിച്ചു നടപ്പാക്കണം. ഓരോ വീടിനും ആവശ്യമായ വൈദ്യുതി അതാതു വീടുകളുടെ മേൽക്കൂരയിൽ സോളാർ പാനൽ വഴി ഉല്പാദിപ്പിക്കാൻ കഴിയും. കൃഷിയില്ലാത്ത പ്രദേശങ്ങളും സോളാർ പാനലുകൾക്കു ഉപയൊഗിക്കണം. കാറ്റാടി വഴിയുള്ള വൈധ്യുതി ഉത്പാദനം വേറെയും. ഇതൊക്കെ പ്രയോഗികമാക്കിയാൽ വൈദ്യുതിക്ഷാമം പരിഹരിക്കം……
 
അങ്ങനെ പലതും നടക്കും! നടന്നിരിക്കണം! കാട്ടിലെ തടി തേവരുടെ ആന എന്ന മനോഭാവം മാറിയേ പറ്റൂ!
 
ജോസഫ് പാണ്ടിയപ്പള്ളിൽ
Advertisements
Advertisements
Advertisements

Valayosai… Malavika on Cantini

Advertisements
Advertisements

ഇടുക്കിയെ അറിയാൻ

ഇടുക്കിയെ അറിയാൻ

ആദ്യമേ പറയാം. ഞാനൊരു ഇടുക്കിക്കാരനല്ല. എങ്കിലും പഠനത്തിന്റെ ഭാഗമായി നാലു വർഷം ഇടുക്കിയിൽ ജീവിക്കാൻ അവസരം ലഭിട്ടിച്ചുണ്ട്. ഇടുക്കിയിലെ പ്രധാന വിനോദ സഞ്ചാര കേന്ദ്രങ്ങൾ റൂട്ടിന്റെ അടിസ്ഥാനത്തിൽ ക്രമീകരിക്കാനുള്ള ചെറിയൊരു ശ്രമമാണിത്. അതുകൊണ്ട് തെറ്റുകളുണ്ടങ്കിൽ ക്ഷമിക്കണം. അതിനു മുമ്പ് Note the points..

# ഇവിടെ കാണിച്ചിട്ടുള്ള ദൂരങ്ങളിൽ ചെറിയ മാറ്റങ്ങൾ ഉണ്ടാകാം.
# ഓരോ സ്ഥലങ്ങളും പ്രധാന പാതയിൽ അവയോ അവയിലേക്ക് ബന്ധിപ്പിക്കുന്ന റോഡുകളോ വരുന്നതിന്റെ അടിസ്ഥാനത്തിലാണ് ക്രമീകരിച്ചിട്ടുള്ളത്.
# ഓരോ സ്ഥലങ്ങൾക്കും പ്രാദേശികമായി മറ്റു പേരുകൾ ഉണ്ടാകാം.
# പ്രവേശനാനുമതിയിലും ലൊക്കേഷനിലും സംശയമുള്ള സ്ഥലങ്ങൾ ” * ” ചിഹ്നത്തിന് നേരെ നൽകിയിരിക്കുന്നു.
# പ്രളയനാന്തരം ഇടുക്കിയിലെ പല പ്രധാന റോഡുകളും ഉൾനാടൻ റോഡുകളും ഇപ്പോഴും തകർന്നു കിടക്കുകയാണ്.

തൊടുപുഴ – കട്ടപ്പന(87 km: അറക്കുളം(മൂലമറ്റം)- കുളമാവ്- പൈനാവ്- ചെറുതോണി വഴി). ഈ പാത കട്ടപ്പനക്കും അല്പമകലെ പുളിയൻമലയിൽ വെച്ച് മൂന്നാർ കുമിളി പാതയോടു ചേരുന്നു.

ഈ യാത്രയിൽ തൊടുപുഴയാറും മലങ്കര ജലാശയവും കാണാം, കുടയത്തൂരിനും കാഞ്ഞാറിനും മൂലമറ്റത്തിനും ചുറ്റും കാവൽ ഭടന്മാരെപോലെ നിൽക്കുന്ന മലനിരകൾ കാണാം, ചുരം കയറിയാൽ പിന്നിട്ട നാട്ടിൻപുറങ്ങളുടെ നേർത്ത കാഴ്ച കാണാം, ഹൈറേഞ്ചിന്റെ മുഖക്കണ്ണാടിയായ ഇടുക്കി ജലാശയം കാണാം, കാടിനോട് തൊട്ടുരുമ്മി നിൽക്കുന്ന ജില്ലാ ആസ്ഥാനവും കളക്ടറേറ്റും കാണാം, പ്രളയം മാറ്റിവരച്ച ചെറുതോണിയുടെ ചിത്രം കാണാം.

1. അരുവിക്കുത്ത് വെള്ളച്ചാട്ടം(6 km)
2. കാഞ്ഞാർ(16 km): തൊടുപുഴയാറിന്റെ കരകളിൽ പച്ചപ്പരവതാനി വിരിച്ചുറങ്ങുന്ന സുന്ദരി നാട്.
3. ഇലവീഴാപൂഞ്ചിറ(24 km): കാഞ്ഞാറിൽ നിന്നും വലത്തു തിരിഞ്ഞു 8 km. കാഞ്ഞാറിന് മുൻപുള്ള മുട്ടം ജംഗ്ഷനിൽ നിന്നും ഈരാറ്റുപേട്ട റോഡ് വഴിയും പോവാം. ഈ വഴിലൂടെ മുന്നോട്ടുപോയാൽ ഇല്ലിക്കൽ കല്ല്, കട്ടിക്കയം വെള്ളച്ചാട്ടം, മർമ്മല വെള്ളച്ചാട്ടം എന്നിവ കണ്ടു നേരെ വാഗമൺ പോവാം. ഇടുക്കിയോട് ചേർന്ന് നിൽക്കുന്ന കോട്ടയം ജില്ലയിലെ വിനോദ സഞ്ചാര കേന്ദ്രങ്ങളാണ് ഇവനാലും.
4. വഴിക്കിണർ(25 km):മൂലമറ്റത്തു നിന്നും പോവുമ്പോൾ അഞ്ചാമത്തെ വളവിൽ
5. തുമ്പച്ചിമല(27 km):വ്യൂ പോയിന്റ് /ക്രിസ്ത്യൻ തീർത്ഥാടന കേന്ദ്രം. ഒൻപതാം വളവിനു ശേഷം കരിപ്പലങ്ങാടിന് അല്പം മുൻപ് വലതു വശം ബോർഡ് കാണാം.
6. നാടുകാണി വ്യൂ പോയിന്റ്(32 km)
7. കുളമാവ് ഡാം: 37 km
8. ഉപ്പുകുന്നു വ്യൂ പോയിന്റ്(42 km): ഡാം കഴിഞ്ഞു 4 km പോയാൽ പാറമട. അവിടെ നിന്നും ഇടത്തോട്ട് തിരിഞ്ഞു ഒരൽപ്പം പോയാൽ മനോഹരമായ പുൽമേടുകൾ, കുന്നുകൾ, വ്യൂ പോയിന്റുകൾ എന്നിവ കാണാം. NB : ഈ ചെറിയ റോഡിലൂടെ ചെങ്കുത്തായ ഇറക്കങ്ങളും ചെറുഗ്രാമങ്ങളും താണ്ടി(30 km) തൊടുപുഴ തിരിച്ചെത്താം
9. ഇടുക്കി വന്യജീവി സങ്കേതം: പാറമട പിന്നിട്ടാൽ ഏകദേശം 15 കിലോമീറ്ററോളം കാടാണ്. ഒററപെട്ട ചെറുകുടിലുകളും ആദിവാസി ഊരുകളിലേക്കുള്ള വഴികളും കാണാം. റോഡിന്റെ വലതുവശം ഇടുക്കി ജലാശയം മിന്നി മറയുമ്പോൾ മറുവശത്തു കുന്നുകളും പുൽമേടുകളും കാണാം. പകൽ സമയത്തു മൃഗങ്ങളെ കാണാൻ സാധ്യതയില്ലെങ്കിലും ചില രാത്രികളിൽ വഴിമുടക്കിയായി കൊമ്പന്മാർ വന്നേക്കാം.
10. മൈക്രോവേവ് വ്യൂ പോയിന്റ്(57 km): ജില്ലാ ആസ്ഥാനമായ പൈനാവിൽ നിന്നോ തൊട്ടു മുൻപുള്ള കുഴിലിമലയിൽ നിന്നോ ഇടതു തിരിഞ്ഞു 2 km.
11. കൊലുമ്പൻ സമാധി(57 km): ഇടുക്കി ഡാമിനു സ്ഥാനം കാണിച്ചുകൊടുത്ത ഇടുക്കിക്കാരുടെ സ്വന്തം കൊലുമ്പന്റെ സമാധി സ്ഥലം. വെള്ളപ്പാറ ഫോറെസ്റ്റ് ഓഫീസിനു സമീപത്താണിത്. ഇതിന്റെ തൊട്ടടുത്താണ് ചാരനള്ള് ഗുഹ.
12. ഹിൽവ്യൂ പാർക്ക്‌(58 km): കൊലുമ്പൻ സമാധിക്ക് എതിർ വശത്തുള്ള റോഡിലൂടെ 1 km സഞ്ചരിച്ചാൽ ഇവിടെത്താം.
13. ഇടുക്കി – ചെറുതോണി ഡാമുകൾ (59 km): ഹിൽവ്യൂ പാർക്കിൽ നിന്നും 1 km പോയാൽ ചെറുതോണി ഡാമിന്റെ കവാടമെത്തി. ശനി, ഞായർ ദിവസങ്ങൾക്കു പുറമെ ഓണം, ക്രിസ്മസ് എന്നീ ആഘോഷങ്ങളോട് അനുബന്ധിച്ചു ഒരു മാസത്തോളവും സന്ദർശനാനുമതിയൊള്ളു.
14. കാൽവരി മൗണ്ട്(70 km): കല്യാണത്തണ്ട് എന്നും പേരുണ്ട്. സ്റ്റോപ്പിന്റെ പേര് പത്താം മൈൽ.
15. അഞ്ചുരുളി ടണൽ(91km): കട്ടപ്പനയിൽ നിന്നും 5 km, വണ്ടിയില്ലാത്തവർക്ക് shared taxi(ജീപ്പ്) അല്ലെങ്കിൽ ഓട്ടോ എന്നിവ അഭികാമ്യം.
16. തൂവൽ വെള്ളച്ചാട്ടം: കട്ടപ്പനയിൽ നിന്നെ നിന്നും 14 km. ഇടുക്കിക്കു പുറത്തു അധികം അറിയപ്പെടാത്ത എന്നാൽ ഭംഗിയുള്ള ഇടമാണിത്.

* മീൻമുട്ടി, നാരകക്കാനം ടണൽ

തൊടുപുഴ – ചേലച്ചുവട് (44 km: വണ്ണപ്പുറം -മുണ്ടൻമുടി – വെണ്മണി – കഞ്ഞിക്കുഴി വഴി). ഈ പാത ചേലച്ചുവടുവെച്ചു നേര്യമംഗലം – ചെറുതോണി പാതയോടു ചേരുന്നു.

വണ്ണപ്പുറം എത്തുംവരെ പ്രതേകിച്ചു കാഴ്ചകളൊന്നുമില്ല. അല്പം പിന്നിട്ടാൽ നമുക്ക് താണ്ടാനുള്ള മലനിരകൾ തലയുയർത്തിത്തുടങ്ങും. ഇവയൊന്നും സാധാരണ മലകളെയല്ല. പടുകൂറ്റൻ പാറകൾകൊണ്ട് പടുത്തുയർത്തിയ രൂപങ്ങൾ. പാറകളിൽ പറ്റിപ്പിടിച്ചിരിക്കുന്ന ചെറുമരങ്ങൾ. മുന്നോട്ടു പോയാൽ അപകടം പിടിച്ച ഹെയർ പിൻ ബെന്റുകൾ, അവസാന വളവിൽ വണ്ടിനിർത്തി ഒരു കട്ടനുമടിച്ചു വിസ്മയക്കാഴ്ചകൾ ആസ്വദിക്കാം. ബ്ലാത്തിക്കവല എത്തിയാൽ മലക്കുമുകളിലെത്തി എന്നർത്ഥം. വൈകുന്നേരമാണെങ്കിൽ ചെറിയ കുളിരൊക്കെ തോന്നും. ഇനി പോകാനുള്ളത് മലനിരക്കു മുകളിലൂടെയാണ്. അതുകൊണ്ട് കാഴ്ചകൾക്ക് ഒരു കുറവുമുണ്ടാകില്ല.

1. ഞണ്ടിറുക്കി വെള്ളച്ചാട്ടം(20km): പൂമാല ഗ്രാമത്തിനടുത്ത്( തൊടുപുഴയിൽ നിന്നും ബസുണ്ട്)
2. തൊമ്മൻകുത്ത്‌ ഇക്കോ ടൂറിസം(21km)
3. ആനച്ചാടിക്കുത്ത്: തൊമ്മന്കുത്തിനു അല്പമകലെ കുട്ടികൾക്ക് പോലും ഇറങ്ങാവുന്ന മനോഹരമായ തീർത്തും അപകടരഹിതമായ വെള്ളച്ചാട്ടം
4. കോട്ടപ്പാറ(20 km): വണ്ണപ്പുറത്തുനിന്നും
മുള്ളരിങ്ങാട് റോഡിൽ, പുലർക്കാലത്ത് കോടമഞ്ഞിന്റെ കളിത്തൊട്ടിലാണിവിടം
5. വെണ്മണി വ്യൂ പോയിന്റ്(24km)
6. കാറ്റാടിക്കടവ്(25km): അത്യുന്നതങ്ങളിൽ കോടമഞ്ഞിനോടും കാറ്റിനോടും കഥ പറഞ്ഞിരിക്കാം.
7. മീനുളിയൻ പാറ(32km): വെണ്മണിയിൽ നിന്നും 3 km. പിന്നെ നടക്കണം.
8. പുന്നയാർ വെള്ളച്ചാട്ടം(40 km): കഞ്ഞിക്കുഴിക്ക് സമീപം വട്ടുവൻപാറയിൽ നിന്നും 1km പോയാൽ പുന്നയാർകുത്ത് എത്തി.

മൂന്നാർ:-

“മൂന്നാറോ, അവിടെന്താണ് കാണാൻ, ആകെ കുറച്ചു തേയിലതോട്ടങ്ങളുണ്ട്. ഫോട്ടോ എടുക്കാൻ കൊള്ളാം”. പലരും ഒരിക്കലെങ്കിലും കേട്ടിട്ടുള്ള ഡയലോഗായിരിക്കുമിത്. ശരിയാണ്, മൂന്നാർ പട്ടണത്തിൽ കാണാൻ ഇതൊക്കെയൊള്ളു. മുതിരപ്പുഴയാർ, കുണ്ടല, നല്ലതണ്ണി എന്നീ മൂന്ന് ആറുകൾ ചേർന്ന് മൂന്നാറെന്ന പേര് അന്വർത്ഥമാക്കുമ്പോൾ ഇവിടെത്തെ ഊരുഭംഗി അന്വർഥമാക്കുന്നത് മൂന്നു പാതകളാണ്. ഓരോ പാതയും ഓരോ സ്വർഗ്ഗമേടുകളാണ്. മലനിരകൾക്കിടയിൽ തട്ടിക്കളിക്കുന്ന മേഘങ്ങളും മണ്ണ് മൂടിവെക്കുന്ന പുൽമേടുകളും കുളിർകാറ്റും കോടമഞ്ഞും ചേർന്ന് രാഗമാലിക തീർക്കുമ്പോൾ ഇതിന്നെല്ലാം സാക്ഷിയായി തലയെടുപ്പോടെ നിൽക്കുന്നു സാക്ഷാൽ ആനമുടി. ആനമുടിക്കു തോളോട് ചേർന്ന് നിൽക്കുന്ന കുമരിക്കൽ മുടിയും മീശപ്പുലിമലയും, അവക്ക് താഴെ പളനി മലയും നന്ദമലയും ഗുണ്ടുമലയും. സംശയിക്കേണ്ട, മലനിരകളുടെ അലമാലകൾ തന്നെയാണിവിടം. കൂടാതെ പശ്ചിമഘട്ടത്തിലെ ജൈവവൈവിധ്യത്തിനു പൊൻതൂവലായി ചിന്നാറും ആനമുടി ഷോലയും പാമ്പാടും ഷോലയും ഹാജർ വെക്കുന്നു.

പാത ഒന്ന്:-
മൂന്നാർ – ചിന്നാർ വന്യജീവി സങ്കേതം(55 km: മൂന്നാർ – ഉദുമൽപേട്ട പാതയുടെ ഭാഗമാണിത്)

1. ഇരവികുളം/രാജമല(12 km)
2. തലയാർ വ്യൂ പോയിന്റ്(15 km)
3. ലക്കം വെള്ളചാട്ടം(24 km)
4. മറയൂർ(40 km): കോവിൽകടക്കിലെയും പാമ്പാർ നദിക്കരയിലെയും മുനിയറകളും ഗുഹാ ചിത്രങ്ങളും പണ്ട് മുതൽക്കേ ഇവിടെ മനുഷ്യവാസമുള്ളതിനു തെളിവാണ്. ചന്ദനത്തിന്റെയും ശർക്കരയുടെയും നാടായ മറയൂർ ഒരു മഴനിഴൽ പ്രദേശം കൂടിയാണ്. മറയൂരിന് 4 km ആപ്പുറമാണ് ഇരച്ചിൽ പാറ വെള്ളച്ചാട്ടം
5. കാന്തല്ലൂർ(48 km): ആനമുടി ഷോലയുമായി അതിർത്തി പങ്കിടുന്ന കാന്തല്ലൂർ. പഴകൃഷിക്ക് പേരുകേട്ട ഇവിടം കേരളത്തിൽ ആപ്പിൾ വിളയുന്ന ഏക ഇടമാണ്.
6. കരിമുട്ടി വെള്ളച്ചാട്ടം(42 km)
7. തൂവാനം വെള്ളച്ചാട്ടം(44 km): പേര് പോലെ സുന്ദരി. ചിന്നാർ വന്യജീവി സങ്കേതത്തിനുള്ളിൽ പാമ്പാർ നദിയിലുള്ള ഇവളെ കാണാൻ കാട്ടിലൂടെ 3 km നടക്കണം.
8. ചിന്നാർ വന്യജീവി സങ്കേതം: കാടിനുള്ളിലൂടെ ചെറിയൊരു ഡ്രൈവിംഗ്.

പാത രണ്ട്:-
മൂന്നാർ – വട്ടവട(45 km)

1. മാട്ടുപ്പെട്ടി ഡാം(11 km)
2. മീശപുലിമല ബേസ് ക്യാമ്പ്(18 km)
3. ഇക്കോ പോയിന്റ്(18 km)
4. കുണ്ടല ഡാം(25 km)
5. യെല്ലപ്പെട്ടി(29 km): cloud farmil പോവാൻ ഇവിടെ ഇറങ്ങി നടക്കണം
6. ടോപ് സ്റ്റേഷൻ(35 km)
7. പാമ്പാടും ചോല ദേശീയോദ്യാനം(37 km)
8. വട്ടവട(45 km): തനി കാർഷിക ഗ്രാമം. ശീതകാല കൃഷിയുടെ ഈറ്റില്ലമാണ് വട്ടവടയും അയൽക്കാരായ കോട്ടക്കാമ്പൂരും ചിലന്തിയാറുമെല്ലാം. മലഞെരുവിലെ ഭൂമി തട്ടുകളായി തിരിച്ചു കൃഷിചെയ്യുന്ന രീതിയാണിവിടെ. തണുപ്പിന്റെ കാര്യത്തിൽ മുന്നാറിനും മുകളിൽ നിൽക്കും ഇവർ.

പാത മൂന്ന്:-
മൂന്നാർ – തേക്കടി(110 km:പൂപ്പാറ – നെടുങ്കണ്ടം – പുളിയൻമല – കുമിളി വഴി)
ഈ പാതയിലെ പല ഭാഗങ്ങളും തമിഴ്‌ നാട് അതിർത്തിയോടു ചേർന്ന് പോകുന്നു.

1. ഗ്യാപ് റോഡ്: മുന്നാറിൽ നിന്നും തുടങ്ങി കുറച്ചു ദൂരം ഈ പാത ഇടുങ്ങിയതാണ്. എങ്കിലും ഇരുവശങ്ങളിലെയും കാഴ്ചകൾ മനോഹരമാണ്.
2. പവർ ഹൌസ് വെള്ളച്ചാട്ടം(18 km)
3. ചൊക്രമുടി പീക് (23 km)
4. കൊളുക്കുമല(32 km): ഇവിടെ സൂര്യോദയമാണ് താരം.
5. ആനയിറങ്ങൽ ഡാം(28 km): തേയിലത്തോട്ടത്തിനിടയിൽ അതിമനോഹരമായ റിസെർവോയെർ. ആനയിറങ്ങൽ പിന്നിട്ടാൽ മൂന്നാറിന്റെ മനോഹാരിത തീർന്നു.

6. ചതുരങ്കപ്പാറ വ്യൂ പോയിന്റ്(47 km): കേരളക്കരയിൽ നിന്നും തമിഴകത്തെ ദൂരക്കാഴ്ചകൾ കാണാം.
7. തൂവൽ വെള്ളച്ചാട്ടം(72 km): നെടുംകണ്ടത്തു നിന്നും 10 km. ഇടുക്കിക്കു പുറത്തു അധികം അറിയപ്പെടാത്ത എന്നാൽ ഭംഗിയുള്ള ഇടമാണിത്.
8. രാമക്കൽമേട്(75 km): ഏഷ്യയിൽ ഏറ്റുവുമധികം കാറ്റുവീശുന്ന ഇടം. പോകും വഴി കാറ്റാടി യന്ത്രങ്ങളും കാണാം.
9. അരുവിക്കുഴി/പാണ്ടിക്കുഴി വെള്ളച്ചാട്ടം (96 km): തമിഴ് നാട്ടിലേക്കുള്ള ദൂര ദർശിനി. കേരളത്തിൽ നിന്നും തമിഴകത്തേക്ക് പതിക്കുന്ന വെള്ളച്ചാട്ടം. ഇതിനു തൊട്ടടുത്താണ് ചെല്ലാർകോവിൽ മേട്
10. ഒട്ടകതലമേട്(97 km)
11. തേക്കടി(110 km)

നേര്യമംഗലം – മൂന്നാർ(60 km: അടിമാലി- വഴി)

ഹൈറേഞ്ചിന്റെ കവാടമാണ് നേര്യമംഗവും പാലം. പാലം കടന്നാൽ കോലവും മാറും. ഒരുവശത്തു മഴയൊന്നു കനത്താൽ ദേശീയ പാതയോരത്തേക്ക് തുളുമ്പിച്ചിതറുന്ന പേരറിയാത്ത അനേകം ജലപാതങ്ങൾ. മറുവശം ഇവ പരിപോഷോപ്പിച്ചു ക്രമേണെ പെരിയാറ്റിലേക്ക് ചേരുന്ന കുഞ്ഞൻ ആറുകൾ, സഞ്ചാരികളുടെ ഇടത്താവളമായ അടിമാലി, മുന്നാറിനോടടുക്കും തോറും തെളിഞ്ഞു വരുന്ന തേയിലത്തോട്ടങ്ങളും മലനിരകളും, പള്ളിവാസൽ പദ്ധതിയിലേക്കുള്ള പെൻസ്‌റ്റോക്കുകൾ മനസിനു കുളിർമയേകുന്ന കാഴ്ച്ചകൾ അവസാനിക്കുന്നില്ല.

1. ചീയപ്പാറ വെള്ളച്ചാട്ടം(12 km)
2. വാളറ വെള്ളച്ചാട്ടം(14 km)
3. അടിമാലി വ്യൂ പോയിന്റ്/വെള്ളച്ചാട്ടം (31 km): അടിമാലി പട്ടണത്തിന്റെ ദൂരദർശിനി കൂടിയാണ് ഈ വെള്ളച്ചാട്ടം. മുകളിലോട്ടു പോയാൽ കൊരങ്ങാട്ടി മലനിരകളും കാണാം.
4. kambiline വെള്ളച്ചാട്ടം (41km)
5. മൂന്നാർ ബൈപാസ്സ്: ഇരുട്ടുകനത്തു നിന്നും തുടങ്ങി ആനച്ചാൽ വഴി ചിത്തിരപുരത്തിനടുത്തു രണ്ടാം മൈലിൽ വെച്ച് ദേശീയപാതയോട് ചേരുന്നു. മൂന്നാർ ബൈപാസിൽ നിന്നും എത്തിച്ചേരാവുന്ന പ്രധാന ഇടങ്ങൾ.
®ചെങ്കുളം ഡാം(45 km)
®ചൊക്രമുടി പീക് (54 km)

6. മാങ്കുളം(61 km): ദേശീയപാതയിൽ കല്ലാറിൽ നിന്നും ഇടതു തിരിഞ്ഞു 17 km സഞ്ചരിച്ചാൽ ഇവിടെയെത്താം. ആറുകളും വെള്ളച്ചാട്ടങ്ങളും നിറഞ്ഞ പ്രകൃതിയോടിണങ്ങി നിൽക്കുന്ന ഗ്രാമം. പഴയ ആലുവ-മൂന്നാർ രാജപാതയുടെ ശേഷിപ്പുകൾ കാണാം. ആനകൾ ജലപാനത്തിനു പേരുകേട്ട ഇടമാണ് തെല്ലകലെയുള്ള ആനക്കുളം.
7. കരടിപ്പാറ വ്യൂ പോയിന്റ്(48 km)
8. ആറ്റുകാട് വെള്ളച്ചാട്ടം(56 km)
9. പോത്തൻമേട് വ്യൂ പോയിന്റ്( km)

* തലമാൻകുത്ത്, കല്ലാർ വെള്ളചാട്ടം

അടിമാലി – പൂപ്പാറ(42 km: കല്ലാർകുട്ടി – വെള്ളത്തൂവൽ – രാജാക്കാട് – രാജകുമാരി വഴി ). ഈ പാത മൂന്നാർ – കുമിളി പാതയിലെ പൂപ്പാറയിൽ ചേരുന്നു.

1. കല്ലാർകുട്ടി ഡാം(10 km)
2. ചെങ്കുളം ഡാം(17 km)
3. S N വെള്ളച്ചാട്ടം(20 km)
4. പൊന്മുടി തൂക്കുപാലം(20 km): വലിയ വാഹനങ്ങൾ കടന്നുപോവില്ല.
5. പൊന്മുടി ഡാം(21 km): ഈ റൂട്ടിൽ ഏറ്റവും ഭംഗിയുള്ള ഇടങ്ങളാണ് പൊന്മുടി ഡാമും പരിസരവും.
6. കള്ളിമാലി വ്യൂ പോയിന്റ്(24 km)
8. കുത്തുംകൽ വെള്ളച്ചാട്ടം(28 km): രാജാക്കാടിനടുത്തു നാട്ടിൻപുറത്തെ പുറംലോകത്തിനു അറിയപ്പെടാത്ത വെള്ളച്ചാട്ടം

നേര്യമംഗലം – ചെറുതോണി(49 km: നീണ്ടപാറ- പനംകുട്ടി- ചേലച്ചുവട്- കരിമ്പൻ വഴി ). ഈ പാത ചെറുതോണിയിൽവെച്ച് തൊടുപുഴ-പുളിയന്മല സംസ്ഥാന പാതയോടു ചേരുന്നു.

നേര്യമംഗലം പിന്നിടുന്നതോടുകൂടി ഹൈറേഞ്ചും തുടങ്ങുകയായി. ഇടതുവശം യമണ്ടൻ കരിമ്പാറകളും മലനിരകളും. മഴക്കാലത്തു പാതയോരത്തേക്ക് കുത്തിയൊലിക്കുന്ന എണ്ണമറ്റ വെള്ളച്ചാട്ടങ്ങൾ. മറുവശത്തു പാതക്ക് തൊട്ടുരുമ്മി ആഴത്തിലൊഴുകുന്ന പെരിയാർ. പെരിയാറിനു മറുകരയിൽ കുതിരക്കുത്തി മലയും പരിവാരങ്ങങ്ങളും, അവയിൽ നിന്നും വിടരുന്ന തെളിനീരുകളും വെള്ളച്ചാട്ടങ്ങളും. ഒരു സഞ്ചാരിയുടെ മനസ്സ് നിറക്കാൻ വേറെന്ത് വേണം. ചെറുതോണി എത്തുംവരെ ഈ കാഴ്ചകൾ ആവർത്തിച്ചു കൊണ്ടേയിരിക്കും.

1. Scenic spot(35 km):കീരിത്തോടിനും ചേലചുവടിനും ഇടക്ക് റോഡരിൽ നിന്നും നോക്കിയാൽ രണ്ടു മലനിരകൾക്കിടയിലൂടെ നെടുനീളെ ഒഴുകുന്ന പെരിയാറിന്റെ അഴക് കണ്ണെത്താദൂരത്തേക്ക് കാണാം.
2. കരിമ്പൻകുത്ത് വെള്ളച്ചാട്ടം(43 km)
3. പാൽകുളമേട്(44 km): 3000 അടിക്കും മുകളിൽ വിസ്മയക്കാഴ്ചകൾ കാണാം. കാട്ടാനകളുടെ വിഹാര കേന്ദ്രം.

കുമിളി – മുണ്ടക്കയം(56 km: വണ്ടിപ്പെരിയാർ – കുട്ടിക്കാനം വഴി)
കോട്ടയം – കുമിളി പാതയുടെ ഭാഗമാണിത്.

ഈ റൂട്ടിൽ ഇതുവരെ യാത്ര ചെയ്തിട്ടില്ല. ഇടുക്കിയല്ലേ, ബോറടിപ്പിക്കില്ലെന്നു ഉറപ്പിക്കാം.

1. മ്ലാമല വെള്ളച്ചാട്ടം(20 km)
2. സത്രം വ്യൂ പോയിന്റ്(24 km)
3. പരുന്തുംപാറ(26 km)
4. വളഞ്ഞങ്ങാനം വെള്ളച്ചാട്ടം(40 km)
5. പാഞ്ചാലിമേട്(46 km)
6. തെക്കേമല വെള്ളച്ചാട്ടം(49 km)

* മഞ്ഞുമല, അമ്മച്ചിക്കൊട്ടാരം

കട്ടപ്പന – കുട്ടിക്കാനം(39 km: ഏലപ്പാറ വഴി). ഈ പാത കുട്ടിക്കാനത്തുവെച്ച് കുമിളി – കോട്ടയം പാതയോട് ചേരുന്നു.

മുല്ലപെരിയാർ സമരകാലത്ത് പ്രശസ്തമായ കെ. ചപ്പാത്തുവരെ ഒളിച്ചും കണ്ടും പെരിയാറുണ്ടാവും കൂട്ടിന്‌. പിന്നെ പച്ചക്കമ്പളം വിരിച്ച തേയിലത്തോട്ടങ്ങൾക്ക് ഒത്തനടുവിലൂടെ ഒരു യാത്ര. അവക്ക് മകുടം ചാർത്താൻ കൊച്ചു ക്ഷേത്രങ്ങളും കുരിശു പള്ളികളും.

1. ട്രിപ്പിൾ വെള്ളച്ചാട്ടം(4 km)
2. അയ്യപ്പൻ കോവിൽ തൂക്കുപാലം(16 km): പെരിയാർ ഇടുക്കി ജലാശയത്തോടു ചേരുന്നടുത്തുള്ള തൂക്കുപാലം. അതിമനോഹരമാണ് തൊട്ടടുത്തുള്ള പുരാതന ശ്രീധർമ ശാസ്താ ക്ഷേത്രവും പരിസരവും.

വാഗമൺ:-

മൂന്നാറിനെ അപേക്ഷിച്ചു വളരെ ചെറിയ സ്ഥലമാണ് വാഗമൺ. ഒന്നാഞ്ഞു പിടിച്ചാൽ ഒന്നോ രണ്ടോ ദിവസം കൊണ്ട് കണ്ടുതീർക്കാം. മൊട്ടക്കുന്നുകളും താഴ് വാരങ്ങളും തടാകങ്ങളും പിന്നെ പൈൻ മരങ്ങളുമൊക്കെ നിറഞ്ഞ വാഗമണ്ണിൽ മഴയും മഞ്ഞും വെയിലും മാറിമറിയുന്ന കാലവസ്ഥയാണ്. വാഗമണ്ണിലെ പ്രധാന ആകർഷണങ്ങൾ.

1. മൊട്ടക്കുന്ന്
2. തങ്ങൾപാറ
3. പൈൻ വാലി
4. മുരുകൻമല
5. തടാകം
6. കുരിശുമല
7. സൂയിസൈഡ് പോയിന്റ്

*ഉളുപ്പുണി

ഉറുമ്പിക്കര: വാഗമണ്ണിനും മുണ്ടക്കയത്തിനും കുട്ടിക്കാനത്തിനുമൊക്കെ നടുക്കായി സ്ഥിതി ചെയ്യുന്ന ഓഫ്‌റോഡ് പ്രേമികളുടെ ഇഷ്ടസ്ഥലം..

ഇലപ്പള്ളി വെള്ളച്ചാട്ടം: മൂലമറ്റത്തിനടുത്ത്‌.

കടപ്പാട്

Author: Unknown

Advertisements
Advertisements

ഞങ്ങൾ ഒക്കെ ന്യൂജെൻ തലമുറ

ഏകദേശം 45 വയസിനു മുകളിൽ ഉള്ളവരെ അങ്ങോട്ട് അംഗികരിക്കാനോ , ഉൾക്കൊള്ളാനോ കഴിയാതെ “ഞങ്ങൾ ഒക്കെ ന്യൂജെൻ തലമുറ” എന്ന് പറഞ്ഞു എഴുതി തള്ളുന്ന തലമുറകളോട് പറയട്ടെ ..

ഞങ്ങൾ ജനിച്ചു വളർന്ന കാലഘട്ടം എന്ത് കൊണ്ടും മികച്ചത് ആയിരുന്നു.
ലോകത്തിന്റെ മാറ്റങ്ങൾ ഒരുപാട് കണ്ടറിഞ്ഞവർ ആണ്.
പൊതു ഗതാഗതം പേരിനു മാത്രം ഉള്ളപ്പോൾ ഞങ്ങൾ നടന്നു നീങ്ങിയ ദൂരവും കണ്ട കാഴ്ചകളും നിരവധി ആണ്.
ഞങ്ങളെ അയല്പക്കത്തുള്ളവർ മാത്രം അല്ല , നാലോ അഞ്ചോ കീ മീ ചുറ്റുവട്ടത്തുള്ളവർക്കൊക്കെ അറിയാമായിരുന്നു. വഴിയിൽ വച്ച് എന്ത് തല്ലുകൊള്ളിത്തരം കാട്ടിയാലും അത് ചോദിക്കാനും പറയാനും പലരും ഉണ്ടായിരുന്നു.

അവർ ചെവിക്ക് പിടിച്ചാലോ, രണ്ടു തല്ലു തന്നാലും ആരും ചെന്ന് ചോദിച്ചു വഴക്കും കത്തിക്കുത്തും നടത്തില്ല.!
അവർ തന്ന ശിക്ഷ കുറഞ്ഞതിന്റെ പേരിൽ ചിലപ്പോൾ സ്വന്തം വീട്ടിൽ നിന്നും ബാക്കി കൂടി കിട്ടിയെന്നിരിക്കും.

ഒന്നാം ക്ലാസ്സ് മുതൽ പലർക്കും ഇരട്ടപ്പേരുകൾ കിട്ടിയില്ലെങ്കിലെ അതിശയം ഉള്ളു. അത് അധ്യാപകരുടെ വക, സഹപാഠികളുടെ വക കാണും.
പേരുകൾ ഉൾക്കൊള്ളാൻ പ്രയാസം ഉണ്ടെങ്കിൽ അത് കൈ കൊണ്ട് കണക്ക് തീർക്കും.
നോ പ്രോബ്ലം. യോഗം ഉണ്ടെങ്കിൽ അതിന്റെ സമ്മാനം പള്ളിക്കൂടത്തിൽ നിന്നോ വീട്ടിൽ നിന്നോ കിട്ടും.

ഇരട്ടപ്പേരുകളുടെ പ്രശ്നത്തിൽ ആരും ട്രെയിന്റെ മുന്നിൽ ചാടാനോ, തുങ്ങി ചാകാനോ പോയില്ല.!

ഓരോ ക്ലാസിലും കാര്യമായി ഇരുന്ന് പഠിച്ചവർ ഉണ്ടായിരുന്നു. അവർ എട്ടിലും ഒമ്പതിലും എത്തുമ്പോൾ നല്ല കട്ടി മീശയും ഒത്ത ശരീരവും കാണും.
അധ്യാപകരും ഒന്ന് ബഹുമാനിച്ചു പോകും.
പിന്നെ ഇവർ ഒക്കെ വെറും ശാപ്പാട് രാമന്മാർ അല്ലായിരുന്നു.

പാടത്തും പറമ്പിലും ഒരേറ്റ് അപ്പന്റെ കൂടെയും സഹോദരങ്ങൾക്ക് ഒപ്പവും പണി ചെയ്തിട്ടാണ് പള്ളിക്കൂടം യാത്ര.

തോൽവിയുടെ പേരിൽ ഒരൊറ്റ കുട്ടിക്കും മാനസിക പ്രശ്നം ഇല്ലായിരുന്നു.
അത് അന്വേഷിക്കാൻ സർക്കാരോ , ചൈൽഡ് ലൈനോ ഇല്ലായിരുന്നു.!

അത് പിന്നീട് പ്രയോജനപ്പെട്ടു. ലോകത്തിൽ എവിടെ ചെന്ന് ജീവിക്കാനും എന്തിനെയും നേരിടാനും ഉള്ള ഊർജം ആയി തീർന്നു അവ എല്ലാം.

ഞങ്ങളുടെ ചെറുപ്പത്തിൽ വിവിധതരം പനികൾ ജീവിതത്തെ അലട്ടിയില്ല.
വല്ലപ്പോഴും ഒരു പനി , ചൊറി, ചിരങ്ങ് , ചിക്കൻപോക്സ് , മുണ്ടിനീര് കരപ്പൻ, വല്ലവരെയും ഒക്കെ തൊട്ടു തലോടി പോകും.

ഒരു സാധാ ഡോക്ടർ തരുന്ന ചുവന്ന കളർ മരുന്നും,
ഗുളികയും കഴിച്ചാൽ പൂർണ സൗഖ്യം.

ഇപ്പോൾ ഒരു കുട്ടി പിറന്നു വീഴുന്ന നിമിഷം മുതൽ കരുതൽ,
അതിനെ ഹൈജീൻ സാഹചര്യത്തിൽ വളർത്തും . അതായത് ഇറച്ചി കോഴി പോലെ .
എന്നും അസുഖം തന്നെ. !

ഉള്ളത് കൊണ്ട് ഓണം പോലെ കഴിഞ്ഞവർക്ക് തിരിഞ്ഞു കടിക്കാത്ത എന്തും അകത്തോട്ട് പോകും.

വാവിനും സംക്രാന്തിക്കും എന്ന് പറയുന്ന
പോലെ വല്ലപ്പോഴും കണ്ടിച്ചു തിന്നുന്ന കോഴി അസൽ നാടൻ തന്നെ. പിന്നെ കാള , പോത്ത് ഒക്കെ നാടൻ .
നോ മായം.!

തലമുടി വെട്ടാൻ ഉള്ള അറിയിപ്പ് വല്യപ്പൻ, അപ്പൻ അങ്ങനെ പ്രോട്ടോകോൾ അനുസരിച്ചു വരും.

അതിന് മറു ചോദ്യം ഇല്ല.!

ചീപ്പും, കത്രികയും, കത്തിയും ഉണ്ടെങ്കിൽ വെട്ട് ഒക്കെ.
ചിലർ വീടുകളിൽ ബാർബർ മൊബൈൽ യൂണിറ്റുമായി വരും.

അത് ഒരു സുഖമുള്ള വെട്ടു ആണ് വട്ടത്തിൽ ഒരു പുതപ്പും പുതച്ചു കൈയിൽ ഒരു കണ്ണാടി പിടിച്ചു ,കാറ്റും കൊണ്ടിരുന്നു ഒരു വെട്ടുണ്ട് .
ബാർബർ ഒരു സംഭവം തന്നെ .
കടയിൽ ആണെങ്കിലും വീടുകളിൽ വന്നാലും അവർ സംസാരിക്കുന്നത് നമ്മുടെ പരിസരം മുതൽ ഉള്ള കാര്യങ്ങൾ ആണ് .

എല്ലാത്തിനും ഒന്ന് മൂളി കൊടുത്താൽ മതി.
നമ്മുടെ ജീവൻ അങ്ങേരുടെ കൈയിൽ അല്ലെ.??

തലയിൽ കുറച്ചു കോമാളിത്തരം കാട്ടി അതാണ് ഇപ്പോൾ
നാട്ടുനടപ്പ് എന്ന് പറയാൻ ബാർബർക്ക്
നോ അധികാരം.!

തലമുടി വെട്ടുന്നതിലും ഒരു സോഷ്യലിസം ഉണ്ടായിരുന്നു.
സകല തലയും ഒരുപോലെ.
പിന്നെ പ്രായം ഉള്ളവരുടെ മീശക്ക് ഒരു സ്റ്റൈൽ ഉണ്ടായിരുന്നു.

അത് കപ്പട, പോലീസ് മീശ, പഴുതാര,
അരിപ്പ,
പട്ടാളം,
ഇടിയൻ , കൂട്ടത്തിൽ ഫുൾ ക്ളീൻ മീശയും ..

ഒട്ടുമിക്ക കവലകളിലും ഉള്ള നാടൻ ചായക്കടകളിൽ നിന്നും മുക്ക് മുട്ടെ തിന്നാം .
നാടൻ വെളിച്ചെണ്ണയിൽ ഉണ്ടാക്കിയതൊന്നും ആർക്കും പ്രയാസമായില്ല.!

അവിടെ ജാതി, മത വ്യത്യാസമൊന്നുമില്ല.
ആകാശത്തിന് കീഴിൽ ഭൂമിക്ക് മുകളിൽ ഉള്ള സകലതും ചർച്ച ചെയ്യും .
വേണ്ടി വന്നാൽ കേന്ദ്ര മന്ത്രിസഭയെ വരെ പിരിച്ചു വിടാനും നിലനിർത്തുന്നതും നമ്മുടെ നാടൻ കടകളിൽ നിന്നും ആയിരുന്നു.

അതിരാവിലെ ഓൺ ചെയ്യുന്ന റേഡിയോയിൽ വന്ദേമാതരം തുടങ്ങിയാൽ അത് നില്ക്കുന്നത് രാത്രി 11 .10 നു അവസാനിക്കുന്ന ഇംഗ്ലീഷ് വാർത്തയോടെ ആണ്.

വാൽവ് റേഡിയോ മുതൽ ട്രാൻസിസ്റ്റർ റേഡിയോ വരെ അരങ്ങ് വാണു.

ആദ്യമായി ഒരു ഇന്ത്യക്കാരൻ ശൂന്യാകാശത്ത് പോയതും അവിടെ നിന്നും ഇന്ത്യൻ പ്രധാനമന്ത്രിയോട് സംസാരിച്ചത് കേട്ട തലമുറ ആണ് ഞങ്ങളുടേത്.
പ്രധാനമന്ത്രി ഇന്ദിര ഗാന്ധി , സഞ്ചാരി ആയ രാകേഷ് ശർമയോട് ചോദിച്ചു.
” മുകളിൽ നിന്നും നോക്കുമ്പോൾ താഴെ നമ്മുടെ ഭാരതം എങ്ങനെ എന്ന്..”
അതിന് മറുപടി ആയി രാകേഷ് ശർമ്മ പറഞ്ഞു .:
ഇന്ദിരാജി , സാരേ , ജഹാം സെ അച്ചാ ഹേ , ഹമാരാ ഭാരത് “. എന്ന് .

അത് കേട്ടപ്പോൾ ഉണ്ടായ രോമാഞ്ചവും, സന്തോഷവും ഇന്നും ഓർമയിൽ ഉണ്ട്.

ലോകത്തിന്റെ ഗതിയെ നിയന്ത്രിച്ച ഒരുപാട് നേതാക്കളും അവരിലൂടെ ഉള്ള മാറ്റങ്ങളും ഞങ്ങൾ കണ്ടറിഞ്ഞു.
പത്ര താളുകളിൽ വല്ലപ്പോഴും ഒരിക്കൽ വന്നാൽ അറിയാം ഒരു കൊലപാതകം നടന്നു എന്ന്.!

അല്ലാതെ ,
ഒരു മലയാളി ഏതൊക്കെ വിധത്തിൽ മരിക്കും എന്ന് ഉള്ള വാർത്തകൾ ഞങ്ങൾ വായിച്ചിട്ടും
ഇല്ല ,
അറിഞ്ഞിട്ടും
ഇല്ല.!!

സമീപത്തെ വീട്ടിലെ ഒരു മരണം അവർക്ക് മാത്രം അല്ല നഷ്ടം , ചുറ്റുവട്ടത്തുള്ളവർക്കും ,
ചിലപ്പോൾ നാടിന് തന്നെ ആയിരുന്നു.
മരണ വീട്ടിൽ വരുന്നവർക്ക് ഭക്ഷണം കൊടുക്കാൻ ആരും പറയാതെ തന്നെ സമീപത്തെ വീടുകൾ തയ്യാറായിരുന്നു.
അവർക്ക് പണം ഉണ്ടെങ്കിലും ഇല്ലെങ്കിലും
ആരും അതിനൊന്നും കണക്ക് പറഞ്ഞിരുന്നില്ല.!

അല്ലാതെ ഇപ്പോൾ കാണുന്നപോലെ പണം കിട്ടണം എന്ന മോഹത്തോടെ നീട്ടുന്ന ഭക്ഷണപ്പൊതികൾ അല്ലായിരുന്നു സ്നേഹത്തിന്റെയും, കരുതലിന്റെയും അടയാളം.

ഇപ്പോൾ സ്വന്തം മേൽവിലാസം പോലും പലർക്കും അറിയില്ല.!
എന്തിന് സ്വന്തം പോസ്റ്റ് ഓഫിസ് എവിടെ എന്ന് ചോദിച്ചാൽ മറുപടി ചിലപ്പോൾ രസകരം ആകാം.
ഒരു കാലത്ത് പോസ്റ്റോഫീസും, പോസ്റ്റുമാനും ഓരോ വീട്ടിലെയും അംഗത്തെ പോലെ ആയിരുന്നു.
അവർ കൈ കാര്യം ചെയ്യുന്ന കത്തിലും, മണിഓർഡറിലും ഒരു ഇഴഅടുപ്പത്തിന്റെ ബന്ധം ഉണ്ടായിരുന്നു.

ഇങ്ങനെ ഓരോന്ന് പറയാനും എഴുതാനും തുടങ്ങിയാൽ തീരില്ല.

പ്രശ്നങ്ങളെ അഭിമുഖീകരിക്കാനും, അതിജീവിക്കാനും കഴിയാത്ത ഒരു കൂട്ടം ആണ്
ഇന്ന് വളരുന്നു വരുന്നത്.

തോണ്ടി നടക്കുന്ന ഫോണിൽ നിന്നും തല ഉയർത്തി നോക്കിയാൽ അറിയാം എവിടെ ആണ് പ്രശ്നം എന്ന്.

അപ്പനോ, അമ്മയോ കൂടെ ചെല്ലണം ന്യൂ ജെൻസ്നൊപ്പം ട്യൂഷൻ ,
ഡാൻസ്,
വാദ്യ ഉപകരണം പഠിക്കുന്ന ഇടങ്ങളിലേക്ക്.
അവിടെ അഭ്യാസം കഴിഞ്ഞാൽ
ന്യൂ ജെൻ
പിന്നെ,
ഒന്നിനും കൊള്ളാത്ത പരുവത്തിൽ അന്നേ ദിനം.

ഈ ന്യൂ ജെൻ യുഗത്തിലും നല്ല തട്ടുപൊളിപ്പന്മാരും ഉണ്ട്.
അവർ ഒരു ഒന്നൊന്നര ഊർജം തന്നെ.!
എന്ത് കാര്യത്തിനും മുന്നിൽ തന്നെ.
കഴിവും അറിവും ഉപയോഗിക്കുന്നതിൽ “നോ കോംപ്രമൈസ് “…

ഇതൊക്കെ പറയാൻ കാര്യം ഉണ്ട്.
നല്ല പ്രായത്തിൽ ജീവിതത്തോട് സുല്ലിടുന്നവർ അനവധി ആണ്.

ആത്മഹത്യ ചെയ്ത തന്റെ മകളെപറ്റി അവളുടെ
‘അമ്മ പറഞ്ഞു , മകൾക്ക് സ്വന്തം മുടി പോലും കെട്ടാൻ അറിയില്ലായിരുന്നു. എന്ന്.

അങ്ങനെ ഉള്ളവർ ജീവിതത്തിൽ പരാജയപ്പെട്ടു പോകുക മാത്രമേ ഉള്ളു.!

സ്വന്തം കാലിൽ ഉറച്ചു നിൽക്കാനും ജീവിത യാത്രയിലെ പ്രശ്‌നത്തെ സധൈര്യം നേരിടാനും ഉള്ള കളരികൾ ആകട്ടെ നമ്മുടെ ഭവനങ്ങളും, വിദ്യാലയങ്ങളും ,ആരാധന ആലയങ്ങളും.

ഓട്ടം നിർത്തി ജീവിതത്തെ സമ്പന്നമാക്കാനും, എവിടെയും തലയുയർത്തി നിൽക്കാനും *നമ്മുടെ തലമുറക
ൾക്ക്* *ഇടയാകട്ടെ.🌹

Author: Unknown

Advertisements

ഒരു മനസ്സമ്മത ചടങ്ങ്

പള്ളിയിൽ ഒരു മനസ്സമ്മത ചടങ്ങുകൾ നടക്കുന്നു.

പുരോഹിതൻ പ്രാത്ഥന കഴിഞ്ഞ് അടുത്ത ചടങ്ങിലേക്കു കടക്കുന്നു..

ഇവിടെ ഈ സന്നിധിയിങ്കൽ രണ്ട് ഹൃദയങ്ങൾ ഒത്തു ചേരുന്നു..

മാർട്ടി എന്നു വിളിക്കപ്പെടുന്ന മാർട്ടിനും എൽസ എന്നു വിളിക്കുന്ന എലിസബത്തും തമ്മിലുള്ള വിഹാഹ ചടങ്ങുകളാണ് നടക്കുന്നത്..

ഈ രണ്ട് പേരുടേയും ഒത്തു ചേരലിൽ ആർക്കെങ്കിലും എതിരഭിപ്രായം ഉണ്ടെങ്കിൽ മുന്നോട്ടു വന്ന് അത് അറിയിക്കേണ്ടതാണ്..l

ഹാൾ നിശബ്ദമായി..

പെട്ടെന്ന് ആൾക്കൂട്ടത്തിനു പിറകിൽ നിന്നും ഒരു യുവതി..
അവൾ ഒരു കെെക്കുഞ്ഞുമായി മുന്നോട്ട് വരുന്നുണ്ടായിരുന്നു..!

ഒരു അമ്പരപ്പോടെ എല്ലാവരുടെയും ശ്രദ്ധ ആ അമ്മയിലേക്കും കുഞ്ഞിലേക്കും തിരിഞ്ഞു..

യുവതിയേം കുഞ്ഞിനേയും കണ്ട വധു വരന്റെ കരണക്കുറ്റിക്കു തന്നെ കൊടുത്തു ഒരെണ്ണം..
നിങ്ങൾ എന്നെ ചതിക്കുവാരുന്നു ല്ലേ..?

വരന്റെ അമ്മ ബോധം കെട്ടു വീണു..

എന്നാലും ചെറുക്കൻ ആളു മോശമല്ലല്ലോ എന്ന് എല്ലാവരും പരസ്പരം ചർച്ച ചെയ്യുന്നുണ്ടായിരുന്നു..

ചൂടു പിടിച്ച അന്തരീക്ഷത്തിന് അയവു വരുത്താൻ കാരണവൻമാർ രണ്ടു കൂട്ടരേയും സമാധാനിപ്പിച്ചു നടക്കുന്നതും ആ ബഹളത്തിൽ കാണുന്നുണ്ടായിരുന്നു.

ഈ സമയം പുരോഹിതൻ കുഞ്ഞുമായി വന്ന യുവതിയോടു ചോദിച്ചു..

എന്താ കുട്ടീ കുട്ടിക്ക് പറയാനുള്ളത്..?

എനിക്കൊന്നും പറയാനില്ല ഫാദർ പിറകിൽ നിന്നിട്ട് ഒന്നും കാണാനും കേൾക്കാനും വയ്യ..
അതാ മുന്നിൽ വന്നു നില്ക്കാമെന്ന് വിചാരിച്ചത്..

Advertisements

അമ്പലപ്പുഴ ഉണ്ണി കണ്ണനോട് നീ… മാളവിക വയലിനിൽ വായിക്കുന്നു

Advertisements
Advertisements
Violinist Malavika, Kottayam
Advertisements

തു​റ​ന്നുപ​റ​യേ​ണ്ട​പ്പോ​ൾ നി​ശ​ബ്ദ​നാ​യി​രി​ക്ക​രു​ത്

Nelson MCBS

തു​റ​ന്നുപ​റ​യേ​ണ്ട​പ്പോ​ൾ നി​ശ​ബ്ദ​നാ​യി​രി​ക്ക​രു​ത്

മാർ. ജോസഫ് കല്ലറങ്ങാട്ട്

തു​റ​ന്നുപ​റ​യേ​ണ്ട​പ്പോ​ൾ നി​ശ​ബ്ദ​നാ​യി​രി​ക്ക​രു​ത്ഇ​രു​പ​താം​നൂ​റ്റാ​ണ്ട് ക​ണ്ട ഏ​റ്റ​വും സ​ത്യ​സ​ന്ധ​നായ മനു ഷ്യനും ആ​ശ​യം​കൊ​ണ്ടും ജീ​വി​തം​കൊ​ണ്ടും ലോ​കം കീ​ഴ​ട​ക്കി​യ കാ​ലാ​തീ​ത​മാ​യ ഇ​തി​ഹാ​സ​വുമാ​ണ് മ​ഹാ​ത്മാ​ഗാ​ന്ധി. മ​ഹാ​ത്മ​ജി​യെ​ക്കു​റി​ച്ചു​ള്ള ഓ​ർമക​ളിൽ നിറയുന്നത് വാ​ക്കും എ​ഴു​ത്തും കൊ​ണ്ടെ​ന്ന​തി​ലേ​റെ ക​ർ​മവും ജീ​വി​ത​വും​കൊ​ണ്ട് ആ​വി​ഷ്ക​രി​ച്ച സ​ത്യാ​ധി​ഷ്ഠി​ത​മാ​യ മ​നു​ഷ്യ​പു​രോ​ഗ​തി​യു​ടെ ആ​ശ​യ​ങ്ങ​ളാ​ണ്. ഗാ​ന്ധി​സ​ത്തി​നു ടെ​ക്സ്റ്റ്ബു​ക്കു​ക​ൾ ആ​വ​ശ്യ​മി​ല്ല. മ​ന​ഃസാ​ക്ഷി​യെയും സ​ഹി​ഷ്ണു​ത​യെയും മു​റു​കെ​പ്പി​ടി​ച്ചു സ​ത്യ​ത്തി​നു​വേ​ണ്ടി ശ​ബ്ദി​ക്കു​ന്ന ഒ​രു സം​സ്കൃ​തി രൂ​പ​പ്പെ​ടു​ത്ത​ണ​മെ​ന്നാ​ണ് ഗാ​ന്ധി​ജ​യ​ന്തി ഓ​ർ​മിപ്പി​ക്കു​ന്ന​ത്.

റോ​മ​യ്ൻ റോ​ള​ണ്ട് ഗാ​ന്ധി​ജി​യെ​പ്പ​റ്റി എ​ഴു​തി​യ വ​രി​ക​ൾ ശ്ര​ദ്ധേ​യ​മാ​ണ്, “യു​ഗ​യു​ഗാ​ന്ത​ര​ങ്ങ​ളി​ൽ ഐ​തി​ഹാ​സി​ക​മാ​യ സ്മൃ​തി പൂ​ജി​ച്ച് പാ​ലി​ക്ക​പ്പെ​ടു​മാ​റ് ഇ​ന്ത്യ​യു​ടെ ദേ​ശീ​യ ച​രി​ത്ര​ത്തി​നു മാ​ത്രം അ​വ​കാ​ശ​പ്പെ​ട്ട ഒ​രു വീ​ര​നേ​താ​വ് മാ​ത്ര​മ​ല്ല ഗാ​ന്ധി. മ​നു​ഷ്യ​സ​മു​ദാ​യ​ത്തി​ലെ ഋ​ഷി​ക​ളു​ടെ​യും പു​ണ്യാ​ത്മാ​ക്ക​ളു​ടെ​യും ഇ​ട​യി​ൽ ത​ന്‍റെ നാ​മം അ​ദ്ദേ​ഹം ആ​ലേ​ഖ​നം ചെ​യ്തി​രി​ക്കു​ന്നു. അ​ദ്ദേ​ഹ​ത്തി​ന്‍റെ വി​ഗ്ര​ഹ​ത്തി​ന്‍റെ പ്ര​കാ​ശ​ധോ​ര​ണി ലോ​ക​ത്തി​ലെ എ​ല്ലാ ദേ​ശ​ങ്ങ​ളി​ലും ക​ട​ന്നുചെ​ന്നി​ട്ടു​ണ്ട്.”

Mahatma Gandhi

ഉ​യി​ർ​ത്തെ​ഴു​ന്നേ​ൽ​ക്കേ​ണ്ട സ​ത്യം

എ​ല്ലാ ത​ത്ത്വ​ചി​ന്ത​ക​ളെ​യും വി​ശ്വാ​സ​മൂ​ല്യ​ങ്ങ​ളെ​യും ഉ​ൾ​ക്കൊ​ള്ളാ​നും മ​ന​സി​നെ​യും ശ​രീ​ര​ത്തെ​യും ആ​ത്മ​വി​ശു​ദ്ധി​യി​ലേ​ക്കു ന​യി​ക്കാ​നും ഗാ​ന്ധി​ജി​ക്ക് സാ​ധി​ച്ചു. നി​ർ​ഭാ​ഗ്യ​മെ​ന്നു പ​റ​യ​ട്ടെ, ഇ​ന്ന് ന​മ്മു​ടെ സ​മൂ​ഹ​ത്തി​ൽ ഗാ​ന്ധി​ജി അ​ന്യ​നും അ​ന​ഭി​മ​ത​നും ആ​കു​ന്നു​ണ്ടോ എ​ന്ന സം​ശ​യം അ​നു​ദി​നം ബ​ല​പ്പെ​ടു​ന്നു​ണ്ട്. ഭാ​ര​ത​ത്തി​ന്‍റെ നി​ല​നി​ല്പി​നും അ​ർ​ഥവ​ത്താ​യ മ​തേ​ത​ര​ത്വ​ത്തി​നും ഗാ​ന്ധിജി എ​ന്ന സ​ത്യം അ​നി​വാ​ര്യ​മാ​ണ്. വി​വി​ധ മ​ത​സ​മൂ​ഹ​ങ്ങ​ളു​ടെ ഐ​ക്യ​ത്തി​നു വേ​ണ്ടി ജീ​വി​തം മാ​റ്റി​വ​ച്ചു എ​ന്ന​താ​യി​രു​ന്നു ഗാ​ന്ധി​ജി​യു​ടെ അ​ന​ന്യ​ത.

ഗാ​ന്ധി​ജി ക​റ​തീ​ർ​ന്ന ഒ​രു ഹൈ​ന്ദ​വ​വി​ശ്വാ​സി​യാ​യി​രു​ന്നു. അ​ത് ഒ​രി​ക്ക​ലും മ​റ​ച്ചു​വ​യ്ക്കാ​നോ ഒ​ളി​ച്ചു​വ​യ്ക്കാ​നോ അ​ദ്ദേ​ഹം ആ​ഗ്ര​ഹി​ച്ചി​ല്ല. വ്യ​ത്യ​സ്ത​ങ്ങ​ളാ​യ മ​ത​വി​ശ്വാ​സ​ങ്ങ​ളി​ൽ അ​ടി​യു​റ​ച്ചു നി​ന്ന് പൊ​തു​നന്മക്കാ​യി ഒ​രു​മി​ച്ചു മു​ന്നേ​റ​ണ​മെ​ന്ന് അ​ദ്ദേ​ഹം ന​മ്മു​ടെ സ​മൂ​ഹ​ത്തെ ഓ​ർ​മി​പ്പി​ക്കു​ന്നു​ണ്ട്. ഇ​ന്ത്യ​ൻ ദേ​ശീ​യ​ത​യ്ക്കു തു​രങ്കം വ​യ്ക്കു​ന്ന തിന്മക​ളെ​ക്കു​റി​ച്ച് സൂ​ചി​പ്പി​ക്കു​ന്പോ​ൾ ക്രി​മി​ന​ൽ…

View original post 676 more words

എല്ലാവർക്കും വേണ്ടിയുള്ള ആരോഗ്യ ടിപ്പുകൾ

എല്ലാവർക്കും വേണ്ടിയുള്ള ആരോഗ്യ ടിപ്പുകൾ

A. വർഷത്തിൽ ഒരിക്കലെങ്കിലും പരിശോധിക്കേണ്ട രണ്ട് കാര്യങ്ങൾ:
(1) നിങ്ങളുടെ രക്തസമ്മർദ്ദം
(2) നിങ്ങളുടെ രക്തത്തിലെ പഞ്ചസാര

B. ഏറ്റവും കുറക്കേണ്ട മൂന്ന് കാര്യങ്ങൾ :
(1) ഉപ്പ്
(2) പഞ്ചസാര
(3) അന്നജം (കാർബോഹൈഡ്രേറ്റ്സ്)

C. വർദ്ധിപ്പിക്കേണ്ടുന്ന നാല് കാര്യങ്ങൾ:
(1) പച്ചിലകൾ
(2) പച്ചക്കറികൾ
(3) പഴങ്ങൾ
(4) പരിപ്പ്

D. മറക്കേണ്ടുന്ന മൂന്ന് കാര്യങ്ങൾ:
(1) നിങ്ങളുടെ പ്രായം
(2) നിങ്ങളുടെ ഭൂതകാലം
(3) നിങ്ങളുടെ പക

E. ഉണ്ടായിരിക്കേണ്ട മൂന്ന് കാര്യങ്ങൾ:
(1) യഥാർത്ഥ സുഹൃത്തുക്കൾ
(2) സ്നേഹമുള്ള കുടുംബം
(3) പോസിറ്റീവ് ചിന്തകൾ

F. ആരോഗ്യകരമായി തുടരുന്നതിന് നാല് പ്രവൃത്തികൾ:
(1) ഉപവസിക്കുക
(2) ചിരിക്കുക
(3) വ്യായാമം ചെയ്യുക
(4) ശരീരഭാരം കുറയ്ക്കുക

G. കാത്തിരിക്കേണ്ടാത്ത നാല് കാര്യങ്ങൾ:
(1) ഉറങ്ങാൻ നിങ്ങൾ ഉറക്കം വരുന്നതുവരെ കാത്തിരിക്കരുത്.
(2) വിശ്രമിക്കാൻ നിങ്ങൾ തളരുന്നതുവരെ കാത്തിരിക്കരുത് .
(3) നിങ്ങളുടെ സുഹൃത്തിനെ കാണാൻ പോകാ ന്‍ അവന് അസുഖം വരുന്നതുവരെ കാത്തിരിക്കരുത് .
(4) ദൈവത്തോട് പ്രാർത്ഥിക്കുവാ ന്‍ പ്രശ്നങ്ങൾ ഉണ്ടാകുന്നതു വരെ കാത്തിരിക്കരുത്.

സ്വയം ശ്രദ്ധിക്കുക .. & ചെറുപ്പമായി തുടരുക !!

♥♥♥♥ 👍👍👍 ♥♥♥♥

Advertisements

101 നാട്ടു ചികിത്സകള്‍

101 നാട്ടു ചികിത്സകള്‍

1. ഉളുക്കിനു- സമൂലം തോട്ടാവാടിയും കല്ലുപ്പും അരച്ച് അരിക്കാടിയില്‍ കലക്കി തിളപ്പിച്ച് പുരട്ടുക

2. പുഴുക്കടിക്ക്- പച്ചമഞ്ഞളും വേപ്പിലയും ഒന്നിച്ച് അരച്ചുപുരട്ടുക

3. തലമുടി സമൃദ്ധമായി വളരുന്നതിന്- എള്ളെണ്ണ തേച്ച് നിത്യവും തലകഴുകുക

4. ചെവി വേദനയ്ക്ക്- വെളുത്തുള്ളി ചതച്ച് വെളിച്ചെണ്ണയിലിട്ട് കാച്ചി ചെറുചൂടോടെ ചെവിയില്‍ ഒഴിക്കുക

5. കണ്ണ് വേദനയ്ക്ക്- നന്ത്യര്‍ വട്ടത്തിന്റെവ ഇലയും പൂവും ചതച്ച് നീരെടുത്ത് മുലപ്പാല്‍ ചേര്ത്തോ അല്ലാതെയോ കണ്ണില്‍ ഉറ്റിക്കുക

6. മൂത്രതടസ്സത്തിന്- ഏലയ്ക്ക പൊടിച്ച് കരിക്കിന്‍ വെള്ളത്തില്‍ ചേര്ത്ത് കഴിക്കുക

7. വിരശല്യത്തിന്- പകുതി വിളഞ്ഞ പപ്പായ വെള്ളത്തിലിട്ട് തിളപ്പിച്ച് കഴിക്കുക

8. ദഹനക്കേടിന് – ഇഞ്ചി നീരും ഉപ്പും ചെറുനാരങ്ങനീരും ചേര്ത്ത് കുടിക്കുക

9. കഫക്കെട്ടിന് – ത്രിഫലാദി ചൂര്ണംും ചെറുചൂടുവെള്ളത്തില്‍ കലക്കി അത്താഴത്തിന് ശേഷം കഴിക്കുക

10. ചൂട്കുരുവിന് – ഉഴുന്ന്പൊടി ഉപയോഗിച്ച് കുളിക്കുക

11. ഉറക്കക്കുറവിന്-കിടക്കുന്നതിന് മുന്പ്ി ഒരോ ടീസ്പൂണ്‍ തേന്‍ കഴിക്കുകെ

12. വളം കടിക്ക്- വെളുത്തുള്ളിയും മഞ്ഞളും ചേര്ത്തഒരച്ച് ഉപ്പുനീരില്‍ ചാലിച്ച് പുരട്ടുക

13. ചുണങ്ങിന്- വെറ്റില നീരില്‍ വെളുത്തുള്ളി അരച്ച് പുരട്ടുക

14. അരുചിക്ക്- ഇഞ്ചിയും കല്ലുപ്പ് കൂടി ചവച്ച് കഴിക്കുക

15. പല്ലുവേദനയ്ക്ക്-വെളുത്തുള്ളി ചതച്ച് വേദനയുള്ള പല്ല്കൊണ്ട് കടിച്ച് പിടിക്കുക

16. തലവേദനയ്ക്ക്- ഒരു സ്പൂണ്‍ കടുക്കും ഒരല്ലി വെളുത്തുള്ളിയും ചേര്ത്തുരച്ച് ഉപ്പുനീരില്‍ ചാലിച്ച് പുരട്ടുക

17. വായ്നാറ്റം മാറ്റുവാന്‍- ഉമിക്കരിയും ഉപ്പും കുരുമുളക്പൊടിയും ചേര്ത്ത് പല്ല്തേയ്ക്കുക

18. തുമ്മലിന്- വേപ്പണ്ണ തലയില്‍ തേച്ച് കുളിക്കുക.

19. ജലദോഷത്തിന്- തുളസിയില നീര്‍ ചുവന്നുള്ളിനീര്‍ ഇവ ചെറുതേനില്‍ ചേര്ത്ത് കഴിക്കുക

20. ടോണ്സിഴ ലെറ്റിസിന്- വെളുത്തുള്ളി കുരുമുളക് തുമ്പയില എന്നിവ ഒന്നിച്ച് തുടര്ച്ച യായി 3ദിവസം കഴിക്കുക

21. തീ പൊള്ളലിന്- ചെറുതേന്‍ പുരട്ടുക

22. തലനീരിന്- കുളികഴിഞ്ഞ് തലയില്‍ രസ്നാദിപ്പൊടി തിരുമ്മുക

23. ശരീര കാന്തിക്ക്- ചെറുപയര്പ്പൊ ടി ഉപയോഗിച്ച് കുളിക്കുക

24. കണ്ണിന് ചുറ്റുമുള്ള കറുപ്പ് നിറം മാറന്‍- ദിവസവും വെള്ളരിക്ക നീര് പുരട്ടിയ ശേഷം ഒരു മണിക്കൂര്‍ കഴിഞ്ഞ് കഴുകുക

25. പുളിച്ച് തികട്ടലിന്- മല്ലിയിട്ട തിളപ്പിച്ചാറിയ വെള്ളം പലപ്രവാശ്യം കഴിക്കുക

26. പേന്പോചകാന്‍- തുളസിയില ചതച്ച് തലയില്‍ തേച്ച്പിടിപ്പിക്കുക ഒരു മണിക്കൂര്‍ കഴിഞ്ഞ് കഴുകികളയുക

27. പുഴുപ്പല്ല് മറുന്നതിന്- എരുക്കിന്‍ പാല്‍ പല്ലിലെ ദ്വാരത്തില്‍ ഉറ്റിക്കുക

28. വിയര്പ്പു നാറ്റം മാറുവാന്‍- മുതിര അരച്ച് ശരീരത്തില്‍ തേച്ച് കുളിക്കുക

29. ശരീരത്തിന് നിറം കിട്ടാന്‍- ഒരു ഗ്ലാസ് കാരറ്റ് നീരില്‍ ഉണക്കമുന്തിരി നീര്,തേന്‍,വെള്ളരിക്ക നീര് ഇവ ഒരോ ടീ സ്പൂണ്‍ വീതം ഒരോ കഷ്ണം കല്ക്കൂണ്ടം ചേര്ത്ത് ദിവസവും കുടിക്കുക

30. ഗര്ഭ്കാലത്ത് ഉണ്ടാകുന്ന തലവേദനയ്ക്ക്- ഞൊട്ടാ ഞൊടിയന്‍ അരച്ച് നെറ്റിയില്‍ പുരട്ടുക

31. മുലപ്പാല്‍ വര്ദ്ധിുക്കുന്നതിന്- ഉള്ളിചതച്ചതും, തേങ്ങയും ചേര്ത്ത് കഞ്ഞിവച്ച് കുടിക്കുക

32. ഉഷ്ണത്തിലെ അസുഖത്തിന്- പശുവിന്റെ് പാലില്‍ ശതാവരികിഴങ്ങ് അരച്ച് കലക്കി ദിവസവും രാവിലെ കഴിക്കുക

33. ചുമയ്ക്ക്-പഞ്ചസാര പൊടിച്ചത്,ജീരകപ്പൊടി, ചുക്ക്പ്പൊടി, ഇവ സമം എടുത്ത് തേനില്‍ ചാലിച്ച് കഴിക്കുക

34. കരിവംഗലം മാററുന്നതിന്- കസ്തൂരി മഞ്ഞള്‍ മുഖത്ത് നിത്യവും തേയ്ക്കുക

35. മുഖസൌന്ദര്യത്തിന്- തുളസിയുടെ നീര് നിത്യവും തേയ്ക്കുക

36. വായുകോപത്തിന്- ഇഞ്ചിയും ഉപ്പും ചേര്ത്തയരച്ച് അതിന്റെ നീര് കുടിക്കുക

37. അമിതവണ്ണം കുറയ്ക്കാന്‍-ചെറുതേനും സമം വെളുത്തുള്ളിയും ചേര്ത്ത് അതിരാവിലെ കുടിക്കുക

38. ഒച്ചയടപ്പിന്- ജീരകം വറുത്ത്പൊടിച്ച് തേനില്‍ ചാലിച്ച് കഴിക്കുക

39. വളംകടിക്ക്- ചുണ്ണാമ്പ് വെളിച്ചെണ്ണയില്‍ ചാലിച്ച് പുരട്ടുക

40. സ്ത്രീകളുടെ മുഖത്തെ രോമവളര്ച്ചമ തടയാന്‍- പാല്പ്പാ ടയില്‍ കസ്തൂരി മഞ്ഞള്‍ ചാലിച്ച് മുഖത്ത് പുരട്ടുക

41. താരന്‍ മാറാന്‍- കടുക് അരച്ച് തലയില്‍ തേച്ച് പിടിപ്പിച്ചതിന് ശേഷം കഴുകി കളയുക

42. മുഖത്തെ എണ്ണമയം മാറന്‍- തണ്ണിമത്തന്റെ് നീര് മുഖത്ത് പുരട്ടുക

43. മെലിഞ്ഞവര്‍ തടിക്കുന്നതിന്- ഉലുവ ചേര്ത്ത് കഞ്ഞി വച്ച് കുടിക്കുക

44. കടന്തല്‍ വിഷത്തിന്- മുക്കുറ്റി അരച്ച് വെണ്ണയില്‍ ചേര്ത്ത് പുരട്ടുക.

45. ഓര്മ്മ് കുറവിന്- നിത്യവും ഈന്തപ്പഴം കഴിക്കുക

46. മോണപഴുപ്പിന്- നാരകത്തില്‍ ഇലയിട്ട് തിളപ്പിച്ച വെള്ളം കവിള്‍ കൊള്ളുക

47. പഴുതാര കുത്തിയാല്‍- ചുള്ളമ്പ് പുരട്ടുക

48. ക്ഷീണം മാറുന്നതിന്- ചെറു ചൂടുവെള്ളത്തില്‍ ഒരു ടീ സ്പൂണ്‍ ചെറുതേന്‍ ചേര്ത്തു കുടിക്കുന്നു.

49. പ്രഷറിന്- തഴുതാമ വേരിട്ട് വെള്ളം തിളപ്പിച്ച് കുടിക്കുക

50. ചെങ്കണ്ണിന്- ചെറുതേന്‍ കണ്ണിലെഴുതുക.

51. കാല്‍ വിള്ളുന്നതിന്- താമരയില കരിച്ച് വെളിച്ചെണ്ണയില്‍ ചാലിച്ച് പുരട്ടുക

52. ദുര്മേ്ദസ്സിന്- ഒരു ടീ സ്പൂണ്‍ നല്ലെണ്ണയില്‍ ചുക്കുപ്പൊടിയും വെളുത്തുള്ളിയും അരച്ചത് ദിവസവും കഴിക്കുക

53. കൃമിശല്യത്തിന്- നല്ലവണ്ണം വിളഞ്ഞ തേങ്ങയുടെ വെള്ളത്തില്‍ ഒരു ടീ സ്പൂണ്‍ തേന്‍ ചേര്ത്ത് രാവിലെ വെറും വയറ്റില്‍ കഴിക്കുക

54. സാധാരണ നീരിന്- തോട്ടാവാടി അരച്ച് പുരട്ടുക

55. ആര്ത്ത്വകാലത്തെ വയറുവേദയ്ക്ക്- ത്രിഫലചൂര്ണംല ശര്ക്കഴരച്ചേര്ത്ത്ത ഒരു നെല്ലിക വലിപ്പം വൈകുന്നേരം പതിവായി കഴിക്കുക

56. കരപ്പന്- അമരി വേരിന്റെക മേല്ത്തൊിലി അരച്ച് പാലില്‍ ചേര്ത്ത് കഴിക്കുക.

57. ശ്വാസംമുട്ടലിന്- അഞ്ച് ഗ്രാം നിലപ്പാല ഇല അരച്ച് ചെറുതേന്‍ ചേര്ത്ത് കഴിക്കുക

58. ജലദോഷത്തിന്- ചൂടുപാലില്‍ ഒരു നുള്ളു മഞ്ഞള്പ്പൊ ടിയും കുരുമുളക്പ്പൊടിയും ചേര്ത്ത്പ കഴിക്കുക

59. ചുമയ്ക്ക്- തുളസ്സി സമൂലം കഷയം വച്ച് കഴിക്കുക

60. ചെവി വേദനയ്ക്ക്- കടുക് എണ്ണ സഹിക്കാവുന്ന ചൂടോടെ ചെവിയില്‍ ഒഴിക്കുക

61. പുകച്ചിലിന്- നറുനീണ്ടി കിഴങ്ങ് പശുവിന്പാോലില്‍ അരച്ച് പുരട്ടുക

62. ചര്ദ്ദിദക്ക് – കച്ചോല കിഴങ്ങ് കരിക്കിന്‍ വെള്ളത്തില്‍ അരച്ച് കലക്കി കുടിക്കുക

63. അലര്ജിിമൂലം ഉണ്ടാകുന്ന തുമ്മലിന്- തുളസ്സിയില ചതച്ചിട്ട് എണ്ണ മുറുക്കി പതിവായി തലയില്‍ തേച്ച്കുളിക്കുക

64. മൂത്രചൂടിന് – പൂവന്‍ പഴം പഞ്ചസാര ചേര്ത്ത്ച കഴിക്കുക.

65. ഗര്ഭിചണികള്ക്ക്ു ഉണ്ടാകുന്ന ചര്ദ്ദിസക്ക്- കുമ്പളത്തിന്റെി ഇല തോരന്‍ വച്ച് കഴിക്കുക

66. മുടി കൊഴിച്ചില്‍ നിര്ത്തു ന്നതിന്- ചെമ്പരത്തി പൂവിന്റെ് ഇതളുകള്‍ അരച്ച് ഷാംപൂവായി ഉപയോഗിക്കുക

67. അള്സകറിന്- ബീട്ടറൂട്ട് തേന്‍ ചേര്ത്ത് കഴിക്കുക

68. മലയശോദനയ്ക്ക്- മുരിങ്ങയില തോരന്‍ വച്ച് കഴിക്കുക

69. പരുവിന്- അവണക്കിന്‍ കറയും ചുള്ളാമ്പും ചാലിച്ച് ചുറ്റും പുരട്ടുക

70. മുടിയിലെ കായ് മാറുന്നതിന്- ചീവയ്ക്കപ്പൊടി തലയില്‍ പുരട്ടി അരമണിക്കൂറിന് ശേഷം കുളിക്കുക

71. ദീര്ഘംകാല യൌവനത്തിന്- ത്രിഫല ചൂര്ണംയ തേനില്‍ ചാലിച്ച് ദിവസേന അത്താഴത്തിന് ശേഷം കഴിക്കുക

72. വൃണങ്ങള്ക്ക് – വേപ്പില അരച്ച് പുരട്ടുക

73. പാലുണ്ണിക്ക്- ഇരട്ടിമധുരം കറുക എണ്ണ് ഇവ സമം നെയ്യില്‍ വറുത്ത് അരച്ച് കുഴമ്പാക്കി പുരട്ടുക

74. ആസ്മയ്ക്ക്- ഈന്തപ്പഴവും ചെറുതേനും സമം ചേര്ത്ത്യ കഴിക്കുക

75. പനിക്ക്- തുളസ്സി, ഉള്ളി, ഇഞ്ചി ഇവയുടെ നീര് സമം എടുത്ത് ദിവസവും കഴിക്കുക

76. പ്രസവാനന്തരം അടിവയറ്റില്‍ പാടുകള്‍ വരാതിരിക്കാന്‍- ഗര്ഭവത്തിന്റെന മൂന്നാം മാസം മുതല്‍ പച്ച മഞ്ഞള്‍ അരച്ച് വെളിച്ചെണ്ണയില്‍ ചാലിച്ച് ഉദരഭാഗങ്ങളില്‍ പുരട്ടികുളിക്കുക

77. കണ്ണിന് കുളിര്മ്മടയുണ്ടാകന്‍- രാത്രി ഉറങ്ങുന്നതിന് മുന്പ്ത അല്പംത ആവണക്ക് എണ്ണ കണ്പീ്ലിയില്‍ തേക്കുക

78. മന്തിന്- കയ്യോന്നിയുടെ ഇല നല്ലെണ്ണയില്‍ അരച്ച് പുരട്ടുക

79. ദഹനക്കേടിന്- ചുക്ക്, കുരുമുളക്, വെളുത്തുള്ളി, ഇല വെന്ത കഷായത്തില്‍ ജാതിക്ക അരച്ച് കുടിക്കുക

80. മഞ്ഞപ്പിത്തതിന്- ചെമ്പരത്തിയുടെ വേര് അരച്ച് മോരില്‍ കലക്കി കുടിക്കുക

81. പ്രമേഹത്തിന്- കല്ലുവാഴയുടെ അരി ഉണക്കിപ്പൊടിച്ച് ഒരു ടീ സ്പൂണ്‍ പാലില്‍ ദിവസവും കഴിക്കുക

82. കുട്ടികളില്‍ ഉണ്ടാകുന്ന വിര ശല്യത്തില്‍- വയമ്പ് വെള്ളത്തില്‍ തൊട്ടരച്ച് കൊടുക്കുക

83. വാതത്തിന്- വെളുത്തുള്ളി അരച്ച് വെളിച്ചെണ്ണയില്‍ ചാലിച്ച് കഴിക്കുക

84. വയറുകടിക്ക്- ചൌവരി വറുത്ത് വെളളത്തിലിട്ട് തിളപ്പിച്ച് പഞ്ചസാര ചേര്ത്ത് പലതവണ കുടിക്കുക

85. ചോറിക്ക്- മഞ്ഞളും വേപ്പിലയും ഇട്ട് തിളപ്പിച്ച വെള്ളത്തില്‍ കുളിക്കുക

86. രക്തകുറവിന്- നന്നാറിയുടെ കിഴങ്ങ് അരച്ച് നെല്ലിക്ക വലിപ്പത്തില്‍ പാലില്‍ കലക്കി കുടിക്കുക

87. കൊടിഞ്ഞിക്ക്- പച്ചമഞ്ഞള്‍ ഓടില്‍ ചൂടാക്കി നെറ്റിയുടെ ഇരുവശവും ചൂട്പിടിപ്പിക്കുക

88. ഓര്മ്മഞശക്തി വര്ധി്ക്കുന്നതിന്- പാലില്‍ ബധാം പരിപ്പ് അരച്ച് ചേര്ത്ത് കാച്ചി ദിവസവും കുടിക്കുക

89. ഉദരരോഗത്തിന്- മുരിങ്ങവേര് കഷായം വച്ച് നെയ്യും ഇന്തുപ്പും ചേര്ത്ത്് കഴിക്കുക

90. ചെന്നിക്കുത്തിന്- നാല്പ്പാ മരത്തോല്‍ അരച്ച് പുരട്ടുക

91. തൊണ്ടവേദനയ്ക്ക്- അല്പം വെറ്റില, കുരുമുളക്, പച്ചകര്പ്പൂതരം, എന്നീവ ചേര്ത്ത് വായിലിട്ട് ചവച്ചരച്ച് കഴിക്കുക

92. കുട്ടികളുടെ ബുദ്ധിമാന്ദ്യത്തിന്- മുക്കൂറ്റി സമൂലം അരച്ച് 5ഗ്രാം തേനില്‍ ചേര്ത്ത് കഴിക്കുക

93. വേനല്‍ കുരുവിന്- പരുത്തിയില തേങ്ങപ്പാലില്‍ അരച്ച് കലക്കി കാച്ചി അരിച്ച് തേക്കുക

94. മുട്ടുവീക്കത്തിന്- കാഞ്ഞിരകുരു വാളന്പുയളിയിലയുടെ നീരില്‍ അരച്ച് വിനാഗിരി ചേര്ത്ത് പുരട്ടുക

95. ശരീര ശക്തിക്ക്- ഓട്സ് നീര് കഴിക്കുക

96. ആമ വാതത്തിന്- അമൃത്, ചുക്ക്, കടുക്കത്തോട് എന്നിവ കഷായം വച്ച് കുടിക്കുക

97. നരവരാതിരിക്കാന്‍- വെളിച്ചെണ്ണയും സമം ബധാം എണ്ണയും കൂട്ടികലര്ത്തി് ചെറുചൂടോടെ തലയില്‍ പുരട്ടുക

98. തലമുടിയുടെ അറ്റം പിളരുന്നതിന്- ഉഴിഞ്ഞ ചതമ്പ് വെള്ളം തിളപ്പിച്ച് ചെറുചൂടോടെ തലകഴുകുക

99. കുട്ടികളുടെ വയറുവേദനയ്ക്ക്- മുത്തങ്ങ കിഴങ്ങ് അരച്ച് കൊടുക്കുക

100. കാഴ്ച കുറവിന്- വെളിച്ചെണ്ണയില്‍ കരിംജീരകം ചതച്ചിട്ട് തലയില്‍ തേക്കുക
101. കണ്ണിലെ മുറിവിന്- ചന്ദനവും മുരിക്കിന്കുകരുന്നു മുലപ്പാലില്‍ അരച്ച് കണ്ണില്‍ ഇറ്റിക്കുക

Source : Unknown

ചെവി

ചെവി

ഒരു മനുഷ്യന്റെ മുഖത്തെ ഏറ്റവും അവഗണിക്കപ്പെട്ട അവയവം ഏതാണെന്ന് ചോദിച്ചാൽ, ചെവികൾ എന്നൊരു ഉത്തരമേയുള്ളു!

കണ്ണുകളെയും, ചുണ്ടുകളെയും, മൂക്കിനെയും, പല്ലുകളെയും വർണ്ണിച്ചെഴുത്തുന്ന മഹാകവികൾ ചെവികൾക്ക് മാത്രം പ്രാധാന്യം കൊടുക്കാഞ്ഞതെന്തേ!?

പറയുമ്പോൾ പഞ്ചേന്ദ്രിയത്തിൽ പെട്ടത് തന്നെ; എന്നാൽ ചെയ്യുന്നത് മുഴുവൻ അടിമപ്പണിയാണ്.

കണ്ണും, മൂക്കും, ചുണ്ടും എല്ലാംകൂടി മുഖത്തുകേറി ഞെളിഞ്ഞിരുന്നപ്പോൾ, സ്ഥലക്കുറവ് മൂലം അരികുകളിലേക്ക് ഒതുക്കപ്പെട്ടവർ.

കാഴ്ചക്കുറവിന് വെക്കുന്ന കണ്ണടയുടെ ഭാരം മുഴുവൻ താങ്ങുന്നവർ…

മാസ്‌ക് വെക്കുമ്പോൾ വലിഞ്ഞു മുറുകുന്നവർ…

ഹെൽമറ്റ് വെക്കുമ്പോൾ ഞെരിച്ചു അമരുന്നവർ…

മുഖത്തിന് ചന്തം കൂട്ടാൻ വേണ്ടി കുഞ്ഞുംനാളിലേ കുത്തി ഓട്ടയാക്കപ്പെടുന്നവർ…

കുത്തിയ മുറിവ് അടഞ്ഞു പോകാതിരിക്കാനായി സ്വർണത്തിന്റെ ഭാരം പേറേണ്ടി വരുന്നവർ

കണക്ക് തെറ്റിച്ചതിന്റെ പേരിൽ പിടിച്ചു തിരിച്ചത് എത്രയോ പേർ …

ഒരുറുമ്പിനെ പോലും നോവിക്കാതിരുന്നിട്ടും, അടിച്ചു ചെവിക്കുറ്റി പൊട്ടിക്കും, ചെവിക്കല്ല് ഇളക്കും എന്നൊക്കെ ഭീഷണി കേൾക്കേണ്ടി വരുന്നവർ…

തോളിൽ കേറി ഇരിക്കുന്നവർ, കടിയ്ക്കുമോ എന്ന ഭയത്താൽ ഓരോ നിമിഷവും ഉള്ളുരുകി ജീവിക്കേണ്ടി വരുന്നവർ…

വെറുതെ ഇരുന്നു ബോറടിക്കുമ്പോൾ പെൻസിലും പേനയും വിരലും കൊണ്ട് കുത്തും, ഇളക്കലും നേരിടേണ്ടി വരുന്നവർ…

എല്ലാം സഹിച്ചിട്ടും ഉടമസ്ഥന്റെ ശ്രദ്ധക്കുറവിന് ഒരു ചെവിയിൽ കൂടി കേട്ട് മറുചെവിയിൽ കൂടി പുറത്തു കളഞ്ഞു എന്നു പഴി കേൾക്കേണ്ടി വരുന്നവർ…


നമ്മുടെ ചെവിയെ നമുക്ക് സംരക്ഷിക്കാം….നല്ലത് കേൾക്കുക… നല്ലത് കേൾപ്പിക്കു…

Advertisements

വൈവിധ്യം Part-1 | പുസ്തകം – മൂന്നാംപക്കം | Bobby Jose Capuchin

വൈവിധ്യം Part-1 | പുസ്തകം – മൂന്നാംപക്കം | Bobby Jose Capuchin

Advertisements
Advertisements

UNITED BY TRAGEDY: A Look Back at the Morning of 9/11/01 and How America Came Together

UNITED BY TRAGEDY: A Look Back at the Morning of 9/11/01 and How America Came Together

Advertisements

Twenty years ago today, the world stood still as we witnessed the horrific events of September 11, 2001. Nearly 3,000 people died, but, as the ashes settled, the people of America rose up, forsaking political and ideological allegiances, choosing to love their neighbors as themselves. Let us today be reminded of the bond we forged together then and, rather than choosing bitterness and division, may we choose love and peace as we honor the lives of those we lost. That is our prayer on this 20th anniversary of 9/11.

“The cross tells us that God understands our sin and our suffering and, from the cross, God declares, ‘I love you.’ The story does not end with the cross. For Easter points us beyond the tragedy of the cross to the empty tomb. It tells us there is hope for eternal life, for Christ has conquered evil, and death, and hell. My prayer today is that we will feel the loving arms of God wrapped around us as we know in our hearts that He will never forsake us as we trust in Him. And this is going to be a day we remember as a day of victory.” — Rev. Billy Graham, Sept. 14, 2001

May God bless you, and may God bless America 🇺🇸

Download the free CBN News App: http://cbn.com/news/app

What’s coming up next? Have a look at our program guide: http://www1.cbn.com/cbnnews/newschann…

CBN features 24-hour TV news from a Christian perspective. The CBN News Channel provides independent news programming to an underserved audience to enlighten, entertain and inspire Christians around the world. Comments below do not necessarily reflect the views of CBN.

Share this live feed with your friends and family: https://www.youtube.com/c/CBNnewsonli…

SUBSCRIBE to our YouTube channel for more videos: https://www.youtube.com/user/CBNnewso…

Like us on Facebook: https://www.facebook.com/cbnnews/
Like us on Twitter: https://twitter.com/CBNNews
Follow us on Instagram: https://www.instagram.com/cbnnews/
Contact News Editors: https://www1.cbn.com/contact/contact-…
Questions about other CBN programs: https://www1.cbn.com/contact/contact-…
Questions about supporting CBN?
http://www1.cbn.com/cbn-partners (and) https://support.google.com/youtube/?p…
Questions about Helping the Home Front? Call: 757-226-2333
https://www1.cbn.com/700club/helping-…

Advertisements

മറന്നു വെച്ച കുട എടുക്കാൻ തിരികെ പോകരുത്

“ആരും ഒരിക്കലും
മറന്നു വെച്ച കുട എടുക്കാൻ മറക്കരുത്…”

അച്ഛനോടൊപ്പം കഴിഞ്ഞിരുന്ന മകൻ പുതിയൊരു വീടു വെച്ചു താമസം മാറി……,

അനിവാര്യമായിരുന്ന ഒരു വേർപിരിയലായിരുന്നു അത്‌…..

പഴമ തളം കെട്ടി നിൽക്കുന്ന ആ വീട്ടിൽ താമസിക്കാൻ മകൻ ഒരിക്കലും ഇഷ്ടപെട്ടിരുന്നില്ല……,

സ്വന്തം ഇഷ്ടപ്രകാരം പടുത്തുയർത്തിയ പുതിയ വീട്ടിലേക്ക് ഭാര്യയും, കുട്ടികളുമായി അയാൾ ചേക്കേറി…….,

അച്ഛനോട് കൂടെ ചെല്ലാൻ മകൻ ആവുന്നത്ര നിർബന്ധിച്ചതാണ്……,

പക്ഷേ ആ വൃദ്ധൻ പോയില്ലെന്ന് മാത്രമല്ല, ഒറ്റക്കാണെങ്കിലും ആ പഴഞ്ചൻ വീട്ടിൽ കഴിഞ്ഞു കൊള്ളാമെന്ന് പാവം വാശി പിടിക്കുകയും ചെയ്തു…….

വേർപിരിഞ്ഞു പോയെങ്കിലും മകനേയും, കുട്ടികളേയും കാണാതിരിക്കാൻ ആ വൃദ്ധന് കഴിയുമായിരുന്നില്ല…….,

അൽപ്പം അകലെയുള്ള മകന്റെ വീട്ടിലേക്ക് എല്ലാം വൈകുന്നേരങ്ങളിലും അയാൾ യാത്ര തുടങ്ങി…..,

അവിടെ കിട്ടുന്ന സ്നേഹവായ്പ്പുകളിൽ വൃദ്ധൻ അതീവ സന്തുഷ്ടനായി……,

കൂടെ വന്ന് തങ്ങളോടൊപ്പം താമസിക്കണമെന്ന് മകന്റെ ഭാര്യ എപ്പോഴും പരിഭവം പറഞ്ഞു.മകനും അക്കാര്യത്തിൽ നീരസം പ്രകടിപ്പിച്ചിരുന്നു…….,

മകന്റെയും, ഭാര്യയുടെയും, കുഞ്ഞുങ്ങളുടെയും സ്നേഹപ്രകടനങ്ങൾ കഴിഞ്ഞ് ഒരു വൈകുന്നേരം ആ വൃദ്ധൻ അവരുടെ വീട്ടിൽ നിന്നും ഇറങ്ങി…….,

കുറച്ചുദൂരം ചെന്നപ്പോഴാണ് താൻ എപ്പോഴും കയ്യിൽ കരുതിയിരുന്ന കുട എടുത്തില്ലല്ലോ എന്ന് വൃദ്ധൻ ഓർത്തത്…….,

തിരികെ ചെന്നപ്പോൾ മകന്റെ വീടിന് പുറത്ത് ആരേയും കാണാനില്ല……,

അകത്തെ മുറിയിൽ നിന്നും മകന്റെ ഭാര്യയുടെ ഉച്ചത്തിലുള്ള സംസാരം……

“കിഴവന്റെ ആരോഗ്യം കൂടി വരുന്നതേ ഉളളൂ. അടുത്ത കാലത്തൊന്നും മുകളിലോട്ട് പോകുന്ന ലക്ഷണമില്ല….. “

“ഞാൻ കാത്തിരിക്കാൻ തുടങ്ങിയിട്ട് കാലം കുറെയായി. ആ വീടും, പറമ്പും വിൽക്കാൻ എന്നേ ഏർപ്പാട് ചെയ്തു കഴിഞ്ഞു..” മകന്റെ മറുപടി.

തകർന്നു പോയ ആ വൃദ്ധൻ പിന്നെ അവിടെ നിന്നില്ല. മറന്നു വെച്ച കുട എടുക്കാതെ അയാൾ തന്റെ വീട്ടിലേക്ക് തകർന്ന മനസ്സോടെ മെല്ലെ മെല്ലെ നടന്നു നീങ്ങി…….,

പിറ്റേന്ന് മുതൽ ആ വൃദ്ധൻ മകന്റെ വീട്ടിലേക്ക് വരാതെയായി……

മൂന്നു ദിവസം കഴിഞ്ഞാണ് മകൻ അച്ഛനെ തേടി ഇറങ്ങുന്നത്…….,

അച്ഛൻ ഉറങ്ങുന്ന വീട്ടിൽ എത്തിയപ്പോൾ വൃദ്ധൻ അവിടെയില്ല.അടുത്ത വീടുകളിൽ തിരക്കിയപ്പോഴും ഒരു വിവരവും ഇല്ല……,

ഏറെ നേരം അലഞ്ഞപ്പോൾ അച്ഛൻ കയ്യിൽ ഒരു സഞ്ചിയുമായി എങ്ങോട്ടോ പോകുന്നത് കണ്ടെന്ന് ആരോ പറഞ്ഞു.
എവിടേക്ക് പോകുന്നു എന്ന് മാത്രം പറഞ്ഞില്ല…

പറഞ്ഞത് ഇത്ര മാത്രം…….

“ആരും ഒരിക്കലും മറന്നു വെച്ച കുട എടുക്കാൻ തിരികെ പോകരുത്”

Advertisements